The writer: Anosha Alriany✍🏻
#عكس_تيار✨
حلقه11
"عزو..امممميييي
ماما طلعت من مطبخ..كنك تعيط شن في
عزو..تعالي هنا الفرحه ريهام تلاقى مع اسامه
ماما..وين تلاقى معاه
عزو..ف جامعه وين يعني
ماما..انا ياوليدي ع حسب علمي أنهم مايتلاقوش عليش شن في
عزو..معناها قوليلها قالك عزو ريحي روحك خيرلك مانبيش نتهور انا ياامي خلوني ساكت
ماما..باه باه غير اهدى سلم وليدي
عزو..انا طالع تغدو انتم
ماما..وين ماشي تعال هنا
عزو..ياامي طالع ماتسكنيليش ترا
طلع وماما خشت لدار ع بنات
ماما..ينعليا انتن بتجلطني ولا تريحتن
ريهام..كنك ياماما شن في
رحاب ناضت بحتت ف ماما
ماما..خوك قالك ريحي روحك معش يبي لاقات انتي وخطيبك شورا واصله كلام ينعليا تخلن ناس يحكو علينا
ريهام..من قاله هو
ماما..المره هذي دوالي مره اخرى مش عارفه شن ادير خلاص مش قادره تصبري شهور وتقعدي عنده
ريهام..غير اهدى ياماما بس راه سكرك يرقى
ماما..ااه اديرن العمايل وتقوللي اهدى"
"خشيت دوشت وطلعت لبست فستان لونه اخضر كم شتوي وفيه وردات صغيرات لونهن دمي وعليها جاكه امريكه مشطت شعري وجفتته ولفيته فوق ومشيت لحمام
انا..حبيبي ايهم هيا وقت تاخرنا
ايهم..لحظه بس وطالع البسي علي ماطلعت
انا..باه حاضر
درت كريم ومسكرا وروج هادي بكل وحطيت وشاح حط لونه دمي وكندره وسبيدرو نفس الوقت امريكيه بخيت عطري وبرمت ع شقه ورديت لدار لقيت ايهم يلبس
انا..باه الي طلعت وقت
ايهم..مزال مادوقو علينا
دق باب
انا..هاه
ايهم..امشي حلي
مشيت حليت باب
رتاج..قالتلكم ماما هيا غداء طاايب
انا ابتسمت..باه هيا نازلين حبيبتي
نزلت تجري وانا خشيت لقيت مزال يصكر ف سير
انا..ايهم فيش تراجي
ايهم..هههه نراجي فيك تلبسيني
كريت سوريا من ع سرير
انا..هيا مد ايدك
ايهم مبتسم..اووو ع دلع
لبسته سوريا وبنصكر البطم كرني من خصري بقوه لين لصقت فيه
ايهم..مش كان نفوتوهم خير لنا
انا فنصت..ايهممم وخر حي عليك يراجو فينا
ايهم ابتسم ع جنب..ناخذ الي نبيها قبل
انا..بعدين والله توا خلينا ننزلو عيب ياحانط
قعدت نصكر ف بطم بسرعه ومديتله جاكته الجلد
انا..هيا سقد يامستفز
لبس وبخ عطره وانا خذيت موبايلي وطلعنا من شقه
ايهم..حوليه الوشاح
انا..خليه وخلاص مزالت جديده
ايهم..هههه باه ياعبيطه
انا..خلاص هلك اسس
نغزني ف جنبي
انا نطيت وابتسمت..ايهمممم
منير..اووو العرسان عندنا
انا وجي قعد احمر لانه عرفته شافنه
ايهم..وين يا باشا قالو اشغال ودنيا شايلا
منير..بعدين ياحانط خلي نسلمو ع مرات خويا
انا..خيرات كيف حالك يامنير
منير..الحمدالله بخير انتي شن دايره مع ايهم
انا ضحكت..كنكم نفس السوال
منير..حصله ماه عارفه انا
انا..لالا حرام عليك لعند توا طيب
منير..يتقيك شره بعد ينفصل
ايهم..خش ياحيوان انت خيرلك
خشينا لحوش عمي لقيت تسنيم ودنيا ينضمن ف طاوله قربت منهم
انا..هاتي يادنيا توا نديرهن
تسنيم..يابتي حنتك توا اطير خليك
انا..حسستيني ميه ياخيه وسيورها طايره
نضمت خبزه وبرمت ع جيها الي مقمعزين فيها شباب بحت فيا ايهم وقرن حواجبه وقعد ينزل ويرقى ف حواجبه وغمزلي قعدت نضحك ع حركاته
سليمه..هيا تفضلو غداء واتي
ايهم..رز امي ومحشي اميي اووو واجد هكي سلم ايديك ياغاليه
سليمه ابتسمت..سلمك حبيبي صحه
تسنيم..وعصير سونا حتى هو ماتنسش
ايهم..وعصير فراوله الي ساكنه بيه تسنيم
تسنيم..مش تحبه
ايهم..خلاص عاد حمضتي عليه
منير..باهي حلتلكم توا هدرزه ع صفره راني ميت جوع
قمعزت تلا ايهم واعميمه وامجد ع رأس طاوله ومن جيها امجد دنيا ورتاج بعدها منير من صفتنا ومن صفه لأخرى تسنيم
سليمه..سمو بالله
قعدنا نتغدو
منير يأكل..محشي من جمعه الي فاتت قتلك ديريه درتيه الا ع برنسس ايهم
ايهم ضربه ع ضهره..غير زمط الي ف فمك بس
سليمه..خليه خليه يفترش بس قتلك صبي جيب خضرا قتلي لا ماعنديش نيه
امجد..تاخذي ع كلامه ياامي
منير..قريب شرقت من كثر مادرتو عليا هجوم
دنيا..صحه صحه ماتعدلش عليهم هذيما ديما هك غايرين منك راهو
منير..هههه اهي مرات خويا صقع
تسنيم..تمشي فيك ياهبل
منير..اهي ميس الجديده توا تحكم عليا انا شنو هبل ولا حانط وهما غايرن مني نفس ماقالت دنيا
انا..ههههه لا هما غايرن منك انت صقع عليهم
منير..اهو الكلام الصح
ايهم بحت فيا من جنب..منوره ع بيعه
انا ابتسمت..نقول ف حق كنك انت
ايهم..الحق صار باهي باه ياميس
امجد..ميس ماتختصري ع روحك وتقوليلهم امجد احسن منكم
قعدت نبحت فيهم هما ثلاثه
انا..مافيش احسن من توجا
رتاج ابتسمت وبحتت فيا
ايهم..توجتي انا كنها ساكته اليوم
رتاج..نعسااانه
ايهم..ههه بعد غداء ارقدي راك تخشي لمطبخ ع ساس يعلمو فيك
رتاج..لالا مادخلنيش بيهم انا خلاص في تسنيم و ماما ودنيا وميس اخرى توا
ايهم..هههه لا خلاص راه تسنيم نبو نجوزوها تقعدي انتي تضمي وتحوسي
رتاج مدت فمها..عادي
امجد..ماتلبسهش خليها حبيبه خوها
تغدينا وصبينا و شباب طلعو لجنان ونحن قعدنا نلمو ف مواعين"
