( أبو رعب )
... القسم الثاني
بقلم نورس
.........................
طبيت للبيت فتحت الباب وامشي على كيفي
.. ميسون بالمطبخ وابوي بشغله استغليت الفرصة ودخلت للغرفة
طلعت الصور من الجنطة وطشرتهم ع الجرباية بأهمال
.. وطلعت بدون لا أحد يحس .. مشيت للمطبخ ابتسمت واني اباوع لميسون
: شروفي مو ؟ انت الجبتها لنفسك
ضليت واكفة اراقب تحركاتها
.. سويت نفسي بالي وي الموبايل
اجاني صوتها
ميسون: خير ؟
رفعت راسي اباوعلها مستغربة
لبوة: خيرر ؟؟ شنو
ميسون: من اول ما اجيتي واكفة فوك راسي مثل شمعة الفكر
لبوة: والله اني جان رديت عليج ووكفت اخذ وانطي وياج بالكلام .. بس ابد مالي خلك كاعدة من الصبح وجاية تعبانة بعدين عود نتفاهم
ضلت تحجي شوي لوحدها سكتت ما رديت
عافتني وطلعت من المطبخ
ضليت اباوع وراها .. راحت دخلت للغرفة وسدت الباب
بقيت واكفة مترقبة انتظر شحيصير
هسه تعيط .. هسه تعيط وماكو شي
جان البيت هادئ ..
نزلت حور من غرفتها شافتني اجت عليه
حور: هلو لولة .. شلونج اليوم بالامتحان
لبوة: زينة الحمدلله
حور: اخر امتحان مو ؟
لبوة: اي خلصت واخيرا
احجي واباوع لباب الغرفة .. لهسه ما الها صوت
.. معقول بعدها ما شافت الصور ؟ لا لا شسالفة
حور: شكو وين تباوعين ؟
نزيت على صوتها
لبوة: ها هيج ماكو شي .. اني رايحة ابدل ملابسي ضايقتني
حور: ماشي .. اصبلج غدة ؟
لبوة: لا خليها كلنه ناكل سوة من يجي بابا
حور: براحتج
صعدت لغرفتي غسلت وبدلت ملابسي
.. لشوي سمعت صوت سيارة ، كمت اشوف من الشباك
طلعت سيارة ابوي جاي من الشغل
نزلت ركض بحيث مرتين ردت اتعثر واوكع
.. فات هو للبيت تلكته حور
سألها
أشرف: وين امج ؟
حور: بالغرفة .. اصيحها الك
أشرف: اي صيحيها خلي تحضرلي الحمام .. اريد اكل لكمة وانام راسي يوجعني
ضليت واكفة يم الدرج واباوع عليهم
.. مشت للغرفة
حور: ماما .. اجه بابا يريدج
اسمعها تكلها
ميسون: حور اطلعي وسدي الباب
حور: مو هو كلي صي......
أنت تقرأ
أبو رعب
Romanceاخ وربي احبة واحب ضحكتة واحب اسمع صوتة ، والله مهما ضاكت بية الدنيا صوتة يفرحني من بعد الله عز وجل .. بس المشكلة ؟؟؟ ما يدري أني احبة ... .. ( أبو رعب) بقلم نورس
