أبو رعب

البارت 5

( أبو رعب )
.. بقلم نورس

.....................

كاعد بكل هيبة وجبروت وملامحة الصارمة معتلية وجهة .. بيدة الخيزرانة حاكم عليها بقبضة ايدة

اجاه بسرعة وهو يكول

أكرم: بوية اجو الزلام ووياهم واحد مربطينة

ابتسم طرف شفتة واشرلة حتى يفوتهم للبيت

وطبوا ثنين زلم ضخمين ساحلين واحد مربطينة ومغطين وجهة صوتة ما ينسمع .. وجسمة مزورك مدمة وتعبان من آثار الضرب

كام تقرب منة وهو يرفع عن وجهه ..
وهنا !!

آثار من الصدمة تعتلي وجوه الاثنين اللي واكفين ويتابعون اللي يصير بعدم فهم

بتفاجأ وصدمة .. أكرم: أسر !!!!!

حاول يتقرب منة واستوقفة ذاك الصوت الخشن

علوان: اووووكف ...

بفزع وقلق

أكرم: يابة ما جاي تشوف حالة راح يموت خ.........

رد بحدة وعصبية

علوان: وخرررر ليغااااد .. اليتكرررب ينربط بمكانة

الكل تصنم واكف كلمن بمكانة .. أشر لزلامة يطلعون وهم بدون اي صوت نفذوا

تقرب وهو يشد على شعرة بقبضة ايدة واخذة يسحل بيه من الديوانية إلى أن دخل البيت ودخلة بغرفة فارغة ونكث ايدة من عندة

اجت تركض ع الصوت وتباوع لابنها اللي ما ضال على حالة حال .. كامت تبجي ونزلت عليه تبوس بيه و وخرت عن حلكة الوصلة اللي كاتمين بيها صوتة

كام يون بوجع وهو مخلي راسة بحضنها .. حجت

زهدية: صدك جذب حجي .. نسيت هذا منو ؟ المدلل مالتك هيج تسوي بيه ؟ ليش ؟؟

علوان: من يصير يمشي عدل عود وكتها اعتبره آدمي .. بس دامة ما يسمع كلمتي ويروح يتخطب من ورة ظهري فمنا لوكتها دبارة عندي انه .. وانه اعرف شلون اردة لعكلة

وبحدة ونبرة أمر وصوت عالي حتى الكل يسمع

علوان: كل واحد بهذا البيت اسمع ان متكرب لهل غرفة ما يلوم الا نفسة .. وانه عند كلمتي

ورجع صاح .. وووينك أكررم

أكرم: آمر بوية

علوان: طلعهم من الغرفة وأكد عليهم لحد يكرب صوبة لهل حيوان .. واكل لحد ينطيه لحد ما اكلكم .. والاسمعة بيكم مخالف كلمتي حسابة راح يصير اخس من حال هذا..

حجة كلمتة الأخيرة وهو يأشر على أسر بالخيزرانة اللي بأيدة

كمل كلامة وطلع

.....

ما هي إلا لحظات وفرغت الغرفة وانسد الباب واسمع طكة القفل ..