ကမ်းကုန်အောင်အလိုလိုက်ခံထားရသည့် အမျိုးသားဇနီးသည် [ဘာသာပြန်]

14

"ချန်းနင်... မင်းအဲ့တာကိုချက်ချင်းလက်မခံနိုင်ဘူးဆိုတာ ကိုယ်သိပါတယ်.... ဒါပေမဲ့ မင်းကိုလက်ထပ်ဖို့ကိုယ်လက်ခံခဲ့တဲ့အကြောင်းအရင်းက ကိုယ့်အဖွားရဲ့စီစဉ်မှုကိုနာခံဖို့တစ်ခုတည်းမဟုတ်ဘူးဆိုတာတော့သိစေချင်တယ်... အဲ့တာမင်းမို့လို့သာကိုယ်လက်ခံခဲ့တာ"

ချန်းနင်ကယွီရှန်းအားအံ့သြစွာဖြင့်ကြည့်လာသည်။
ထိုစကားကဘာကိုဆိုလိုသည်လဲ? သူကသူ့(ချန်းနင်)ကိုသဘောကျနေခဲ့သည်လား?

သို့သော်လည်း၎င်းကလုံးလုံးလျားမဖြစ်နိုင်ပါချေ။

ယွီရှန်းကထိုင်ခုံမှထ၍ ချန်းနင်ဆီသို့လျှောက်သွားကာ ချန်းနင်၏လက်ကိုပုံမှန်အတိုင်းဆုပ်ကိုင်လျက် သူ့ရင်ခွင်ထဲသို့ဆွဲသွင်းလိုက်လေသည်။ ချန်းနင်ကရုန်းထွက်ဖို့လုပ်သော်လည်း ယွီရှန်းကသူ့လက်မောင်းများဖြင့်တင်းတင်းကြပ်ကြပ်ထွေးပွေ့ထားကာ ကောင်ငယ်လေးကိုသူ၏သြရှရှလေသံဖြင့်ချော့မြူလေ၏။

"ချန်းနင်...ကိုယ်ကမင်းကိုလက်ထပ်ဖို့လက်ခံလိုက်ပြီဆိုမှတော့ ကိုယ်မင်းကိုရိုးရိုးသားသားဆက်ဆံမှ ပုံမှန်ဖြစ်မှာပေါ့... ကိုယ်တို့နှစ်ယောက်ရဲ့လမ်းမှာဘာတွေပဲဖြစ်လာဖြစ်လာ ကိုယ်ကမင်းကိုကိုယ့်ဆန္ဒနဲ့ကိုယ်လက်ထပ်တယ်ဆိုတာကိုယုံပေးထား"

ချန်းနင်ကပွေ့ဖက်မှုကြားမှ သူ၏မျက်လုံးတောက်တောက်လေးများဖြင်ကြည့်လာသည်။ ဤလူသားကသူ့ကိုယုံကြည်မို့ အာမခံချက်ပေးနေသည်တဲ့? အာဏာနှင့်ငွေကြေးအလဲအလှယ်ပေါ်မူတည်၍တည်ဆောက်ထားသော အိမ်ထောင်ရေးက ဘယ်လောက်များကြာကြာခံနိုင်ဦးမည်နည်း? သူ(ယွီရှန်း)အဲ့လိုပြောတိုင်း သူကယုံကြည်မည်ဟု အဘယ်ကြောင့်များထင်နေပါသနည်း?

ယွီရှန်းက ချန်းနင်၏အကြည့်ထဲမှသံသယများအားတွေ့လိုက်ရသည်။

"ကိုယ်မင်းကိုအခုချိန်မှာတော့ ဘာကတိမှမပေးချင်ဘူး...ကိုယ်တို့ရဲ့အနာဂါတ်မှာအရေးကြီးတာကကိုယ်တို့ကိုယ်တိုင်ပဲလေ...ဒီတိုင်းစောင့်သာကြည့်ပါ"

ချန်းနင်ကသူ့အကြည့်များအားအောက်သို့ပို့လိုက်သည်။

"ကျွန်တော်ကခင်ဗျားရဲ့ကြိုးစားအားထုတ်မှုနဲ့မထိုက်တန်ပါဘူး"