هو الظاهر ممتجاوز خيبته الاولى ولا اني الراح اتجاوز شعوري الغريب
الاعرفه مجهول حول كل شي ..دفعت وطلعت للبيت
حريت من التوتر نزعت الشال والملابس دخلت للحمام ليث
مو هنا الحمدلله طلعت ع سريع بردانه ونعسانة
ناقصني شي لبست وعفت شعري تعاجزت امشطه مگدرت انام ولا كدرت ادفه التوتر الاني بيه ضيعني
بقيت افتر بالصالة اروح واجي وايدي ع شفتي دخل ليث
ليث : سلام
نظر : وعليكم ..تحمحم واردف
ليث : سابحة؟
نظر : ايي ، حرام؟
ليث : لا مو شسمه.. حك اذنه ..مو قصدي بس الجو بيه برودة
وشعرج مبلل لهالسبب
نظر : حريت ودخلت وهسة بردت
ليث : اني اجيت لأن وحدج بالبيت منتظر كال مگدر يجي
وانتِ ممتعودة
نظر : تعبتك وياي ، مشكور
ليث : الشكر الله .. ايي شسويتي طول هالايام؟
نظر : وره مرحت انتَ من البيت يعني ثاني يوم اجه منتظر
وهيج اكل اداوم انام اشرب وانام والجديد يجي منك كل الأخبار يمك المفروض اني الأسأل
ليث : ردت افتح موضوع لا أكثر
نظر : مُسلِم ؟
ليث : شبيه
نظر : البارحة من لعبنا وي يقين اصبعه تأذى ، شلونه؟
ليث : هسة دريت منج ..الظاهر علاقتكم قوت
نظر : الحمدلله دنتأقلم ع بعض شوي شوي والطفل دمه
محبوب وخفيف سهل التعامل
ليث : ان شاءالله خير
نظر : تريد غدا ؟
ليث : مشكورة ، اخذي راحتج بغرفتي إذا تردين شي
نظر : اخذ راحتك
.. دخل للغرفة تنفست بعمق وراحة جنت متقيدة
دخلت للغرفة مشطت شعري ونمت حيل نعسانة كعدت ع صوت منتظر
منتظر : نظر يلا كومي
نظر : ها
منتظر : نروح
نظر : تمام
..لبست و طلعت يحچون هو وليث بخصوص القرار
منتظر : نظر
نظر : خير
منتظر : اليوم نروح للبيت وره المحكمة و ارفع شكوى ع راسم
هزيت راسي : أن شاءالله
منتظر : بس فترة واسحب الشكوى
نظر : صدك تحجي ، ليش ؟
منتظر : ينسجن فترة كدرس اله واسحبها ماأگدر يبقى ابو
اخوتنا وربانا
نظر : درس ؟!.. منتظر درسيش هو مضاربك طلقة بأيدك وتريده
يتوب لك باك حياتنا واملاكنا غير واقعنا اخذ امل امي من ايدها هو خان ذكرى بابا السوا مو قليل حتى تنطي درس هو لعب بحياة ناس عادي وماأهتم وجانوا مستمرين لو ماأسمعهم ..حازم ولازم ورسُل ..مضطرين يعيشون العشنا احنا لو شوية منه اذا انتَ تسحب شكوتك اني لا
منتظر : بس نظر همَ شذنبهم ويبقون اخوتنا بينا زاد وملح
نظر : همَ اخوتنا وعلاقتي بيهم لابد ترجع بس ذنبهم أبوهم راسم الخطف ماضينا وي حاضرنا ومستقبلنا ..اني هم ماأريد يفتركون بس راسم لازم ياخذ جزاء افعاله ..وبالنسبة الصبرية هذهِ الوحدها الها عقاب خاص مني
منتظر : نظر لا تسودين نيتج وسلميهم بأيد الله عوفي سالفة الانتقام من البداية جنتي رافضة فكرة الانتقام شتغيير ؟!
نظر : هواي تغير مثلاً مجنت اعرف نتيجة التحليل هسة اني
متأكدة منها مثل اسمي ..اني مراح انتقم اكيد لا .. بس صبرية بيني
وبينها حساب يختلف عن هاي السالفة تماماً
DU LÄSER
شاهينة نذر الحوافي
Slumpmässig kategoriانا الشاهِينَة التي تَبحث عَن حُريتها.. عَصفت بي الأقدار مِن كف إلى كف و لا كف يرحم كل مَن يراني يريد كسر اجنحتي.. هل سأقاوم واستمر في الطيران ام ستنكسر؟ اجنحتي ع يد الظلام مانعين الحُرية :شاهينةة منوو محاول يكسر جناحاتچ
البارت 24
Börja om från början
