"မင်းတို့ကသာ ပါးစပ်တစ်ပေါက်အားကိုးနဲ့ တစ်စုံတစ်ယောက်ကို မှားယွင်းစွပ်စွဲပြောဆိုတာပဲ။ ရှမ့်ချင်းအမတဂိုဏ်းက အစွမ်းထက်ပေမယ့် မင်းတို့တွေ ကျိုးကြောင်းဆီလျော်တတ်ဖို့ လိုနေသေးတယ်မဟုတ်လား?"
နှာခေါင်းရှည်ရှည် ဓားကျင့်ကြံသူတစ်ဦးက ဝင်၍လှောင်ပြောင်သည်။
"ခင်ဗျားတို့အားလုံးက တစ်ဂိုဏ်းတည်းကအစိတ်အပိုင်းတွေ ဘယ်လိုဖြစ်တယ်ဆိုတာကိုဘေးဖယ်ထားလိုက်တော့..ခင်ဗျားတို့ရဲ့ သက်သေခံပေးတာတွေကို ယုံကြည်ဖို့မဖြစ်နိုင်ဘူး။ ဂိုဏ်းထဲက သူတကယ်တစ်ကြိမ်မှမထွက်ပဲနေခဲ့တယ်ဆိုတာ သံသယဖြစ်စရာကောင်းတယ်။ ဂိုဏ်းအကြီးအကဲကျွမ့်ထျန် ...ခင်ဗျားတကယ်ပဲ သူဂိုဏ်းထဲမှာအမြဲရှိခဲ့ပြီး တစ်ခါမှအပြင်မထွက်ဖူးဘူးဆိုတာကို အတည်ပြုနိုင်လို့လား?""ဆရာတူညီဇိုက သတ္တမလရဲ့ဆယ့်ငါးရက်မြောက်နေ့မှာ သေဆုံးခဲ့တယ်။ ခင်ဗျား ကောင်းကင်ကိုတိုင်တည်ပြီး အဲဒီနေ့က ဟွားချဲ့ဂိုဏ်းမှာရှိနေတယ်ဆိုတာကို ကျိန်တွယ်ရဲသလား?"
ကျွမ့်ထျန်၏စကားလုံးတို့ ပျောက်ရှသွားရသည်။
"ဇိုချီဘယ်မှာသေသွားတာလဲ?"
အဝေးမှရောက်ရှိလာသောဟွားချဲ့သည် တံခါးဝကိုကျော်ဖြတ်လာသည်။နှာတံရှည်ဓားကျင့်ကြံရေးသမားလုယောင်သည် စကားပြောရန် တွန့်ဆုတ်သွားခဲ့သည်။ သူနဲ့အတူပါလာတဲ့အဖော်ကို စိတ်လှုပ်ရှားစွာကြည့်လိုက်မိသည်။
ထိုဓားကျင့်ကြံသူက ထပ်မံလှောင်ပြောင်လိုက်ပြန်သည်။
"ယို့ နောက်ဆုံးတော့မင်းထွက်လာပြီလား? မင်းသူရဲဘောကြောင်ပြီး ထွက်လာဖို့ဝံ့ရဲမှာတောင်မဟုတ်ဘူးလို့ ငါကထင်နေတာ!""သူ့ကိုသတ်လိုက်တဲ့လူက ငါမှမဟုတ်တာ။ ဘာကြောင့်ငါကထွက်မလာရဲဖြစ်ရမှာလဲ?"
ဟွားချဲ့သည် သူ့စိတ်ထဲတွင် တိတ်တဆိတ်လှောင်ပြောင်နေမိသည် - အကယ်၍သူဟာ ဇိုချီ့ကိုတကယ်သတ်ခဲ့တဲ့လူဖြစ်နေရင်တောင် သူထွက်ပေါ်လာဖို့ သတ္တိရှိနေဆဲပင်။လုယောင်က
"ဆရာတူအစ်ကိုဇိုက 'လရောင်တောက်ပ' တောင်ကြားမှာ သေဆုံးသွားခဲ့တယ်"
YOU ARE READING
Everyday, Demon Lord is Escaping His Marriage {MM Translation}
Historical FictionType : Web Novel (CN) Language : Chinese Associated Names : 魔尊每天都在逃婚 Author(s) : Nine Treasures 玖宝 Year : 2020 Status in COO : 60 Chapters + 1 Extra (Complete) This Story is not mine. I'm just a translator. Give all credits to the original author an...
Chapter(15)
Start from the beginning