နေ့လည်နေ့ခင်း လေ့ကျင့်ရေးအပြီးတွင်တော့ ကျန်ရှိနေသည့် အချိန်များတွင် ထယ်ယောင်းပြုလုပ်လေ့ရှိသည့်အရာမှာ စားသောက်ဆိုင်သို့သွားရောက်ကြည့်ရှုခြင်း (သို့မဟုတ်) အချစ်အတွက် ညနေစာချက်ပြုတ်ပြင်ဆင်ပေးခြင်းပင်ဖြစ်သည် ။ ယခင် 21ရာစုတုန်းက ဟင်းလျာများပြင်ဆင်ချက်ပြုတ်ခြင်းကို ဝါသနာပါခဲ့သော ထယ်ယောင်းသည် အလုပ်ကိစ္စနှင့်များစွာသောအကြောင်းရင်းတို့ကြောင့် ဝါသနာပါသောဟင်းချက်ခြင်းအလုပ်ကိုပြုလုပ်နိုင်စွမ်းမရှိခဲ့ချေ။ ထို့ကြောင့် ယခုလိုတစ်ဖန်ပြန်လည်ရရှိလာသောဘဝအသစ်၌ ယခင်သူမလုပ်ခဲ့ရသည့်အရာများကို အကောင်ထည်ဖော်သွားမည်ပင် ။
ဒီနေ့တော့ဖြင့် ထယ်ယောင်း စားသောက်ဆိုင်သို့မသွားတော့ဘဲ ဂျောင်ကုအတွက်ညစာသာချက်ပြုတ်ပေးတော့မည် ။ ထို့ကြောင့် ထယ်ယောင်းလည်းမြှားပစ်ကွင်းမှ တစ်ဆင့် စားဖိုဆောင်သို့သာတိုက်ရိုက်သွားလိုက်ကာ လင်ဗန်းတစ်ချပ်အား ထောင့်တစ်ခုအတွင်းမှ ထုတ်ယူလိုက်လေသည်။
ထိုစဉ်ဂျောင်ကုကတော့ ဟွာရန်းကျောင်းတော်က ကျောင်းအုပ် ၊ လက်ထောက်ကျောင်းအုပ်တို့နဲ့အတူ အထူးဆောင်အတွင်း၌ စကားလက်ဆုံကျနေမိသည် ။
“ ကျောင်းအုပ်ကြီး...ဒီလောကကြီးမှာလေ မဖြစ်နိုင်တဲ့အရာဆိုတာရှိလား ”
“ စစ်သူကြီးကဘာကိုပြောချင်တာတုန်း ”
“ဟိုလိုလေ...ယော..ယောင်္ကျားအချင်းချင်း... ကြိုက်....”
“ ဟေ...”
ဂျောင်ကု၏စကားကြောင့် ကျောင်းအုပ်ရော လက်ထောက်ပါ အံ့ဩသွားမိသည်မှာအမှန်ပင် ။ အရင်တုန်းက စစ်သူကြီးဟွမ်ဂျင်တစ်ယောက် ယောင်္ကျားလေးတွေကိုသာစိတ်ဝင်စားတယ်ဆိုပြီး သတင်းသဲ့သဲ့ထွက်ဖူးသည်မလား.....။ ဒါပေမဲ့ သူတို့ကတော့ မယုံကြည့်ခဲ့ပါဘူး ။ ကောလဟလအနေနဲ့သာ သဘောထားခဲ့တာ ။ အခုတော့ ‘ ယောင်္ကျားအချင်းချင်းကြိုက် ’ ဆိုသည့်စကားကို ကိုယ်တိုင်ထုတ်ပြောလာပြီဆိုတော့ကာ..... စစ်သူကြီးရဲ့ ကြင်ယာတော်က ကန်ထုတ်ခံရတော့မှာများလား....
“ စစ်သူကြီး...မေးချင်တာက ယောင်္ကျားလေးအချင်းချင်းကြိုက်လို့ရလား ဆိုတာကိုလား ”
![](https://img.wattpad.com/cover/306349462-288-k850325.jpg)
YOU ARE READING
I'm Not A Girl |TK|✓
Fanfictionအချစ်သာ နေမင်းကြီးဆိုရင်...ထယ်က နေမင်းကြီးဘေးမှာ ဝန်းရံနေမဲ့ ဂြိုလ်ငယ်လေးတစ်လုံး .... Start - May 15,2021 End _ Sep 17,2021 အခ်စ္သာ ေနမင္းႀကီးဆိုရင္...ထယ္က ေနမင္းႀကီးေဘးမွာ ဝန္းရံေနမဲ့ ၿဂိဳလ္ငယ္ေလးတစ္လုံး .... #cover_art_by_Luno
ချစ်ခြင်းတို့ အစပြုရာ
Start from the beginning