"မသိဘူး ကျွန်မသိတာ ခင်ကကျွန်မကိုချစ်တယ်တဲ့"
"မောင်နော်"
"ခင်ရေ ခင် ကျွန်တော်လာတယ်"
"ကိုဘမောင် ဝင်ခဲ့ကွယ် ခင်အနောက်မယ်ရှိတယ်"
အပြင်ကအသံကြောင့် မောင့်မျက်နှာဟာ ချက်ခြင်းကိုတည်သွားသည်။
"မတွေ့တာကြာလို့လားမသိဘူး ခင်ကလှလာလိုက်တာ"
"ဟိုညီမလေးလည်းရောက်နေတာပဲ"ခင်ကသာပြုံးပြနှုတ်ဆက်နေသော်လည်း မောင့်မျက်နှာမှာ အားနာမှုတစိုးတစိမှမရှိသည့်အလား ကိုဘမောင်အား မရှိသလိုပင်။
ထို့အထက် မောင့်အကြည့်တို့သည်
ကိုဘမောင်လာသည်ကိုအလိုမကျသည်မှာအထင်းသား။"ကိုဘမောင်... လမ်းကြုံလား'
"မဟုတ်ဘူးခင်ရဲ့တမင်လာခဲ့တာ ချိန်းနေရင်တောင်လွဲအုံးမယ် အခုတင် ဟိုဘိုရူးမြို့အုပ်မင်းက ခင့်ဆီလာမယ်ဆိုလို့ ကျွန်တော်အရင်ပြေးလာခဲ့တာ ခင်"
"ကိုဘမောင်တို့မလဲ တနေ့တနေ့ ဒီနှယောက်ထဲအလုအယက်ပဲကွယ် ဟော....ဟိုမာ
ပြောရင်းဆိုရင်းလာပါပြီ""ခင် ခင်ရေ"
"ခင်တို့ဧည့်ခန်းမှာရှင့်"
"ခင် "
"ဪ မင်းက မလိမ့်တပတ်နဲ့ခင့်ဆီရောက်နေတာပေါ့လေ"
"အဲ့ဒီ့တော့ ဘာဖြစ်သလဲ ကျုပ်က လုံ့လရှိလို့ ခင်ဗျားထက်အရင်စောရောက်တာလေ"
"မင်းကငါ့ကိုတပတ်ရိုက်သွားတာကြတော့ထည့်မပြောဘူးလား"
"ကဲ!နှယောက်လုံးတော်ကြတော့ လာရင်းကိစ္စသာခင့်ကိုပြော"
"ခင့်ကိုလွမ်းလို့"
"ခင့်ကိုသတိရလို့""ဟိတ်လူ!"
"မင်း.....!""ခင့်ကို လွမ်းတိုင်းသတိရတိုင်း မလာကြနဲ့ကွယ် ခင့်အိမ်မာ မိန်းမပျိုလေးရှိတယ် မိန်းမသားတွေပဲနေတဲ့အိမ်ကို ရှင်တို့ နေ့တိုင်းဝင်ထွက်လို့မကောင်းဘူးလေ ခင်ပြောတာကိုနားလည်သလား"
"ဟုတ်ပါပြီခင် ကိုယ်တို့နောက် အနေထိုင်ဆင်ခြင်ပါ့မယ်"
ထိုလူတွေဟာ ခင့်ကိုချစ်သလို ခင့်စကားလည်းနားထောင်ကြရဲ့ သို့ပေမယ့်လည်း
ခင်ဟာထိုသူတို့ကို .....မောင့်လိုမျိုးမခံစားရပေ။ခင့်အိမ်ကိုလာနေကြဆိုပေမယ့် မောင့်အရိပ်အကဲလည်းကြည့်ရအုံးမည်။မောင်ဟာထုတ်သာမပြောတာ ခင့်ဘေးမှာထိုင်လျက်စကားတစ်ခွန်းမှဝင်မပြော ၊ခုနကထက်လည်း အလိုမကျသည့်မျက်နှာမျိုးဖြစ်နေသည်။ ခင်ကအိမ်မလာနဲ့လို့ပြောလိုက်မှသာ
ကြည်ကြည်သာသာရှိတော့၏။"ခင် .... ပန်းတွေကော"
"စိုက်ပြီးခဲ့ပြီလေ မောင်မမြင်ခဲ့ဘူးလား "
"မတွေ့ခဲ့ဘူးခင်"
"အာ.......,ခင့်ကိုမေးမလို့ ခြံရှေ့က ခွေးက ခင့်ခွေးလား ကိုယ်လာတာဖြင့် ဟောင်လိုက်တာခင်ရယ် "
"ကျွန်တော်ရောပဲခင် ဝင်သာဝင်လာရတယ် ဘယ်ချိန်နောက်ကပြေးလာကိုက်မလဲ ခပ်လန့်လန့်ဗျာ"
"ခင့်အိမ်ကိုတိတ်တိတ်လေးဝင်လာတတ်တဲ့ လူတွေဖို့ မွေးထားတာလေ"
ခင့်စကားကိုသိသည့်မောင်ဟာတပြုံးပြုံး နှင့်ပြုံးဖြီးလျက်ပင်။ဘုမသိဘမသိ လူနှယောက်ကတော့အိမ်ကို မသိအောင်ဝင်လာသည့်သူအားအရေခွံစုတ်မယ်၊ဖမ်းမယ်စီးမယ် တကဲကဲ လုပ်နေလေရဲ့။
14.2.2022
အပိုင်း(၈)
Start from the beginning