" သားသားနေကောင်းရဲ့လား "
" ကောင်းတယ် .. ဟီး "
စိတ်မချတာနဲ့ သားသား နှဖူးပေါ်လက်ဖဝါးတင်ပြီးစမ်းကြည့်တော့ အနည်းငယ် ပူနေ၏။ သားသားက ဆေးရုံဆေးခန်းဆို အရမ်းကြောက်တတ်တာကြောင့် ဆေးခန်းသွားဖို့ရာလည်း မဖြစ်နိုင်ပေ။
ဖျားသည်လည်း မဟုတ်သေးတာကြောင့် အိမ်မှာဆောင်ထားတဲ့ ဆေးတွေပဲတိုက်ဖို့ စဥ်းစားထားလိုက်၏။ ကလေးဆိုတော့လည်း နေကောင်းလားနေမကောင်းလားဆိုတာ နားလည်မှာမဟုတ်ပေ။
အိမ်ရောက်လာတော့ ရှောင်းကျန့်က ကျောင်းကနေပြန်လာနှင့်ပြီး စာကြည့်ခန်းထဲမှာပဲဖြစ်၏ ။ သားသားကို အခန်းထဲပို့လို့ အဝတ်အစားချွတ်ပေးပြီး ရေချိုးပေးမယ်လုပ်တော့ မနက်က ဟွားဟွားက ရေချိုးပေးပြီးပြီပြောသည်။
မနက်အစောကြီး ရေချိုးလိုက်လို့များ ကိုယ်ပူနေရသလားလို့ စိတ်ထဲအနည်းငယ်ထင့်သွားသည်။ ဒါပေမယ့် မျက်နှာလေးက ရွှင်နေတာနဲ့ သိပ်ကြီးတော့ စိတ်မပူဖြစ်လိုက်။
ညစာစားဖို့ အောက်ထပ်ကိုဆင်းလာတော့ ထမင်းစားပွဲမှာ ရှောင်းကျန့်က အဆင်သင့်စောင့်နေပြီ။ ရိပေါ်ကြိုက်တတ်တာလေးတွေကို ချန်ယွီကိုမေးလို့ ဝယ်လာရတာဖြစ်သည်။ ရိပေါ်အကြောင်းတွေကို ချန်ယွီ့ဆီတစ်စွန်းတစ လှမ်းမေးရင်းနဲ့မှ ချန်ယွီနဲ့ ရှောင်းကျန့်က ရင်းနှီးလာပြီလို့တောင်ပြောလို့ရသည်။
" ထမင်းစားနှင့်တာမဟုတ်ဘူး။ ကျောင်းသားတွေက စာမေးပွဲဖြေရတော့မှာမလား "
" အင်း .....ဒါနဲ့ ရိပေါ်ကြိုက်တတ်မယ်ထင်တာလေးတွေကိုယ်ဝယ်လာတယ် "
စားပွဲပေါ်မှာ ရိပေါ်ကြိုက်တဲ့အစားအစာတွေကို တွေ့လိုက်ရတော့ ရှောင်းကျန့်က သူဘာစားတတ်လဲဆိုတာ ဘယ်လိုသိတာလဲဟု သိချင်မိသွား၏။ အရင်ကဆို ရှောင်းကျန့်က ရိပေါ်ဘာကြိုက်တတ်လဲ ဘာမှမသိဘူးလေ။
" ကျေးဇူးပဲ "
" လင်မယားတွေကြား ကျေးဇူးတင်ဖို့လိုလို့လား "
လင်မယားလို့ ပြောခံရတိုင်း ရိပေါ်ရဲ့ နားရွက်တွေက နီတက်လာတတ်၏။ ထိုသို့ပြောတာတော့ သိပ်ဘဝင်မကျပေမယ့် ရှောင်းကျန့်က လိုလိုလားလားသုံးနေတာဆိုတော့ ရစ်ဖို့အစီအစဥ်မရှိပါ။
ČTEŠ
Highway To Heaven
Fanfikceကိုယ်မင်းကိုဘယ်တော့မှ လက်လွှတ်ပေးမှာမဟုတ်ဘူး ။ ကိုယ္မင္းကိုဘယ္ေတာ့မွ လက္လႊတ္ေပးမွာမဟုတ္ဘူး ။ A/N : This story is from my imagination.This is just a fan fiction that has nothing to do with reality.Please don't take this serious. This is a mpreg story...
Ep - 8
Začít od začátku
