البارت45 من القصة الحقيقية من #رجال_لاتعرف بقلمي #الكاتبة_شهناز_الخزعلي #JAMIN
تينه/طلع بيه فصخ برجلي....
ورجعنا للبيت لكيت زينب كبالي ميته خوف علينا...
هالزلمه ذبنا للبيت وراح ..
زينب:هاي شصار ولج شكو...؟
تينه:رااااح اموت ربي تعبت ....هالساقط مركب صورة عارية ....الي....زينب شسوي؟
زينب:ه....ه يمه لج عز العزاج شمصخم هذا وبعدين ...
تينه:اخاف ينشرها ووو انفضح
هالشاب العسكري صاحب الشخصية المبهمه الى حد الآن من راح من يم بيت تينه مشى يمكن فرع ...فرعين وووكف طلع الجكارة ...٠.توه بدة يورث وحدة ،أثنين،ثلاث...صفنت صفنتين ثلاثه عبرت الساعة ونص على وضعيه صفته ذبها حرك السيارة ومشى لاف ورجع ...رجع رد اتجاة الشقة مال سرمد باوع سيارتين طابكه وضوه الشقة مفتوح ...خابر صاحبه وقدم بلاغ بخصوص هالمرة يسوولهم كبسه ...ووبلاغ عود شنو تينه مسويته وهيج يجي سرمد وشله البط سوة على طبق من ذهب ويوكفون كدامه....فعلا صار كل الي خطط اله وذبهم بليلتها بالسجن ....هنا والشاب العسكري رجع لبيته بين اطلال غرفته الهادئه كعد يشرب مو استكان كوب شاي .....دخلت بباله تينه بسسسس؟الشك دخل بباله اكثر لايكون مسويه شي غلط وياه بس لو مسوية ماجان نهزمت وخافت وتمرضت لهذا الدرجه .....مابيه حيل افكر حتى عفت كوب الشاي على الكوميدي ونمت على الفراش وراسي بي الف فكرة ....
احب أعرفكم بنفسي اني( يامن ) من بغداد خريج كلية القانون وقدمت العسكرية من فوك ل١٠سنوات ،من مواليد1983 ....اسكن ويه ابويةة واخواني 2
وليد1987مصور
وبركات1990موظف مدني ........
اني الكبير والله الكبير ،وليد متزوج ....
زوجته اسمها عبير من مواليد1991 ربه بيت ....كلنا ساكنين ببيت واحد وكلمن اله غرفته الخاصة .
أما بركات فمامتزوج ويشتغل موظف حياتنا طبيعيه واختياري لشريكه حياتي صعب منو وشنو اني اكثر واحد اترك وضد سالفه الارتباط...لان بحكم اني عسكري والعسكري حسب نظرة البنات ميت ...ميت هيج..هيج ماريد اكسر بنت العالم ماكولكم اني قديس بس شريكه حياتي خط احمر ...هالبنت صدفتها عجيبه والإعجب برائتها ولمعه عيونها والاسوء سرمد؟؟يمه الحل والربط ......
اجه ثاني يوم ....كعدت صحصحت ...طكطكت عظامي كمت من فراشي باوعت الساعه بدلت ملابسي ماتريكت كلت هناك استمتع اني وسسرمد
لبست ساعتي خليت العطر الي احبه وطلعت وصلت للمركز دخلت فتحت جكليته كعدت اسولف وشربت كهوتي اجه العسكري جاب سرمد وجماعته وكفوا كبالي سرمد عيونه براسه شكلت
وكفت كتله"
_أني شكلت ؟ ها كتلك لاتندك بيها هذا تليفونك مو فلشناه بعدين هي منو فرح اشو تتوسل بيك هوايه شمسويلها؟ شكاسر بيها شمهددها....؟
_نزوة وهي رخصت نفسها بنيه فقيره فرحت بالتليفون والفلوس الي جنت انطيه آلها وتمردت هه..انت تقبل تاخذ وحدة ملعوب بيها جاوب ؟
حتى وان انت مدشنها تبقى مرخصه نفسها الك وطبعا اصدقائي الهم معزة طمعت بسالفه الزواج هه....حلمت بشي اكبر من توقعاتها واحنه متراهنين على تينه هه....خلص الرهان عبالي اجيبها للطريق هالمستشرفه.....هه ..
