شاهينة نذر الحوافي

البارت 19

نظر : استغفرالله
ليث : خيركم؟
نظر : ماكو منتظر عصب زايد
ليث : انتِ شبيج
نظر : ماكو

ليث : زين ترحون مو المرا تريد تشوفكم
نظر : ماأدري
ليث : اذا ماتردين ممجبورة
نظر : منتظر يريد
ليث : وانتِ مترددة
نظر : ايي

ليث : للساعة 4 عندج وقت تقررين علمود نروح
نظر :وتمام اروح
ليث : خوش لعد اني طالع اذا تردين شي يقين موجودة أو تتصلين
نظر : تسلم ليث
ليث : ادللي ..طلع

نظر : ليث ..باوعلي
ليث : ها
نظر : لا هيج
ليث : احجي التردي
نظر : برأيك فعلاً هي تحبنا ومن زمان مهتمتلنا ومعافتنا

ليث : شوفي نظر  ..هي المرا مقدمة بلاغ من 17 سنة يعني ولدها الي من الممكن تكونون انتوا ضايعين منها من سنة ال** حسب كلامها يجوز انتوا مو توأم مغيرين بهويتكم يعني راسم مغير هاي الكلام إذا تحليل يطابق ورا ماتشوفون بعض طبعاً تقررون والصراحة المرا كِلش متأكدة
نظر : احنه ماضايعين

ليث : هي تعرف انتوا ضايعين كلكم سوا انتو واملاكها والحارس راسم بس مامخبرة غير عن أطفالها
نظر : لعد شمدريك باقي الكلام
ليث : المرا من كرايب جماعة جلال
نظر : صديقك الرائد؟

ليث : ايي فهذا الكلام من عنده عن معرفة شخصية مو حجي مركز وهي المرا يعني كُل شي عرفته يگول هي امكم
نظر : اكو شي ماتگدر تگوله
ليث : شوفي عم جلال طلع صديق أستاذ زيد الي هو والدج الله يرحمه هاي معلومة اكيدة ومعرفة جلال بالمرا من خلال عمه لأن هي مثل اخته يهتم بيها لأن مرت صديقه المقرب وحتى عندها بنية 17 سنة عمرها يعني كلام راسم والأحداث تكول هو اخذكم بأيام ولادتها بهاي البنية لأن تقارب السنين والحجي يعني كل شي يأكد ماأعتقد اكو هيج صدفة حتمية ومثل ماكلت المرا لو تدري انتوا مخطوفين وهي زوجها يعني والدج جان يشتغل بالحكومة ونفوذ جان طلعتكم من بطن الكاع بس هي ماعرفت شي بس اختفائكم المفاجئ وي الحارس دورت و دورت ومالكت وهسة الله أعلم هي نفسها لو نفس القصة وي غيركم !

نظر : اوووف مامطمنة خايفة
ليث : نظر مختصر لكل هالكلام يطمنج
نظر : ماأدري
ليث : هاي المرا امكم والحيثبت لقائكم ووراها تحليل الحمض هي معافتكم عوفي هالفكرة انتوا نخطفتوا منها وهي بلغت وسوت كل التگدر عليه من هي مرا نفاس وهي ولدها نظر ومنتظر وزوجها زيد صديق جلال عم جلال وبنتها الثالثة قطر عمرها بگد ضياعكم وهالفترة يلا شالت البيت وحدها كل هالفترة وي اخوتها وراتبها رايح الهم المرا تعبانة واعرفها اني هم وهي صديقة لأمي ..تنهد من حمل.. وانتِ هم شايفتها يجوز تذكريها يجوز لاا ماأدري بس هذا كل الكلام !

نظر : شنوو منين اشووفها اني منين تعرفها انتَ ! ..
ليث : هي من نفس المنطقة هنا گاعدة يجوز تقابلتوا بالشارع
يجوز ع طريق وانتِ تعبرين
نظر : يعني غنية المرا بماأن گاعدة بهالمنطقة وهي غالية
ليث : مو داگولج هي تشتغل وگاعدة وي اخوتها وهالفترة يلا كعدت بيت وحدها أعيد الكلام من جديد 
ضحكت : لا خلص فهمت ..شُكراً ليث
ليث : ادللي نظر