-هزيت راسي ودخلت للمطبخ رجعت ظهري ليوره بألم عضيت شفتي وفتحت الباب مال گاونتر طلعت العلب منه ورحت حطيتهن بمواعين..
-رحت ع الچاي دااصبه وسمعت صوت فتحت الباب وصوته الي اكرهه حيلي باد حتى معرفت شلون اصب رأسًا الچاي وگع ع ايدي ذبيته وفرفحت روحي..
-لزمني من ايديه:- الله الله شبيچ غير تنتبهين
-بقيت لازمه ايدي رفعت راسي بقهر ودفعته:-
-لكككك لتتقربليييي فهمتتتتت
-باوعلي بنظرات تخوف ونزل عيونه ع شفايفي بقه مركز بيهن وعض شفته:-
-احس يبست جسمي وگصتي يبسن فتحت عيوني ورجعت ع الچاي صبيته الهم ورحت..
-حطيت الصينيه ع الگاونتر ضميت شعري وعدلت الشال نزلت بلوز البجامه وعدلت الچاكيت ودخلت..
-من روشه وكلام الى هدوء وانظارهم كلها توجهت عليه بلعت ريگ وبقيت منصيه راسي:-
-قدمت الضيافه الهم وصلت لوحده من خواتها گالت:-
-هاي ليش هيچ چاگيتها مزرف خطيه اني عندي هدوم مال بنات حاطتهن بجنط اذا هاي هسه اخابر ع ابراهيم ويجيب الجنطه ويا وانطيهيا هم نگسب اجر
-اخذت رشفه من الچاي وردت عليها:-
-يمعوده دعوفيها هسه ليسمعچ يكول هي مهتمه ذاك كنتورها وبي اشكال والوان بس هي وين ترتاح الا تلبس الخلاجين..
-نصيت راسي اكثر نفسي كام يرجف حطيت الصينيه وصعدت فوك رأسًا وگفت ع الجامه وفتحتها وچتفت ايديه..
-سحبت شهيق وزفير ومسحت ع رگبتي بخنگه:-
-يااااربييييي دخيييلللككك خل تنزل دموعي دخيلك إللهي بس خل ابچي وارتاح
-شهگت بخنيگ بدون دموع وگعدت بالگاع:-
-رفعت راسي ع السگف واني مختنگه من هالذله الداعيشها بسبب ابويه وزوجته..
-اسمي ﮼امنيه ﮼ الأسم الي اختارته امي ورفضه ابويه لسبب غير معروف الاسم الي خسرني نص عمري الاسم الي خله حياتي عباره عن اماني سرابيه..
-تربيت وترعرعت بين اب ظالم ومرت اب انانيه متحب احد غير روحها وتحب فلوس ابويه معيشه روحها واهلها بفلوس رجلها..
-والي هي"سماح" زوجة ابويه الثانيه ونقمة حياتي او بالأحرى هي حبيبته الي اهله رفضو يتزوجها وجبروا ع امي الي عاشت ويا بذله ومهان مثل عيشتي هسه ويا ووي مرته
-امي ولدتني من بعد سنه هي محرومه من الخلفه والسبب من ابويه چان مانعها انو اصير حامل
-بعد مولدتني بسنه توفت وعافتني يم اب مجرد بالاسم "اب" بالحقيقة لا وحش ميعرف الرحمه قاسي يمشي بكلام مرته..
YOU ARE READING
امنيه في ظلام الليل
Short Storyلگل منا حياته الخاصه؛ بفصولها واختلاف اقدارها وكل ما يصيبنا هو درس يعلمنا تعاملنا مع الأقدار على انها حكمه إلهيه ؛ سوف تنجينا من الوقوع في نفس الأخطاء مرة اخرى، وها قد عُدنـا بأشخاص جدد وحكايه جديده واحداث جديده، غريبه، وجميله.. بقلمي انا: زايا💛
Part 1
Start from the beginning