اعقل مجنون

البارت الأول

العاقل المجنون

في الجنون سعادة أكيدة
لايدركها الا المجانين

(جون درايدن)

فهد يقال عني مصاب باضطراب الشخصية ( المعادية للمجتمع )

ويقال أيضاً بأنني شخص مجنون وأظهر انماط من التلاعب وانتهاك حقوق الأخرين وخبير بإستعمال السلوك المعارض مع قواعد وسلوكيات المجتمع.

وقالوا لي بأني مصاب بمرض عقلي خطير يسمى بعلم النفس ( مرض الإعتلال النفسي ) ولكن لا يعتبر التشخيص الرسمي لحالته..

وحسب إعتقادهم ومعتقداتهم بأنني عديم التعاطف والندم اتجاه المغدور

وكذلك أتصفتُ بسماتً جريئة وغير مقيدة ..

وأتلون بالأنانية لأصل الى مبتغاي

واستخدم كل مفاهيم الإعتلال النفسي لأصل الى غاياتي...

ألعب مع الظروف بحكمة وذكاء لهذا وصفوني( ب أعقل مجنون )...

هجان : يخرب عقلك ومنو هذا وصفك بهذا الوصف..

جاوبه فهد بضحكة مستهزء..

فهد : كل أطباء علم النفس ...

هجان : وأنت مصدك بيهم خل يولون يمعود وانت وين اكو منك جيبلي واحد شايل عقل مثل عقلك.

فهد : اذا جبتلك وين نسهر اليوم؟؟

هجان : ها فهد عربدة..

فهد : ها صعب أسرار..

هجان : اششش لا العن أبوك دير بالك تجيب طاريها البنية جوارينا وعيب توصل حجاية لأبوها..

فهد : لعد شيل الألقاب والرتب..

هجان : بعدك مصر تصير بالدولة؟

فهد : أصير أصير بيها لو مو أبوك يمنعني..

هجان : شنو الغاية، الأعرفه أنت ماتحب السلك العسكري.

فهد : أريد أساوي أبوك بكلشي مو يكول ما تكدر تاخذ بنات من عندنا وعلى جثتي تتزوج،، راح اثبتله منو فهد وشلون يكدر ياخذ زينة بناتهم..

هجان : أنت ماخذنا حاصل فاصل منو يكول البنات يقبلون بيك تره ماكو هيج لزكة..

ضحك فهد مستهزء..

فهد :منو منهن ما تقبل بفهد كأنه حسيت باحساس مرير خلاني أجوع غفل وأنوي أسهر بمكان كله نسووووان..

هجان : خاف تريد انطيك أختي من كل عقلك..

فهد : لا نص عقلي ، وبعدين تعال اخلاقك مثل أخلاقي ودافنيها سوة يعني اذا أنت لاسامح الله وربي لا يكولها ييجي يوم وتزوجت ماراح تاخذ بنات العالم وتصير رجال وبيك حظ وبخت ، وانت نفسك ونفس أخلاقك الزفت لو رواية تختلف عن البنات؟

هجان : لسان دلالة هو انه اكدرلك.

فهد أخذ السويج وشمره على هجان وطلب منه يسوق السيارة ، مد أيديه وأخذ السويج وغمز لفهد..