البارت 4من القصه حقيقيه #ذئاب_لاتعرف_الحب بقلمي #الكاتبة_شهناز_الخزعلي # Jaymin
سلمى/دخلت زينب للحمام ...الجو كان كلش بارد ،أجواء شتاء ووقتها ماجان اكو سخان الا عند الناس الاغنياء واحنه ناس فقره على كد حالنا، نجيب جدر ماء ونحكي على الجوله....والجوله ندخلها بالحمام،دك التليفون كتلها ل زينب أبقي بالحمام خل اروح اشوف التلفون جاي يدك ....
بوكتها أمي خابرتني وزينب كانت بهدومها بالشورت.
والفانيلا ظلت بالحمام.... جنت داخابر امي.....
علاء مشى كدامي وماخذ بايد بهارات حاره جاي ياكلها من المطبخ جنت مادري بي بس سوه حركه استفزازيه. لمحته ولحكت وراه.
من عوايده من يخبص بالغراض ويسويني اعصاب يختل بالحمام ويسد الباب....ف عطت بي
_لك ارعن اوكف
علاء ظل يرك ودفع باب الحمام على زينب، زينب كانت واقفه ورة باب الحمام..... وهنا جان يوكع الجدر وينجفي ...جفي على زينب وحرك رجلها. النصف السفلي من الافخاذ للقدم.
الصراخ ترسس المكان....ذبيت التليفون من ايدي وكمزت للطفله
وبنفس الوقت حسيت كاني انتصرت.....عاى صيحتي
نزلت انصاف تركض. ...... ...
ويه النزله مالتها زحلكت ونضربت براسها بالحافة وصار عندها اغماء....
هل موضوع اخذ مني خمس دقائق لا ارادي؟ بس ضربت عصفورين بحجر واحد.
من كد ما اصترخت الجيران ألتموا
اخذوا زينب و انصاف اثنينهم للمستشفى.
واني رحت اركض وراهم طايره.
ما ادري افرح على انصاف ما ادري انقهر على زينب. لان حتى لو اكره امها اول وتالي اكول الاطفال خطيه ومالهم دخل هيج حسيتها ما ادري ليش حنيت؟
ظليت في المستشفى.
وين الكه حامد وين الكه محمد؟
والله وراي بساعه ونص... لكيت حامد طاير.
للمستشفى جاي.....
وجهه يضرب الوان عصبي ويصيح.. يارب باستار شنو الفيلم يا ناس يا عالم توها والده مريتي وزينب وين؟
انصاف راسها صار بي فطر. لان وكعت على حافه الدرج واهلنا من زمان يكولون كله الا الدرج
الان انصاف جانت لابسه جواريب.
ولدت تينه بوقت الشتاء والنفسه تنجبر تلبس حتلو شتوي بعز الصيف لان تبرد فمن ركضت من الدرج الجواريب توكع وووكعن وصارت الحادثه
زينب ما اخذت وقت طويل الم الحروق بده ياكل بجسم هالطفله وتشوهت والحروق بدت تضر الجسم رجلها عباره عن حروق. صارت مبطل حلم متسلخ
YOU ARE READING
رجال لاتعرف الحب(مكتمله)
ChickLitهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
