#عكس_التيار✨
حلقه27
نزل ايهم يجري وكان منير ماسك رتاج من تيشرتها ودفها بقوه لين طاحت
منير بعياط..الفرررخه هذي معش تطلع بررررا فاهمين معش تطلع تي وحقربي نلاقهى برا نقص كرعيها
انا شفت منير معصب هك خفت من شكله
ايهم يفنص فيه..كملت كلام عليش تمد ف ايدك
منير..نمدها ونص ونكسرها تكسير
ايهم دفه بقوه من صدره..وقت انا نقعد مش قاعد ايدك معش تمدها فااااهم معش تمدها مع رتاج بذااات
منير..انت مش فاهم الموضوع ايهم اطلع منه
سليمه..ينعليا شن في كنك يامنير كنك معاها وجها احمر من الضرب
ايهم برم عليها وهيا كانت ماسكه ف كراع اعميمه وتبكي
ايهم عصب ومسكه من رقبته..عللليشششش تمد ف ايدك عليشش
انا منفجعه وحاطه ايدي ع قلبي
تسنيم قعدت تفك ف ايدين ايهم وتبكي..ايهم وخر ايديك افطن ورأس ايهم وخرهن ياااامممجدددد ميس كلمي محمد
انا طلعت نجري فتحت لباب لقيت محمد كيف بيطلع
انا..محمد محمد تعال حز بين ايهم ومنير
محمد جاء يجري..لا لا شن في
خش يجري ودف ايهم منه
محمد..كنكم الزف شن في معقوله ياايهم هكي
منير..انااا قتلكم نلاقهى طالعه نكسر كرعيها وطلع من الحوش وخبطه بقوه
ايهم برم ع رتاج وقرب منها شمرها..وين ضربك الحيوان هذا
رتاج حاطه ايديها ع وجها وتبكي وكتوفها يهزن
سليمه..سكتها ياايهم
ايهم..عدي اغسلي وجك والبسي وتعالي عدي معانا
تسنيم..تعالي نغيرلك هيا
خشت تسنيم برتاج
سليمه..افهم منه ياحمادي بالله عليك
محمد ماشي شور الباب..حاضر يا عمتي
ايهم برم عليا وجاء شوري..وجك اصفر انفجعتي
سليمه..تعالي خشي تريحي وجك منصفر من فجعه
انا..لالا توا نراجو رتاج هنا
شويا وطلعت وطلعنا ركبنا ف سياره
ايهم..نحطك عند هلك ساعه ولا ساعه ونص ونجيك كويس هكي
انا..تمام عادي
ايهم برم ع رتاج..توجا كويسه انتي تحسي ف حاجه
رتاج هزت راسها ب لالا وسكتت
ايهم..اوووف يارب الصبر نحطك وانا بناخذ رتاج نعدو نلعبو انا وياها شن رايك ياتوجا
هزت راسها بس
نزل ع محل وانا برمت عليها
انا ابتسمت..ايهم قالي نجحتي الثانيه ع مدرسه صاح
رتاج..اها صاح
انا..شطوره باين عليك مشاء الله سنه كم تخشي توا
رتاج دراتلي بيدها اربعه
انا..سنه رابعه مشاء الله توا تقعدي تنوضي صبح سنه جايا ولا مدرستك صبح
رتاج..لا صبح كانت
انا..باه احسن تعودتي عليها
ركب ايهم ومدلي الكيس
ايهم..تهدرزو
انا..امم نهدرزو شويا
وصلني لحوش هلي
ايهم..رد بالك من روحك علي ماجيت
انا..حاضر حبيبي
ايهم فنص فيا..انزلي
انا ضحكت..تمام نازله يلا باي رتوجه
نزلت دقيت ع باب وايهم يراجي لين فتحلي علاء
علاء ضحك..اوووو ميس قعدت بطه هلا هلا وين الغيبه
انا خاشه وحاطه ايدي ع بطني..كنك هازي ع ماما ياخالو
علاء صكر الباب وابتسم..لا ماهازي منضرك يضحك بس زي البطه تفضلي خشي هيا
