( أبو رعب )
... القسم الثاني
بقلم نورس
.........................
طبيت للبيت واصيح
لبوة: ولج جدددة الحكيني اجه قسووووور
ركضت عليها للغرفة ..
شافتني وصاحت
زهدية: ها خايبة هاا شو جاية تروكضين شمالج
لبوة: قسور اجه
زهدية: خايبة اييييي .. وين الله ويلزمج ويكفخج كفخة حتى ترصين ويفوخ كَلبي
بعدنه نحجي واجانه صوته يصيح : لبووووووة
جفلت من الصوت ..
واتوسل جدتي بعيونها
جان يطب للغرفة وشافني ! ..
زهدية: ها جدة الله يساعدك
تجاهل جدتي وصار بوجهي وصاح
قسور: وييين جنتي موووولية ؟
لبوة: مطالعة شبيك...
قاطعني بزمخة وعيونة نار
قسور: تثوليها عليييه ؟؟ غيير انه شفتج بعيني
دنكت راسي متجنبة نظراتة الي ..
وافرك بايدي .. حجيت
لبوة: رحت للفرن
قسور: وانه شوصيييتج ؟
باوعتله وكتله
لبوة: يعني واذا قابل كفرت .. هي منا لهنا
باوعت لجدة وحجيت
.. جدة احجي وياه ليش ساكته
زهدية: انه معليه بيج .. وهاي كدامه احجيها كتلج هيدي ولتطلعين من كيفج بس انتي مطيورة ما تنردين
لبوة: جدة انتي وياي لو عليه ؟
زهدية: ووجع حتى توبين من هذا الطبع ..كل ما شفتي البيت فارغ لفيتي شالج وطلعتي تفرفرين
رجعت دارت لقسور موجهتله الكلام
.. اسمع يبعد جدتك ترة هل فرخة مو اول مرة تسويها تشوفني ما احجي وياها وانت مو بالبيت حطت على راسها وطلعت مدري وين ما وين .. هاي انه كتلك
أأشر بعيوني ، اعظ بشفتي اريدها تسكت ابدد
وتصيح عليه
.. والله لو مو تغمزين .. ينراد واحد يرصج حتى تكعدين وتستجنين
لبوة: جدة خليج محضر خير بداعتي .. اني بنت ابنج ترة
زهدية: جا امداج وامدة ابني .. واذا بنت ابني ؟ غير نخاف عليج ولد الشوارع يا مكثرهم وانتي تطلعين سابحة بالعطر وبعدج صغيرة والعين عليج
هي تحجي واني عيني على قسور اللي مشال عينه عليه .. وبكل كلمة تحجيها احس عيونه تطلع شرار وبودة يطلع بروحي
طلع من الغرفة بدون لا يحجي شي ..
درت عليها واحجي بلوم
لبوة: ليش كتيله ؟
أنت تقرأ
أبو رعب
Romanceاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ... .. ( أبو رعب) بقلم نورس
