First & Last Chapter [ COMPLETED ]

အပိုင်း [ ၂၅ ]

(U)

Special Episode - Chanyeol 's POV

ယောင်းရှင်းအထက်တန်းကျောင်း ။

ခံညားထည်ဝါစွာတည်ရှိနေတဲ့ ကျောင်းကြီးကိုကြည့်ပြီး Chanyeol ကျောင်းထဲ၀င်လာသည်။ ကျောင်းထဲ၀င်လာတာနဲ့ တီးတိုးပြောနေကြတဲ့သူ၊ ပေါ်တင်တစ်မျိုး ကွယ်ရာတစ်မျိုး ငေးနေကြတဲ့သူတွေကို Chanyeol မြင်ပေမယ့်လည်း မမြင်ချင်ယောင်ဆောင်ကာ တက်ရမယ့်အတန်းဆီကိုသာ တည့်တည့်မတ်မတ် လျှောက်လာလိုက်သည်။

"Omo ! Chanyeolပဲ !"

"ဒါဆို ဒီနှစ်ငါတို့အတန်းတူတာပေါ့"

တိတ်ဆိတ်နေတဲ့အတန်းက တစ်ယောက်တစ်ပေါက်ဖြင့် ဆူညံသွားတာကြောင့် Chanyeol မျက်နှာတည်ထားလိုက်သည်။ ထိုင်ဖို့နေရာရှာရင်း ပြတင်းပေါက်နားမှာ ထိုင်နေတဲ့ကောင်လေးဆီကို Chanyeol အကြည့်‌ရောက်ရှိသွားသည်။

သူက Chanyeolကို‌မြင်တော့ ထိတ်လန့်သလိုဖြစ်သွားပြီး ချက်ချင်းအကြည့်လွှဲသွားသည်။ Chanyeolလည်း ထပ်မကြည့်တော့ဘဲ လွတ်နေတဲ့တစ်ခုံမှာ ၀င်ထိုင်လိုက်သည်။

လိမ်လို့မရနိုင်ခဲ့ပါ။ ထိုပုံရိပ်ကို Chanyeol အချိန်အတော်အကြာအထိ မေ့ပစ်ဖို့အချိန်ယူခဲ့ရသည်။
ထိုင်ခုံမှာ၀င်ထိုင်တာနဲ့ သူငယ်ချင်းလုပ်ဖို့လာပြောကြတဲ့ အတန်းသားတွေကြောင့် Chanyeol သူ့ကိုအတွေးထဲ ဆက်ပြီးမတွေးမိတော့ပါ။

နားချိန်မှာ အတန်းထဲကတခြားသူတွေ မရှိပေမယ့် မနက်က သူ၊ သူငယ်ချင်းဖြစ်ပုံရတဲ့ မိန်းကလေးတစ်ယောက်နဲ့ Chanyeolသာ အတန်းထဲကျန်‌ခဲ့သည်။ ကောင်မလေး စကားပြောတော့ သူက ပျော်ရွှင်စွာဖြင့် ပြန်တုံ့ပြန်သည်။

အသံကြားရုံနဲ့တင် သူဘယ်လောက်ထိ ပျော်နေသလဲဆိုတာ Chanyeolခံစားမိသည်။ ပြီးတော့ .. Chanyeol အေးချမ်းသွားသလိုခံစားရသည်။

ဘုန်း !

အတွေးထဲနစ်မြောနေတုန်း တစ်စုံတစ်‌ယောက်က Chanyeol စားပွဲနဲ့တိုက်မိသွားတာကြောင့် စားပွဲပေါ်က ဘောပင်အိတ်ပြုတ်ကျသွားသည်။ မော့ကြည့်လိုက်တော့ သူနဲ့ ကောင်မလေးဖြစ်နေသည်။

မရည်ရွယ်လိုက်ပေမယ့် Chanyeolအကြည့်ကြောင့် ကောင်မလေးက ထိတ်လန့်သွားပုံရပြီး သူလည်း ထိုနည်းတူ။