Drowning Emotions (Isla Series #5)

02

"Nagtanong lang naman ako kung kumain ka na. Ano'ng plastic doon?" nakakunot noong tanong ko sa kaniya.

"Andito na pala iyong anak sa labas," bungad naman ng isang kapatid kong si Cindy, na galing sa kusina.

Natawa ako kahit na nairita at nasaktan sa bungad niya. "Araw-araw, ah? Consistent! Hindi ka nagsasawa?" I sarcastically asked her.

"Para ipamukha sa 'yo na hindi ka belong dito? Hindi." Cindy had her arms crossed over her chest as she shook her head.

Huminga na lang ako nang malalim. I pursed my lips before taking my shoes off. Pinulot ko iyon bago tinahak ang daan papunta sa kwarto ko sa itaas. Nakasalubong ko sa hagdan si Lianna, isa ko pang kapatid.

"Great. You're home," bored na sabi niya.

Hindi ko siya pinansin at patuloy lang na umakyat. Pero kung hindi ba naman 'to hayop at pinalo ang hawak kong mga folder kaya nahulog iyon sa steps! I drew a deep breath before picking it up one by one.

"Lord..." Pahingi ng patience, Lord! Napapikit ako nang sinandya niyang tapakan ang isang puting folder ko habang pababa siya! Nakakainis!

"Lianna." I heard Alonzo's voice, my brother. "Won't you say sorry to Ica?"

"I won't," walang pag-aalinlangan na sagot naman ni Lianna.

Dinalian ko na lang ang pagligpit ng mga folders ko bago tumayo. "Akyat na ako," paalam ko kay Lonzo bago nagpatuloy sa paglalakad.

Dumipa ako bago pagod na binagsak ang sarili ko sa higaan. "Hi, Mishu. How are you today?" I greeted my persian cat when she climbed on my bed.

I hate living here but I don't have a choice. Kulang pa iyong ipon ko galing sa pag-aartista kaya hindi ako makaalis. Gusto ko kasi kapag umalis na ako rito sa mansion nila, hindi na ako manghihingi ng financial support sa kahit ano. Kahit sa pang tuition ko sa law school.

And yes, anak ako sa labas ni Mama. Alonzo was the oldest among us. Magkasunod kami ni Lianna kaya siya ang pinakagalit sa akin. Sunod naman si Cindy tapos bunso si Vy. Among them all, si Lonzo lang ang hindi galit sa akin. Maybe because he's a guy and he doesn't feel jealous of me, like my sisters do.

I assumed it's because I was praised by their father always since I was consistent with my grades. Dean's lister for my whole year in college, and now a law student.

Hindi nakapasa si Lianna noong 1st year college kami kasi puro party ang inatupag kaya umulit siya ng taon. Dahil doon, dumagdag ang galit niya sa 'kin dahil pakiramdam niya nalamangan ko siya. We were in the same grade now dahil nag gap year ako. Both 1st year in law. Buti nga hindi kami blockmates!

"Gia, can I do more auditions? Kahit supporting role lang," pakiusap ko kay Gia noong pinatawag niya ako sa agency. It's a good thing I don't have class today so I was quick to arrive.

Tinaasan niya ako ng kilay habang tinatanggal ang eyeglasses niya. "From bida to supporting role?" she asked as if that meant something.

"So?" Tinaasan ko rin siya ng kilay. "As long as the pay is good, g ako! Alam mo naman iyon, eh!" I pressed my index finger on the edge of the table before pushing myself, making the swivel chair I was sitting on twirl.

She sighed, massaging her head. "I'll find a big project for you."

Napatayo ako sabay takip sa bibig ko bago tumalon-talon sa saya. "Sure iyan? Hahanapan mo ako? Huwag mo akong paasahin, ah!" pagbibiro ko bago umupo ulit sa chair.

Gia gave me my schedule for next week. Babalik na naman ako roon sa isla since may shooting na naman kami for a short New Year special episode of the last series I filmed there. It was December already.