اعقل مجنون

🤎🤎

صباح الخير والعافية على ارقى قراء بالدنيا...

حبايبي هذه اجوبة لبعض تفسيراتكم اللي قريتها من التعليقات تقريبا تتشابه ...

فهد مانعرف تغير اسلوبه ويه ايفين او لا ، لانه بعده نفس ماهو يروح للدكتور ويه ادهم جلسة اسبوعية وبداخل البيت يقضيها يوميات عادية وياهم ..

يستقرون او لا ما اعرف لان لحد الان ما فاتح ادهم ويه فهد هيج موضوع ، واني ختمت بشهر الثاني من سنة ٢٠٢٢...

اي حدث ما ذكرته بخصوص حياة فهد ، معناها ماعندي معلومة عنه.

اني لو ماخذة القصة من رواية او من ايفين جان اختلف الوضع هواي وكدرت اكتب اكثر من اللي كتبته ..

من البداية اتفقت وياكم اذا تتذكرون القصة هذه مال اعقل مجنون راح تكون عبارة عن يوميات فقط..

اما ليش ما كتبت عن ملاك وضيغم ، ملاك ماحبت نكتب شي جديد وكالت نكتفي بالجزء مالتنا..

اما عن سيلين وادهم كتبت عنهم جزئين اعتقد كلش كافي و وافي جان...

وهجان ونرمان ، اذا سيلين وملاك ماعندهم اي حدث عنهم جديد عدا الموقف مال رأس السنة وموقف الثاني من تصالح هجان ويه بيت عمه بيوم نتائج علي..

شلون اكتب عنهم اذا ماعندي شي يخصهم الا اذا كتبت من عندي اضيف احداث...

علي ورواية بالخارج سوى لان علي يريد يدرس ، اختار هذا البلد بعيد عن ابوه لان يأمل ابوه يتعالج، وحسب ما فهمت من سيلين كلش تعب اخر فترة وحب يبتعد بالفترة الدراسية بس يظل على تواصل وياه عن طريق الاتصالات..

ايمن وضي كذلك ماعندي عنهم اي احداث غير زوجته حامل بالاشهر الاولى..

وبس قفلنا كلشي يخصهم بهذا الجزء..

اتمنى ما اكون قصرت وياكم ، واني كتبت هذا الجزء الاخير محبة مني الكم ، ليش اكتبه وارجع اختم من وقت لان ماعندي رغبة بيها بالعكس كتبتها بحب والله وبحماس هم ، لاعبالكم بسبب قصة الغريب اني ختمت ، لا ختمت لان هذا اللي وصلني منهم..

محبتي وسلامي الكم اغلى الحبايب..

وصباحكم خير وعافية و ورد وياسمين وفل مثل وجوهكم الطيبة...