امنيه في ظلام الليل

Part 11

-هههه اي بيبي اني سويت الريوگ تعاي ضوگي

-جايه جايه بس اذا مو طيب گله ازقه بحلكچ

-ضحگت وسحبت الگرسي الها:-ماشي يابه اقبل

-گعدوا كلهم ياكلون

-ماكو ولا اي تعليق البيبيه سكتت وكلشي محچت، عرفت الاكل عجبها..

-كلهم گاموا وجدو وعمي ابو عزام وابو عمر وعمر واخو عزام كلهم راحوا اجوهم خطار ذوله اكثر شي يطلعون وعزام من يجي هم وياهم اما سامر وحارث نادراً ميگعدون وياهم مخلصيها طلعات سوه..

-گملت تنضيف ورحت للهول عمتي ام عزام اخذت عفراء هي وام عمر وراحن للسوك يكملن جهازها..

-اني گعدت يم بيبي چانت تسبح باوعتلي وگالت:-

-مازال ماعدنا شي وذيچ اليوم ما كملتلچ قصتي تعاي اكملها هسه:-

-ضحكت وتقربت عليها:-

-ماشي بيبي احچي..

ذكريني وين وصلت

-امممم لحد ما ابن عمچ نط..

***

"موهه"

-انه چنت فرحانه بس مستحيه ابين انو مكيفه بالشيخ بس هذا الصخل من نط انه تسودنت شني كاظم هوبزه رايدني..

-وچبت وانه متگرظمه ويامن يجيب امي..

-شفتها طلعت من يم عماتي ونسوان عمامي:-

-يمااااا يماااا

-وجعاااا شبيچ

-هذا كويظم هوبزه احط واموت ومااخذه

-انچبي وبلا لعلعه

-عافتني وراحت وانه متتت شنييي اخذذذه الا تسودنت!!

-مر وگت وهمه راحوا قبل لا يولون اجاني گويظم هوبزه:-

-موهه لاترضين بالشيخ انه اوله بيچ وادللچ دلال ماشافته عينچ

-معليككك بيه لككك انه بمزاجي ارفض واقبل انوب اقبل بيمن بدلوع امه الا تسودنت..

-نشوووف يموهه نشوف..

-عافني وراح وانه رحت جوه رشيت الغرفه مي ونمت ع الگاع..وحچيت وي روحي هو هالفاهي هذا وين بي خير بس يهوبز وهو بوخه..چا انه من طلعتله لقب "كويظم هوبزه" هيچ من لاچاره؟