شاهينة نذر الحوافي

البارت 21

نظر : ليث ..مگلت شحجيتوا؟
ليث : عن كلامج
نظر : كلامي؟
ليث : شككتي بخوتكم حيل نقهر وراد تسوون التحليل بأسرع وقت حجيت ويا وكلت باجر ثنينكم تسون حتى يتأكد الكلام ..
مسح ع راسي .. اخوج يحبج حيل لا تفرطين بيه بهوسة وتعب مؤقت خوش ..بعدين مايفيد الحجي ولا الحسرة ولا اي أمنيات ترجعه تبقى بس ذكرياتكم والوحدة تاخذج وتجيبج
نظر : هاي الأشياء صارت قبل لا افرط بيه دائماً اني عايشة بالشعور
إذا ماأعيشه احس بنقص
ليث : شلون
نظر : هيج ولا شي ..

مُسلِم:ءءوو
ليث : ها حبيبي تعال ..اخذه وهمَ يضحكون اسواري جلب بشعره
عاط مسلم بدموع

اردفت بتوتر : ليث ليث شعره جلب بيه السوار
ليث : هوب ع كيفج يمعودة ..لزم ايدي ونزع السوار..تعال عمو
طلعه عن شعرك هسة موو
مُسلِم : اوو
ليث : تمام نظر من رخصتج جيبي مگص
نظر : تگص شعره ع مود سوار ؟!
ليث : شسويله لعد يبقى يوجعه
نظر : دقيقة ..

قربت يمه بهدوء الخصل ملتفة ع سلسلة اكيد يوجع مجربة
هالشعور من أمشط ..وخرتها شوية شوية وهو يبجي ينرفز صوت البجي اختنگت وخرت السوار وشمرته نگطع والطفل يبچي من جهة نقهرت عليه ومن جهة راسي يريد يطك من الصوت

نظر : عفية ليث سكته خطية
باوعلي بقلق ليث واخذه الحضنه : يلا حبيبي اسكت تعال نروح
يم بيبي ..فتح الباب ولزمت الحايط ميتة وجع الدوخة الي براسي عظيمة گعدت بالگاع تعبانة نضرب راسي بالحايط ووجعني

نظر : اخخخ
ليث : يقين اخذي مسلم هسة اجي
يقين : تمام شبيك
ليث : ماكو
.. صوتهم بالباب بالضبط يم راسي دخل وصار ظله گبالي

ليث : نظر بيج شي
بجيت : راسي يوجعني منتظر وين راح؟
ليث : طالع بس يرجع ..تعالي..رفعني من ايدي للحمام ذب ماي
بارد ع وجهي..شوفي نظر ترتاحين؟ شبيج؟

نظر بغصة : شايف هذهِ الذكريات والأمنيات التجي ع بالك الساعة 3 بليل وتريد تحضن واحد وتشكيله بس كل واحد ملتهي بهمه ..هذا الضياع الحجيت عنه كله عشته ..مثلاً اريد اشكي لأخوي بس استحي لان علاقتنا رسمية صارت مابيها ميانة نشكي البعض اريد اشكي الاحد بسسس ماكوووو احد حتى اكدر احجيله وحتى لو اريد احجي ماكو الاثق بيه شايف هاي الخنكة والغصة !
اذا ممجربها لاتحجي ع شعوور الوحدة والتعب من كلها نايمة انتَ الوحيد الارق ماخذك وماتكدر تنام من كل واحد يشوف حلم شكل انتَ الوحيد تشوف احلامك وانتَ كاعد تنهار كدامك ومابيدك شي
..من يكرصك البرد وكلها متغطية ومدفية بس انتَ كرصك من داخلك برد رجفة روح مو جسم حتى البس وادفا مجرب هالشعوور ..من تسطي بأذنك اصوات الهوا العالي والسيارات التفوت ع سريع واصوات شخير البقية ونومهم ..وصوت افكارك وخوفك مايسكت من تفتقد الاااماان وسط الامن نفسه ساعتها شتسوووي؟! 
انتَ بين عائلتك امنك ماتعرف الامان! شااايف من تتختل بالزوايا تبجي حتى لحد يشوف ضعفك ويشفق عليك وينطيك مشاعر زايدة بعد جم يووم يعيرك بيهاا..من تجويك دمعتك ومحد يمسحها ويربت ع جتفك من تكتم شهگاتك حتى لاتنسمع ويسألوك من فضول مو من اهتمام..مجرب ماعندك مكان تبجي بيه لوحدك تضطر تحبس نفسك بالحمام حتى تبجي لراحتك ولوحدك تفتح المااي حتى يضيع صوت شهكاتك واهااتك؟!
من تحتاج لحضن دافي ومتلكه تحضن رووحك برووحك مجرب تدور ع ضو يطلعك من هالظلاام وماتلكه تبقى تباوع ع ضوو السكف متمني مو جمااد مجرب اصابيعك تدبك من دمووعك المالحة تختنك من كثر شهگاتك كل هذااا صاار وياي! وجانت فجرية 3 بليل محد يمك لوحدك حتى الكاعد مايهملك من تدور بالاماكن ع حضن ع كتف
ع حايط يسندك وماتلكه يااابة شكبرهاا من خيبة ..شااايف من تتخيل روحك بحضن التريده حتى لاتكرها لان عافك بهاللحظة شايف من تدورلهم اعذار حتى لاتكرهم وتحقد لان تحبهم ..كل هذا صاار وياي لوحدي ليث ب3 الفجر ومحد وياي