Unicode
တီ.....တီ.....
အပြာရောင်ကို အနုစိတ်ခြယ်သထားသော နှစ်ထပ်တိုက်ခြံအကျယ်ကြီးရှေ့သို့ ဟန်ဓနရိုးတို့၏ ကားဖြူလေးမှာ စိုက်ရပ်သွားတော့သည် ။ ခြံစောင့် ဖြစ်ပုံရသောလူကြီးတစ်ယောက်က တံခါးလာဖွင့်ပေးတော့မှ အကိုစိုင်းတခေတ်က ကားပေါ်ကဆင်းပြီး သူ့ကိုနှုတ်ဆက်၏ ။
"အိမ်ထဲ ဝင်ပါအုံးလား ညီ"
"နေပါစေဗျ ကျွန်တော်နောက်လမ်းကြုံမှ အလည်လာခဲ့ပါ့မယ် အကိုခေါ်မယ်မို့လား"
"ဒါပေါ့ကွ မင်းလာချင်ရင် အကိုကတံခါးမရှိ ၊ ဓားမရှိ ကြိုဆိုပါတယ်ကွာ "
"ဟား....ဟား....ဟုတ်ပါပြီဗျာ ဒါဆိုနောက်အားရင် ကျွန်တော်ဆက်ဆက်လာခဲ့မယ် အကို အခုတော့ သွားအုံးမယ်နော်"
"သေချာဂရုစိုက် မောင်းနော် ဘိုင့်ဘိုင် ညီရ"
ဓနရိုးဘက်က ခေါင်းညိတ်လို့သာ အသိမှတ်ပြုလိုက်မိသည် ။ ခဏတာဆုံမိတဲ့ လူကို တစ်ဘဝစာ ရင်ခုန်မိခဲ့ပြီ ထင်ပါရဲ့လေ။ အကိုစကားသံတိုင်းက ကျွန်တော့််ရင်ကို အဖျားခတ်စေတယ် ။
ဒေါက်.....ဒေါက်....ဒေါက်
"ကိုကိုတောင် ပြန်ရောက်ပြီလား သားကအရမ်းသတိရနေတာ"
အခန်းတွင်း ရှူးဖိနပ်သံခပ်ကျယ်ကျယ်နှင့် လှမ်းလာတဲ့သူ့ကို ပြေးဖက်လို့ အမူပိုချွဲပြနေသော ကောင်လေး၏ကိုယ်အား စိတ်ရှုပ်သလိုဆွဲခွာပစ်မိသည် ။
"ဒီမှာ! မြူဒေါင်းစိုင်း! ငါ့အသားကိုလာမထိဖို့ မင်းကို ဘယ်နှစ်ခါသင်ထားလဲ မင်းနားမပါဘူးလား ဟမ်!"
"ကိုကို... ဟို...သားကလေ ကိုကို့ကို....."
"တော်တော့ ဆင်ခြေတွေ နားထောင်ဖို့ ငါမအားဘူး ပင်ပန်းလာတယ် ဖယ်စမ်း!"
သေးသွယ်သွယ်ကိုယ်လေးကို ဘေးကိုတွန်းဖယ်ပစ်လိုက်ပြီး ကိုယ့်အခန်းကို ဝင်လာမိသည် ။ သူ့ဘက်က ဘယ်လောက်ဘဲ တွန်းဖယ်နေပါစေ အမြဲကပ်တွယ်နေတဲ့ သူ့ကို စိတ်နာနာနဲ့ ပိုလို့အပြစ်တင်မုန်းတီးနေမိသည် ။ ဒါတွေဟာ သူ့ရဲ့ လူယုတ်မာအမေကြောင့်ဘဲမလား ။
ВЫ ЧИТАЕТЕ
𝙈𝙮 𝙝𝙪𝙨𝙗𝙖𝙣𝙙 𝙞𝙨 𝙫𝙚𝙧𝙮 𝙢𝙚𝙖𝙣 𝙩𝙤 𝙢𝙚 (Complete)
Любовные романы"အချစ်ကို မသိခင်တုန်းကတော့ ငွေကိုဘဲ ကိုးကွယ်ခဲ့ဖူးတယ်!!!" "အခုတော့...ခင်ဗျားကိုဘဲ ကျုပ်ကိုးကွယ်နေမိပြီ"
