امنيه في ظلام الليل

Part 6

-حطيت ايدي ع گلبي ضميت شفايفي للداخل حسيت نفسي حتقيأ من الدوخه بلعومي كام يوجعني..

-رجعن اجني النسوان بالهول ويباوعن عليه من بين هوستهن انشمرت عليه عباية راس وصوت عزام يكول:-

-خل تلبسها وجيبوها هنا..

-رجفت وباوعت ع نسرين عيونها مدمعه وايديها ترجف بلعت غصتي المو راضيه تنزل وهمست:-

-ششـ.. ششنو وين عفيه..

-لبستنياها امه وربتت ع چتفي حسيت انجر من ايدي:-

-وصلت للغرفه الفاصله بين المضيف وگف والتفتلي:-

-ابوچ وعشيرتچ كلهم جوه

-اي

-تردين ترجعين لو لا؟؟

-رفعت راسي اله عبالك فهم نظراتي..

-اعرف اعرف ابوچ *** وميعوفچ ويجوز ينحرچ نحر

-هزيت راسي

-هسه حيسئلوچ تردين ترجعين لولا كليلهم لا خوش؟

-وين اروح لعد

-معليچ بويه كولي لا والباقي عليه انه احله..

-مااگدر وين ابقى

-خرب اهلچ لج سمعي الحچي وبس گولي لا..

-هزيت راسي واجه ابن عمه..

-عمر: يلا فضنا العالم منتضره

-جيت هياتني

-دخل ودخلني ويا ع صفحه صرت وحچه بصوت جهوري خشن:-

-هاي بنتك وشوفها تريد ترد وياك لو لا والي تردوا يجرالكم..

-ابويه تقرب عليه وگال بصوت هادئ مبطن بعصبيه وكره:-

-هاا بابا امنيه ترجعين ويانا لبغداد لبيتچ حبيبتي

-رفعت عيوني عليه واني اتمنى بس يوم واحد يحچي هالحچي من دون مصلحه ويحچي من گلبه ويكون حقيقي من شفته هيچ گال اني عناد جاوبته:-

-لا مااريد ارجع..

-لزمني من ايدي وسحبني قوي عليه:-

-مو ع كيفچ اني تجين عرفه ولفه دتبقين هنا يمهم

-بعده عني الشيخ صايل وگال:-

-لا تجيسها هاي دخيلتنا وشعره ما تگظ منها واذا ما هاويه الرده وياك لبغداد نعمل البلغناك بي!!