တစ်ညသောအချိန်အခါမှာတော့ လူသားတိုင်းပြည်ကမင်းသားလေးတစ်ပါးဟာ နတ်မြင်းပျံကြီးကိုစီးလို့ လောကတစ်ခွင်ကို လှည့်လည်ကြည့်ရှူလေတယ် ။ နတ်မြင်းပျံကြီးကိုစီးထားတဲ့မင်းသားလေးဟာ တောကြီးတစ်ခုရဲ့တစ်နေရာကိုရောက်တော့ မိန်းမငယ်လေးတစ်ဦးရဲ့ နာကျည်းစွာငိုကြွေးနေတဲ့ အသံကိုကြားတာကြောင့် သိလိုစိတ်နဲ့အတူ အသံကြားရာနောက်ကိုလိုက်ခဲ့လေတယ် ။ မင်းသားလေးဟာ ငိုသံနောက်ကိုလိုက်ရင်း တစ်နေရာအရောက်မှာတော့ မှောင်မဲပြီးကြောက်ဖို့ကောင်းလှတဲ့ ဘုံနန်းကြီးတစ်ခုကိုတွေ့လိုက်ရတယ် ။ ငိုသံဟာ ဘုံနန်းရဲ့ အပေါ်ဆုံးထပ်ကနေကြားနေရတာကြောင့် မင်းသားလေးဟာ သူ့ရဲ့နတ်မြင်းပျံကြီးကို ဘုံနန်းရဲ့ အပေါ်ဆုံးထပ်ဆီကိုဦးတည်လိုက်လေတယ် ။
မင်းသားလေးဟာ ဘုံနန်းရဲ့အပေါ်ဆုံးထပ်ကိုရောက်တော့ မီးရောင်ပြပြလေးလင်းနေတာကိုတွေ့လိုက်ရတာကြောင့် သူ့ရဲ့နတ်မြင်းပျံကြီးကို လေသာပြတင်းပေါက်ဆီမှာ ရပ်လိုက်ပြီး သူကိုယ်တိုင်ကတော့ ငိုသံကြားနေရတဲ့ နေရာဆီကိုသွားလိုက်တယ် ။ သနားစဖွယ်ငိုကြွေးနေတဲ့ မိန်းမငယ်လေးတစ်ဦးဟာ ကြီးမာလှတဲ့ ကုတင်ရဲ့အောက်ခြေမှာ သူမရဲ့သေးငယ်တဲ့ကိုယ်လုံးလေးကို ကွေးနိုင်သလောက်ကွေးထားပြီး ငိုကြွေးနေတာကြောင့် သူမရဲ့ဘေးမှာ သူစိမ်းတစ်ဦးရောက်ရှိနေတာကိုပင်သတိမထားမိလိုက်ချေ ။ မင်းသားလေးဟာ ငိုကြွေးနေတဲ့မိန်းမငယ်လေးကိုတွေ့တော့ သနားစိတ်ဝင်သွားပြီး အနှီမိန်းမငယ်လေးကို မဝံ့မရဲနဲ့ သွားတို့ထိလိုက်လေတယ် ။
မင်းသမီးလေးဟာ သူမငိုကြွေးနေတုန်း တစ်စုံတစ်ယောက်က သူမကိုလာထိသလိုခံစားလိုက်ရတာကြောင့် သူမရဲ့ဦးခေါင်းကိုထောင်၍ကြည့်လိုက်မိသည် ။ ထိုစဉ်မင်းသားလေးကလည်း မင်းသမီးလေးကိုကြည့်နေတာကြောင့် သူတို့နှစ်ဦးအကြည့်ချင်းဆုံသွားပြီး မြင်မြင်ချင်းပင်ချစ်ခင်စုံမက်မိကြလေသတဲ့ ။ မင်းသားလေးဟာ ထိုအချိန်ကစပြီး လူသားတိုင်းပြည်ကိုမပြန်တော့ပဲ ထိုဘုံနန်းအတွင်း၌သာ မင်းသမီးလေးနဲ့အတူပေါင်းဖက်ပြီးနေကြသတဲ့ ။ သူတို့နှစ်ဦးဟာတစ်ယောက်ကိုတစ်ယောက်သိပ်ချစ်ကြပေမဲ့ ကျိန်စာမိနေတဲ့ မင်းသမီးလေးဟာ အချိန်ကြာလာလေ သူမရဲ့ရုပ်ရည်ဟာ ပျက်ယွင်းလာလေဖြစ်လာတယ် ။
YOU ARE READING
I'm Not A Girl |TK|✓
Fanfictionအချစ်သာ နေမင်းကြီးဆိုရင်...ထယ်က နေမင်းကြီးဘေးမှာ ဝန်းရံနေမဲ့ ဂြိုလ်ငယ်လေးတစ်လုံး .... Start - May 15,2021 End _ Sep 17,2021 အခ်စ္သာ ေနမင္းႀကီးဆိုရင္...ထယ္က ေနမင္းႀကီးေဘးမွာ ဝန္းရံေနမဲ့ ၿဂိဳလ္ငယ္ေလးတစ္လုံး .... #cover_art_by_Luno
နဂါးမင်းသမီးလေးပုံပြင်
Start from the beginning