_تينه لاتقرب الها
_هه ....شبيك عبالك ما حافظ شي وماشايف شي وإني كل وحده تفوت بحياتي اذا ما احفظ واعرف مكان الوحمه الي بجسمها وين ...؟
_اسسسسكت انت راح تطلع هالمرة بتعهد ابوك ......يلا ولي منا وعرض العالم كله تنساه ...
_صار.......
___________
زينب/هو يوم جديد بس صرت مااطيق كعدة البيت تخنكني فوكاها قهر تينه رجلها مفصوخه واخلاص مكابلتها وأخذت اجازة من دوامها .....اني رغم فضل اخلاص بس علاقتي وياها حديه حيل روحي اختنكت على امي انصاف واشتاكيت ل ابوية.....رحت للصيدلية تيسير كام مايجي طلع سفرة لمصر وابوه كال يريد يأجر الصيدلية.....هالموضوع شغلني كلش بحيث علي يحاجيني وإني بالي الف فكرة شلون افاتح اخلاص بهيج موضوع .؟؟؟
جنت كاعدة علي اجه شاف لافته الايجار على باب الصيدليه ...دخل سلم باوع منا منا ماشاف احد شمر بوسه هوائية ....
_شبيج حبيبتي
_هفففف راح ارجع اكعد بالبيت .....راح ياجرون الصيدليه هفففف
_حبيبتي متصير ال غيرج الج..الج وبس احبج
فتحت عيوني"
_عليك الله
_اي يادكتورة ها وصدك ؟؟؟كل ادويتي والمرضى اتعامل وياج... احبج مريتي ...ام بيتي حبيبتي عشقي النبض انتي .....
_احبك والله هاي احلى شي بحياتي ...احلى شي ...صدك فرحانه ....
جان يوم مميز بالنسبه الي رجعت للبيت طايرة من الفرح زيد جاي يدرس واخلاص تسوي عشى بشرتها.....وصعدت لتينه تبجي من ألم رجلها اه رجلي آآآآآآه......
_ميخالف حبيبتي ....ميخالف لاتبجين تهون وتعدي .....
_بعد مااداوم بطلت...ماداوم تكسرت ونكسرت نفسي وأصعب شي كسر النفس ....
اخلاص سمعتهم اجت ركض كالت"
_لج شتبطلين وعدت ابوكم اوصلكم ل اخر حبه لازززم تدرسين وتكملين مشوارج ومتخلين احد يسيطر عليج ...
_كلام وينكال خلص باجر امتحانات وإني هذا حالي العام الجاي اعوضها الله لايوفق سرمد وووووالحيه فرح......
تينه نامت....طلعت ادردش ويه اخلاص وخابرت علي ونمت.......
مر يوم و يومين و واسبوع وشهرين...وتينه صدك بطلت من الجامعه بس ضلت تتواصل وتسلم على جماعتها بالجامعه ....فرح اختفت سمعنا يكولون طلعت نهزمت من أهلها وبطلت من الكليه وقسم كالو اشتغلت بكوفي....وسرمد يوم يداوم و١٠لا .....
اما العسكري يامن صار واحد من العائلة بين فترة والثانية يجي يسئل شلونكم ....وهنا زينب وعلي قرروا يتزوجون بعد هالخطوبه وبعد ماجهزوا كلشي حتى يبدون خطوة جديدة بحياتهم ....._______يتبع رايكم لاتنسوا لايك نجمتي تحياتي لكم جميعا
#الكاتبة_شهناز_الخزعلي #Jaymin
YOU ARE READING
رجال لاتعرف الحب(مكتمله)
ChickLitهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
