بنت البواب

البارت 23

البارت 23
بنت البواب

= يعني حلمي مش هاحققه

- في طريقة تحديد مستوي يعني نروح نقدم ترجعي تاني يتعملك أختبار يحدد مفروض مستوكٍ يوصلك لفين

= بس انا كده المستوي بتاعي يرجعني حضانة
- مش لدرجة أكيد مش هاروح أعملك تحديد مستوي وانتِ كده
= امال هتعمل ايه

- هاجمعلك كل ملخصات المراحل التعليمية وهكثفلك مدراسين من كل المواد هيكون ضغط كبير عليكٍ عارف بس علي الأقل أحسن بكتير من انك تضيعي سنين

= وبعدين

- بعدين نقدم طلب في الادرة التعليمية ونحدد مستوي ونشوف مستواكٍ يوصلك لفين المهم عندي الجد والتحدي وانا جنبك في ايه شئ

عنقته بقوة وهي تشكرة
- بجد شكراً ليك

= طب في طريقة أحسن لشكر

دفعته برفق علي كتفه
- منحرف

= والله ده علي أساس انا اللي رميت نفسي في حضنك

تحدثت بخجل
- بشكرك الاه ماشكركش يعني

= لا أشكري ياستي وكتري من الشكر ده علي قد ما تقدري

في الخارج تحديداً عند ليالي وزينب
- الجو برد اوي شكله يناير بدأ يشتغل معانا في الهواء
ثم وضعت يديها علي بطن ليالي
- مشتاقه أشوفة قدامي

أبتسمت لها ليالي
- وانا كمان مشتاقه أحضنة وأشيله بين أيديا

= انتِ زعلانة علشان أحمد مقضي أغلب وقته مع حنين
- لا هي مراته
= وانتِ مراته وحق عليه يسعدك ويقضي معاكِ وقت يسمعك وتسمعي

أخذت ليالي نفس عميق فاهي لم تستطيع ان تقول ماتشعر به فقط هزت رأسها بصمت مررت زينب يديها علي ضهرها فشعرت برعشه جسدها
- شكلك بردانه أدخلي جوه علشان متتعبيش

= شويه وهادخل أدخلي انتِ لو حابة
- طيب هاجبلك جاكت من جوة علشان تدفي

ذهبت زينب للداخل لتحضر لها شئ ثقيل يدفئ من أرتعاش جسدها قليلاً بينما كانت تقف ليالي وهي تتذكر الماضي بكل مافيه جائتها الخادمة تعطيها المعطف الذي أعطته لها ربه المنزل وعادت ليالي لشرودها حتي سقطت الدموع من عينيها بدون شعور منها وجدت من يمد لها المناديل الورقية نظرت له وشكرته وهي تمسح دموعها
- شكراً

= ساعات بستغرب انتوا أصحاب القصور بتبكوا ليه وانتوا مالكين كل شئ

- انا مش من أصاحب القصور .. بس مين قالك ان الراحة فلوس وأصحاب البيوت ملهمش دموع الدنيا ظالمة وقادرة تبكي الحجر فمبالك بالبشر قلوبنا أضعف من إنها تتحمل وجع أصلها مش حديد أحنا أتخلقنا من طين يعني الكسر فينا مش صعب يعني الرحمة مطلوبة وبلاش أحكام بان ده سعيد وده عايش مرتاح أحنا مش بنشوف غير وشوش من برة بس من جوة يا عالم فيها ايه