البارت 23 من القصة الحقيقية #رجال_لاتعرف_الحب بقلمي #الكاتبة_شهناز_الخزعلي #Jaymin
ورجعنا لبيتنا ولحياتنا مرالوقت تينه باشرت بدوامها بالخامس اعدادي واخلاص بدائرتها....واني طول الوقت أو اغلب الوقت بالبيت ماكو تعيين ووضعنا المادي مايسمح افتح صيدلية ...
بين وبين التساؤلات ليش صادفت نصير....وليش الحياة منحتني علي بيوم من الايام وسلبته مني بسبب حروق الي بجسدي .....زين شنو معنى حركه تصير من يعوف أصدقائه ويجي ويانه وهم يرجع يختفي ...والرقم الي محفوظ بالدرج مالكوميدي رقمه ....طلعته وحفظته بتليفوني ....ونمت .
(نصير)احنه ميصير ننظر للرواية من جانب النساء ...احنه لازم نقرة ونتعرف على شخصية الطرفين ....نصير وزينب ....هنا من نصير صعد سيارة بعد اخر لقاء بينه وبين زينب بالحدود ونطاها الرقم صعد للرمادي .....
اني من تركت الباص مال البنات رحت ل باص امهم كعدت بصفها جان بوجها حزن وهم كبير ...جانت لازمه صورة رجال ودموعي تهل على الصورة ....
اتنحنحت وكلت"
نصير:هذا الي جنتوا رايحين تزوروة
اخلاص:لا هاي زوجه زوجي المرحومه انصاف
نصير:الله يرحمها..زين زوجج وين ؟
اخلاص:اختفى وراح اله فوك السنتين زين اني شلون بيه وبناته مسؤلية تعبت نفسيتي هواية تدمرت هسه اني فكري يقرة الف كون نوصل بسلامه ونصعد سوة سيارة وحده
نصير:توصلون .. خالتي اريد اخدمكم بماي عيوني...اني
اخلاص:ياعيني فدوه لعيونك ....
نصير:ابنج اعتبريني ..
اخلاص:اكيد اتشرف بيك ...
نصير:نطيني رقمج...
اخلاص/هالشخص كلش خلوق يحجي واني ابتسم اي خوش زلمه وخاصه من كال"
نصير اشكركم لان سويتولي فرصه لزيارة المراقد المقدسة هناك اجواء روحانية والنقاء الروح والجسد تلقائيا تغيرت افكاري إضافة إلى سجاد وعلي صحبان ينشد بيهم حزام الظهر واني هم عفتهم لان كنت ناوي اتواصل وياج واحب اكون جزء منكم ...
اخلاص:هلا وليدي ....نتشرف بيك....
نصير/الشي الوحيد الي خلاني اتجرأ وانطي رقمي الها ل زينب ....
وصلت هناك للرمادي ...اني ابن عشاير ...وأخوية الكبير شيخ عشيرة ...والدي متوفي ....واني الكل بالكل بهاي التفاصيل ...احنه عندنا مبادئ شوي تختلف بعيوني الشر والعدل ويتحتم عليه اترك العاطفة على جهه بس زينب ...زينب دخلت لحياتي مثل العاصفة كلبتها راس على عقب ....وصلت هناك نطيت الجنطه للشباب صعدوها وبوجهي رحت للديوان ...الديوان التي تتجمع بي كل الزلم كعدت بالنص ...صاحبنا جاب دله القهوه وصبلي باللنجان الصغير المخطط شربته رشفه وحدة ....
JE LEEST
رجال لاتعرف الحب(مكتمله)
ChickLitهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