خشيت لسقيفه
ماما..علاء من الي جاء
انا..انا يا ماما
ماما صبت..مرحبا شنو زياره السمحه هذي
انا..رايفت عليكم ماه
ماما..حتى نحن رايفنا عليك كيف حالك وكيف حال ايهم شن درتي ف امتحاناتك
انا..كويسين الحمدالله تمام امتحاناتي مشن
علاء..حليتي كويس
انا..الحمدالله
انا صبيت مسلح ف عبايتي..وين البنات
ماما..رحاب راقده نوضيها ورشا وريهام ف سوق
انا..باهي توا نخشلها يا خساره البنات بنهدرز معاهن
ماما..مره أخرى أن شاء الله
مشيت شور دار ونسقم ف قفطاني كنت لابسه قفطان ابيض مايل لسكري وفيه نقط سود من فوق البطن مخصر لين نازل عليه باقي القفطان ربع كم لعند ركبه
خشيت لدار لقيت رحاب مطفيه ضي وراقده ولعت الضي وجيت عند سرير كريت الورغان
انا..نوضي منوض اختك جايا وانتي راقده
رحاب..يييي ياميس ما كنت معاك ف مدرسه شن تبي
انا..نوضي جايا بنكسد عندكم
رحاب ناضت..اوووف هيا لاحقتك هيييي بطنك باينه واجد مش كيف ف الزي
انا ابتسمت..اها طالعه حتى اعليوه قالها
رحاب..تهبل ياميس منضرها حلو بكل
انا ابتسمت..ان شاء الله تعيشيه ياحنه صبي هيا
رحاب..هيا نخش لحمام ونجيك
طلعت لقيت ماما وعلاء ف كوجينه يهدرزو
ماما..تعالي درتلك كاكو الي تحبيه ورشا دايره بسبوسه قبل لا تعدي
انا..الله سهفت
ماما..ع حلو ولا ع حامض تسهفي ديما
انا..عادي الاثنين بالجو
علاء..نبو عيل ياميس فكينا من البنات
انا ضحكت..مزال جنس العيل مش توا
ماما..بنت ان شاء الله
انا..كيف عرفتيها
ماما..واضحه بطنك
انا..الي تجي من ربي يامحلاها
حطتلي ماما كاكو وبسبوسه ع خشت رحاب
رحاب..حسبتيني
انا..غير سلمي بعدها ادوي
رحاب..خاطيني بالله خليني نصحصح
قمعزت تلا علاء
علاء..ديما دايخه انتي
شتشتلها شعرها
رحاب..يييي علاء بطل فكني ترا
ماما..فكنا من حسها هذي ماتنقرب بكل
علاء شيرلي عليها وضحك
انا..خليها خلاص غريبه قاعد يااعليوه اليوم
علاء..ع ساس بنطلع امي لسوق بس ماصارش قعدت خلاص
انا..ليش ماطلعتي
ماما..طلعن البنات خلاص مافيش داعي انا
انا..باهي تريحي
ماما..بكرا تفطري لوطه عند عيت عمك
انا..اها نفطرو لوطه ان شاء الله
ماما..ذكرني يا علاء نكلم يوسف ع فطور مزال متعارك مع هله
انا..حرام عليها البنت حامل ترعش فيها
ماما..يانوريتي عليها كان تشوفي يوسف وجه اصفر وناقص مسكين
رحاب..مرات خالي هذي مش عارفه كيف شر ف عيونها
ماما..غير تخطى ولدها بس وتهنيه
انا..والله مانضني هذي حطتها ف راسها خلاص يبقى
ماما..كله يوسف مصكر راسه قال لو كان فيها إيش ماني واخذها منار
علاء..وهيا الصقه ليش ماتنسحب دابين عارفته مايبهش
رحاب..الصقه انك قلتها البنت هذي استغفرالله
ماما..ماتحكيش ع بنات الناس ربي يهديها حتى كان شايفه عليها حاجه
