أحفاد اليخاندرو ( ابواب الجحيم التسعة)

الحادي والعشرون

البارت نزل بدري لاني خارجة ومش ضامنة خرجت امتى فأتمنى تقرأوه بعد الصلاة ومتنسوش تعليق برأيكم على الأحداث ..
_____________

كان يقف على باب المنزل وهو يتوعد في داخله لها بالويل، تركته وهربت وكأنه سينقض عليها ويأكلها، تلك الغبية يقسم أنه سيـ....

توقفت افكار جاكيري الإجرامية وهو يستمع لصوت فتح الباب، رفع رأسه باندفاع شديد ظنًا أن توفيق أو هي من فتح له، لكن خاب ظنه وهو يلمح اخر شخص توقع رؤيته هنا وفي هذا المكان ....

تشنج جاكيري بشكل مضحك وهو يعود خطوتين للخلف ينظر للمنزل مجددًا عله أخطأ العنوان، ثم عاد مجددًا يقف أمام ذلك الذي كان يرمقه بعدم فهم وحاجب مرفوع ...

" أنت ماذا تفعل هنا ؟؟؟؟"

تحدث جاكيري بصدمة وهو يرى نظرات فبريانو له، فبريانو ؟؟؟ ماذا يفعل فبريانو هنا ؟؟؟؟ هل هو على معرفة بتلك الفتاة الغبية ؟؟؟

" بل السؤال هو ماذا تفعل أنت هنا ؟؟؟؟"

في هذه اللحظة أتى الجميع على صوت فبريانو ليصدموا بذلك الموقف الذي لم يفهم أيًا منهم شيء بشأنه، عدا توفيق الذي وبفطنته المعهودة تحدث مشيرًا لذلك المشهد وتلك النظرات الغريبة بين الاثنين وهو يقول بصوت منخفض لروبين و رفقة :

" أنا على فكرة شوفت المشهد ده قبل كده "

نظرت له الفتاتين بتعجب شديد ليندمج هو في الشرح :

" يوم الجمعة اللي فاتت الصبح كده ...."

قاطعته روبين بسخرية كبيرة :

" قبل الصلاة ولا بعد الصلاة ؟؟؟"

" لا كان بعد الصلاة، المهم شوفت فيلم هندي كده كان عن اخين توأم وهما صغيرين تاهوا من بعض وفضلوا كده سنين وكان كل شوية يتجمعوا صدفة بس مش بيعرفوا بعض أو بياخدوا بالهم، اكمنهم يعني توأم متخلف "

" مختلف ؟؟؟؟"

صححت رفقة لتوفيق حديثه، ليضيف هو :

" أيوة صح مختلف، المهم تمر السنين ويجي واحد منهم يروح لحكيم في نفس الوقت اللي اخوه بيروح لبيت الحكيم ده و...."

اكملت روبين بسخرية :

" وبيكتشفوا أنهم اخوات "

" ايه ده أنتِ كمان اتفرجتي على الفيلم ولا ايه ؟؟؟؟"

" فيلم ايه يا عم توفيق ارحمني، دي قصة مهروسة في كل حتة، أنت لسه مكتشف الحياة جديد ولا ايه ؟؟؟ ده من ايام الابيض والأسود كان معندهمش غير القصة دي وكل شوية ينوعوا فيها "

تحدث توفيق وهو يهز رأسه باقتناع :

" أيوة فعلا بس الفيلم ده مختلف على فكرة في الحتة بتاعة الحكيم دي، اصل في الاخر الحكيم ده طلع ...."