(Unicode)
တက္ကသိုလ် စာမေးပွဲတွေ စတော့မယ့်အချိန်ဖြစ်တာကြောင့် ရှောင်းကျန့်မှာ အလုပ်များနေရပြီး ရိပေါ်လည်း ကုမ္ပဏီက အလုပ်ကိစ္စတွေနဲ့လုံးပန်းနေရသည်။ တစ်ပတ်နှစ်ပတ်လောက်ပဲ ခရီးထွက်မယ်ဆိုတဲ့ ယောက္ခမကြီးက နှစ်လကြာသည့်တိုင် အိမ်ပြန်မလာသေးတာကြောင့် သားသားကို ဟွားဟွားနဲ့ပဲ စိတ်ချလက်ချထားထား၏။
ဒီနေ့တော့ သားသားကို ကုမ္ပဏီတွင်း ပတ်ပြဖို့ စိတ်ကူးရှိတာကြောင့် မူကြိုဆီသွားကြိုပြီးနောက် ကုမ္ပဏီဆီကို ခေါ်ခဲ့လ်ိုက်သည်။ ကုမ္ပဏီအကြီးကြီးကိုလှည့်ပတ်ကြည့်ရင်း သားသားမှာ ခုန်လိုက်ဆွလိုက်နှင့် အတော်ပျော်နေသည်။
ဝန်ထမ်းတွေကလည်း ရှောင်ပေါင်းလေးကို ကိုယ်တိုင်ကိုယ်ကျတွေ့လိုက်ရတော့ ဘာဘာညာညာအချင်းချင်းတီးတိုးပြောနေကြ၏။ ဒါတောင် သူတို့က ရိပေါ်ရဲ့ အိမ်ထောင်ဖက်ကို အသေအချာမမြင်ဖူးကြသေးပေ။
ရိပေါ်ရဲ့ အိမ်ထောင်ဘက်ဟာ ခင်ပွန်းတစ်ယောက်ဖြစ်နေသည်ကို သေချာမသိပဲ ကမ္ဘာပေါ်မှာ ကံအကောင်းဆုံး မိန်းကလေးဟုသာထင်နေကြပြီး ဘယ်သူများလဲဆိုတာ သူတို့ တွေ့ဖူးချင်နေကြတာဖြစ်၏ ။
မန်နေဂျင်း ဒါရိုက်တာ ( အမ်ဒီ) ဝမ်ဟာဆိုရင်ဖြင့် သူ့သားကိုတော့ ရုပ်လုံးထုတ်ပြလာပြီ ။ ဘယ်အချိန်မှာ သက်ဆိုင်သူကို ထုတ်ပြမလဲ သိချင်စိတ်တွေပြင်းပြနေကြ၏။ သေချာတာတော့ အမ်ဒီဝမ်က အတော်လေးလျှို့ဝှက်တတ်သည်။
" သားသားပျော်လား "
" အင်း ပါပါးက ပိုက်ဆံတွေအများကြီးရှိတာလား "
ရှောင်ပေါင်းလေးရဲ့ အမေးကို ရိပေါ်က သဘောတကျရယ်သည်။ ဆိုဖာပေါ်မှာထိုင်လို့ ခြေထောက်ကလေးကိုလှုပ်ရမ်းပြီး မုန့်စားနေတဲ့သားသားက တကယ်ချစ်မဝလေးပင်ဖြစ်၏။
" ဟုတ်တာပေါ့ ပါပါးက ပိုက်ဆံတွေအများကြီးရှိတယ်။ အကုန်လုံးက သားသားအတွက်ချည်းပဲ "
" ပါပါးက တော်လိုက်တာ "
လက်မလေးနှစ်ဖက်ထောင်ပြလာတဲ့သားသားကို ရိပေါ်က အသည်းတယားနဲ့ ထွေးဖက်လို့နမ်းမိသည်။ ကိုယ်လုံးလေးက ခပ်နွေးနွေးဖြစ်နေသည်မို့ စိတ်ပူသွားရ၏။
YOU ARE READING
Highway To Heaven
同人小說ကိုယ်မင်းကိုဘယ်တော့မှ လက်လွှတ်ပေးမှာမဟုတ်ဘူး ။ ကိုယ္မင္းကိုဘယ္ေတာ့မွ လက္လႊတ္ေပးမွာမဟုတ္ဘူး ။ A/N : This story is from my imagination.This is just a fan fiction that has nothing to do with reality.Please don't take this serious. This is a mpreg story...
