زينب:باوعي انتي بمرحلة انتقالية هي سن المراهقة انتي لاطفله تحسبين ولاناضجه وحتى قراراتج غلط منا لحد ماتصيرين ١٨سنه ....وشي انه تنعجبين ب اي شخص تصادف هذا شي كلش اعتيادي فلا تكبرين الموضوع ركزي بمستقبلج ودراستج حرام تضيعيها
اخلاص اجت ...
_يمه فدوات بناتي كاعدات يسولفون سوة يمه عسى الله يحفظكم
تينه:يمه خل نروح ل ماما انصاف عفية
اخلاص:نروح لوحدنا للمقبرة وفوكاها للنجف الدرب بعيد ياتينه واحنه حرمات بوحدنا....خاف شي يصير علينا فرضا رحنا وحامد رجع مايلكانه ...
تينه:مشتاقه ل امي ....يمه اخلاص اريد ازور قبرها اروحلج فدوة وبابا اذا رجع تلقائيا راح يدخل للبيت ويعرف اماكن المفاتيح....خل اروح الها الي مرتين احلم بيها ...مبتسمه فرحانه مدري ليش ....اجت يمي اخذت سوار ذهب وراحت ...
اخلاص:يمه اسم الله عليج ...زين راحت امج ولو الميت من يجي ياخذ مو زين ... اسم الله الرحمن الرحيم عليكم ...خلص باجر عطله واخذكم...وازور ابو الحسن علي عليه السلام كون ياخذ ب ايدي وايدكم ويجيب ابوكم هو الله قادر على ان يفرج همنا ...
تينه...زينب :امين يمه ....
اخلاص راحت بغرفتها...زينب شمرت المخدة على اختها وكالت"
زينب:ووولج اخ منج يالسوسه طلعتي بلوة كدرتي تقنعيها بكل هاي البساطة ...يلا خل نخمد..
تينه:اوووي نخمدي لوحدج اسم الله على عمري انيي توته ام ستوته ...
زينب:ولج ام خشم الاعوج مصدكه روحج
تينه:ههههه تصبحين على خير
زينب:تصبحين على جني ....بووووووووةةة
تينه:يمه اسم لله يمه اخاف
زينب :والله ثوله ....
زينب طفت ضوه غرفه اختها تينه وشردت ....
اكيد كلمن راح يقرى قصتنا وبالتحديد هذا المقطع راح يضحك لان خباثه طفي الضوة ورادة بكل البيوت هههههه
كامت تدردم توته ....ام ستوته على كولتها....
جهجر الصبح ....تريكنا وطلعنا للنجف.
.... وصلنا الوادي السلام.....السلام تسميه اطلقت على هذي المقبرة الي بداخلها ارواح عمرها ماشافت السلام ...
اخذنا دفان ويانا ورحنا.....
كل وحده من عدنا شايله شيء،هاي شايله البخور.
وهاي الي شايله ماي الورد....واني زينب محتضنه القران و خالته على صدري. ...وامشي.....بهدوء هدوء وبداخلي براكين تتراطم بداخل اضلعي الخاويه
وصلنا يم امي....ماحسيت بالوقت.....راسي فصل
تمنيت لو يرجع بيه الوقت وبس تخليني احضن امي. واشتم عطرها....وهاي مو بس امنيتي امنيه هواي عالم .....أمي💔
اوووف لو احضنها لو احس بيها ولو مره بحياتي. اخر مره حسيت بالامان. من جان عمري اربع سنوات. هاي كانت اخر مره.....
يوم عن يوم مسؤولياتنا تزيد
مشاكلنا تكبر..... صراعات تصير بيناتنا اني وتينه.
بيتنا يحترك واني وياها كبريت ياأمي
يمه لو تكعدين لو تاخذينا يمج. حياتنا ما فيها أي استقرار. من جهه سلمى تهدد حياتنا. ومن جهه علاء يلحك وراي. ....
اكولج شي يمه انصاف اكولج شصار بينا؟
بس يمه لاتخافين ابوي مفقود. اله فوق السنه.
ابوي وين؟
لاحس ولاخبر اخاف اجه يمج ؟ زارج؟ اخاف انهزم من عدنا عافنه وراح.......يمه شنو السالفه ابويه؟
هنا واخلاص.
يلا بنات. خلي نروح قبل ما تطلع الشمس ازور بيبيتي.
.زينب وتينا ضحكوا..
اكيد الكل من يقرا راح يضحك على ضحك زينب وتينه .....؟
اخلاص لمحتهم يتهامسون يضحكون.
اخلاص:شكووو بنات تضحكون على شنو؟
ادري اني كبيرة بس اني بيبي علمتني الصلاه.
امي ما علمتني الصلاه....والعاقل يفهم بعد.
زينب ابتسمت. .....كالت"
زينب: يله نروح نزورها. تستاهل.....
سلمنا على ماما انصاف....و_________يتبع
لاتنسوا لايك نجمه تحياتي #الكاتبة_شهناز_الخزعلي #Jaymin
YOU ARE READING
رجال لاتعرف الحب(مكتمله)
ChickLitهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
البارت19
Start from the beginning