علاء..فكينا من شرها
انا..صاح فكونا منها غيرو السيره
رحاب..ياريتهن وعني طلعت معاهن محبوسه ليا اسبوعين
انا..عليك اسبوعين حبس ونكد والله وايهم يزيد فيا زياده تقول هو الي يمتحن ينوض قبلي ويوتي ف امتحان ويرجعلي ضغط و الله
ماما..وشن تبي أكثر من هكي مصبي معاك ومسيب محله ويقري فيك
انا..ضغط عليا ماه ونتعب
علاء..اهن مشن ياكباره الشورخ
انا ضحكت..سامط خزي عليك
علاء..واللهِ الله شورك انتي من زمان الحركات هذينا
انا بنرد عليه رن موبايلي..ايواه ايهم
ايهم..حبيبي انا قدام الحوش اطلعي هيا
انا..باه تمام شويا مش حنطول
ماما..بتعدي قصدك كيف جيتي
انا..ماه بنعدي لسوق ناخذ حاجات رمضان ماطلعتش غير قلت نشوفكم سريع سريع
رحاب..مش جيه راه
انا..ان شاء الله توا نجي ف رمضان نفطر عندكم
ماما..مرحبتين بيك
علاء طلع لي ايهم وانا نلبس ف عبايتي
وخذيت شنطي وسلمت عليهن
انا..كل سنة وانتم طيبين ينعاد عليكم بالصحة والعافية
ماما..وانتي طيبه حبيبتي اول سنه ف حوش راجلك
انا ضحكت..حنفقد لمتنا بس
رحاب..توا تجينا ياحنه خليك ف حوش راجلك
ماما..هابا عليك انتي
انا ماشيا شور الباب..هيا مع السلامه نشوفكم ع خير
ماما..ان شاء الله وانتي طيبه
طلعت لقيت علاء مصبي ع روشن ويهدرز مع ايهم
انا..كل سنه وانت طيب يااعليوه هيا مع سلامه
علاء مصبي عند بابي وماسكه..وانتي طيبه بيش تجينا
انا..حاضر ان شاء الله
صكرلي بابي
ايهم..هيا مع سلامه سلم ع عزو
علاء..يوصل ان شاء الله
طلعنا بسياره
انا..شن صار ف رتاج ومنير وينها هيا
ايهم..شلتها لجنينه لعبت وهدرزت معاها قالت لي ولد جيرانا كان يلعب معايا ومسكه منير ضربه وضربها كلمت محمد قالي سألته قال كان يلمس فيها وايدير ف حركات مش تمام هيا مش فاطنه اختي عرفها طفوليه للمليون
انا..ييي يا عمري بس لازم توروها ماتجيش هكي
ايهم..قلت لي امي نروح بس نحكي معاها ومنير حسابي معاه بعدين
انا..فوته ياعمري معليش خايف ع اخته اكيده
ايهم..ماه نقوله ماتمدش ايدك بس فيك ياوادي
انا..ماتحكيش معاه عارفتك عصبي توا تنفصل نبدري خوفتني والله
ايهم مسك ايدي وباسها..اسف مش مركز بس تنرفزت
انا ابتسمت..ع مهم ماتحكيش معاه وانت معصب
ايهم هز راسه..ان شاء الله خير هيا نزلي
نزلنا لسوبر ماركت وخشينا خذينا كروسه وقعدنا نبرمو ناخذو ف الحاجات
انا..حبيبي شكلاطه معش في ف الشقه
ايهم..تبيلك صندوق انتي معش تاكلي واجد تضري ف روحك
انا..ياحبيبي شن ندير نتوحم بس عليها
ايهم..حاضر ياهمي انتي
انا ابتسمت..نجك ليا نحبك ولله
ايهم بحت فيا بنص عين..ميسس خيرلك
انا حطيت ايدي ع فمي..اسفه
ايهم ضحك ويهز ف راسه..تعالي هيا
قعدنا نسوقو وغيرنا جو وروحنا لشقه"
