....تغادر منزلك الان في عطله رسميه لكن ماإن تلقي بنفسك على المقعد الخلفي في السياره حتى تساورك الشكوك (هل أغلقت الفرن ؟)
تحاول تجاهل هذه الأفكار لكن مهما حاولت فلن تتيقن انك اغلقت الفرن ..
وتزداد الشكوك قوة إلى درجة لاتقوى على دفعها ..وفي النهايه تستسلم لها وتطلب من السائق العوده .
..وأثناء انتضاره خارج المنزل تقوم بفتح وإغلاق الفرن بعدد لايحصى من المرات
.. دون توقف بغض النظر عن الوقت اللذي تمضيه محدقآ بالفرن ...
لايمكنك أن تتأكد بأنه مغلق بدلاً من ذلك كلما دققت به النضر كلما زادت الشكوك لديك
...لاتستطيع عيناك على رؤية أنه مغلق حقا ..لان ذلك لايسجل في مخيلتك ...
.................
نعم إنه الوسواس القهري (OCD)
موضوع روايتي القادمه ..
تعالوا لنقرأ روايتي القادمه حتى نتعرف على شخصيات ابطالها وماعلاقتهم في موضوع الوسواس القهري .
..من منهم يستحق أن يستجدي العطف ومن منهم يستحق أن نوجه له اصابع الاتهام ومن منهم سوف يكون ...(رهان مقبوضه ) لتنفيذ مهمه مطلوبه منه ...
سوف نكون أنا وانتم المحكمه والقضاة لنحكم عليهم ماإن كانوا ضحية ام مرضى نفسيين ام أطباء ...
.............
مشهد
....انتي شلون تخلينه يگوم يحبج ويتعلق بيج ؟! انتي ناسيه بيني وبينج اتفاق تنفذينه وتطلگين من غمار لواذكرج ..؟.
....لا ماناسيه ..صح جان اتفاق بالبدايه بس هسه الوضع اختلف غمار زوجي وشكو بيها وإذا حبني وحبيته انته ليش ضايج ؟
....هههههه ضحكتيني والله .. يعني انتي هم تحبي صرتي ..نسيتي الإتفاق الي بيني وبينج
..نسيتي رسالة الماجستير مالتج عن شنو تتكلم ؟ تتوقعين اذا غمار عرف أنه هوه مجرد حاله بالنسبه الج ورهان مدفوع الثمن ..رح يبقى يحبج ؟
....الله يخليك لتگوله شي عن الإتفاق ..اني اعترف صح بالبدايه جنت اشوفه مجرد حاله ورهان بس هسه من تعرفت عليه حبيته من صدك ونسيت كلشي ..
....موبكيفج تنسين وتحبين ..غمار ميصير يتقربلج وتصيرين زوجته الفعليه مستحيل ..
....وانت شعليك شلون تدخل بهيج موضوع خاص تره عيب ..
....ولج افهمي يابشر مو قصة عيب غمار گلبه تعبان عنده ضعف بعضلة القلب من الطفوله يعني الزواج اصلا بي خطوره على حياته ..
....شدتگول انته ؟ غمار گلبه تعبان ؟ لعد ليش ماكتلي من البدايه شلون تضم عليه ...وإذا گلبه تعبان ليش خليته يتزوجني ؟
....اني اتفقت وياج تكونين جليسه اله حته من اسافر اكون مأمن عليه يم زوجته ماعبالي رح تخلي يحبج ويتعلق بيج ..
.....يعني شنو ؟
....يعني زواجج من غمار يبقه عالورق وبس .. اصلا هوه هم يعرف بهذه الشي ويعرف نفسه گلبه ميتحمل إرهاق وتعب ..
....زين انته مو طبيب واختصاصك جراحة قلب وشرايين ..ليش ماحاولت تعالجه ..
....ومنو كالج ماحاولت اخذته وسافرت وعمليته بتركيا تنجح بس هوه ميقبل يسويها لان العمليه كلش خطره ويخاف منها .
. ماطول كام يحبج قنعي انتي بلكي يقبل يسويها واعالجه من مرضه ...
.................
يتبع ♥️
#رهان_مقبوضه
#زهراء_الطائي
....
ترقبوا المزيد ...
تعليق_تصويت ..
YOU ARE READING
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
