رجال لاتعرف الحب(مكتمله)

البارت1(الجزء الاول)

البارت 1 من #ذئاب_لاتعرف_الحب

بقلمي #الكاتبة_شهناز_الخزعلي #Jaymin

هي قوية جداً ، ظاهرها سلامٌ تكادُ أن تُجزم انها في أوجّ النعيم، ولكن عندما تختلسُ النظرَ من عينيها إلى داخلها، ترى حروباً أبت أن تهدأ" !

ااحنه البشر عايشين بداخل كتاب ...وهاي رحلتنا بالحياة
كلها ب حلوها ومرها عبارة عن سطر ...

وهذا السطر يأما تكون كلماته مفهومه يا أما مبهمه واحرف متقطعه ...او احيانا تكون هاي الاحرف والكلمات عبارة عن مخطوطات موسيقية كل وحدة منها رغم بساطتها تمثل حياة انسان أو أنسانه

هنا راح اسردلكم رواية فريدة من نوعها احتاريت بتسميتها لما فيها من مكر ومباغتة وابتلاع ....

هواي مصطلحات هواي صدمات راح تقرون بهذة الرواية بس ان شاء الله تعجبكم لان كلش حلوة

بطلتنا هنا أسمها تينه ،تينه من ارض العراق الحبيب تسكن بمحافظة البصرة...من مواليد١٩٩٣

نبلش السرد....

من طفولتنا ونسمع صوت الغراب مكروة يجلب الفكر والنحس والحظ السيء ....وووكت الغروب أذكر تتطاير خفافيش بس بمستوى مو كلش مرتفع عن الارض ...

أبوية دوم يكول صدك مدري يتشاقة بس يكول لاتباوعون على الخفافيش تاكل العين مدري شنو..

هالشي هل اله صحه لو خوف ومعتقدات الكبار بالعمر ماندري بعد ..

اني أسكن وية عائلتي المتكونه من أبوية حامد من مواليد١٩٥٩ رجال يشتغل بالمحكمة على كد حالة بسطية كاتب عدل يطلع من الصبح للعصر ويرجع مهدود حيلة واختي زينب من مواليد١٩٨٨ صيدلانية
عايشين احنه بكل حب الي يدخل ببيتنا يتمنى مايطلع

الرواية تبدي قبل ٢١سنه من الان ...

منطقة جميلة من مناطق محافظه البصرة الحبيبة ارض النخلة منبع الناس الطيبة والروح الحلوة .. جنا نسكن بيت جدي.......

وراح يكون السرد الاولي من طرف الام ...

أنصاف من مواليد١٩٦١ ...اني معلمة ادرس ابتدائية أطفال مدرستي جانت قريبة على ببيتي ..اتزوجت سنه ال١٩٨٦ والله رزقنا ببنيه سميتها زينب ..و وراها اجت تينه جانت حياتنا عبارة عن خير وزوجي حامد مايقصر علية بين طلعات ومصاريف خاصة بهذاك الزمان

جنا نسكن اني وزوجي وبناتي ويه حماية محمد
حماي خوش زلمه مزيون على كوله اهلنا .. بس مريته موخوش تكرهني سلمى دم بسنونها اني .. حماي محمد الله رزقة ولد سماء علاء اكبر من زينب ب٢سنوات
مواليد٨٦ ....

سلمى جانت ربه بيت لاشغل ولاعمل وماتملك بس الغيبة والنميمة....محمد جان اكبر من زوجي حامد ...ف احنه اخذنا الطابق الفوك