شاهينة نذر الحوافي

البارت 19

ابتمست بخجَل .. رد عَ فون

جلال : وينه هو ؟ ..دار وجها منزعج ..عريس ياناس عريس ماتحجين ..شاف الإسم تغيرت ملامح وجها

- هلا بيك ..الله يبارك بيك ..شعندك البارحة زفيتني بأيدك شتريد ماعندك إحساس؟ ..دولي اردها الك أن شاء الله ..ايي مشيت بالسالفة واتفقنا وي حمود ...شمدرررريني خابره ..يجوز صحيح من جماعة عمي مو اني الاعرفهم هو صادفت وي اتصالك ..صحيح ايي ..هي موافقة ع كلام حمود اليوم بالمركز ..تريد اجي؟ ..عليك الله الولد نفسه الطلع التصوير مال الحرامي .. خال مسلم الخيسنا بالسجن ايي ..ايي الله عليك شوكت ماتريد لو مو عريس اجيك ..الغالي هلا ديربالك ماتسوى القهر .

... سد الفون

جلال : نكَمل؟
شاهينة : شنكمل ؟!
جلال : شغل البارحة
شاهينة : جلال
جلال : جزئي ..من صدك صرتي جزء لا يتجزء مني

.....

فُقدت السيطرَة وبالگوة جاي أصبُر
وأول مَرة أحِس بنفسِي ضگت المُر
صُفنت لنَفسي .. هذا التَعب يخلص ويّن ؟
شوكِت أتعَب وأحس هذا التَعب مثمُر!
" الوجَع هدنِي "
الجسِم من كُل مَكان يصيّح خلصت طاقتي وتَعبان ماأنكُر يوميّه بحَياتي أنصدِم بالأحداث انهدَم حيلي وبَعد مابيّه حيل أحزِر مَاچنت أدري .. الظرُوف تغيّر الإنسان
مَصدومه شگثر يا آني مِتغيّرا!

بهالكم يوم الگعدت بيهن بيت ليث ملتزمة الهدوء بشكل نهائي تغيرت من داخلي ونضجت تعلمت هواي دروس وأخطاء بحياتي هالفترة
عايفة الشغل وبس المعتصم افضفض وأول ماسمع اجه هو وفرح وي ليث ..أما ليث فهذا الأنسان الحرفياً ماأعرف شلون اجازي كلامه الي والمنتظر كل مايجي يسأل عليه يطمن ويواسينا وينصح بتجاربه وهواي مثلاً شلون ملتهي وي اصدقائه الي بالحكومة ع مود يعرف شي عن امنا وعرفوا ووصل خبر وهسة منتظر متحمس ومتوتر يريد يشوف منو الخلفته والجابته لهالدنيا الفانية

منتظر : نظر برأيج ياسترة حتطلع احلى
نظر : بكيفك
منتظر : شبيج؟
نظر : مابيه
منتظر : لعد شهالوجه والتصرفات
نظر : منتظر ليش كل هالتجهيز والحماس
منتظر : حشوف الخلفتني لأول مرة
نظر : وانتَ شمدريك هي تحبك لو تحبك ما عافتنا ليش مهتم طبعاً هاي إذا طلعت صدك هي مو غيرها
منتظر : شبيج بابا مو الرائد جلال كال الليث هاي المرا مقدمة بلاغ من 17 سنة يم الشرطة وكل سنة تبلغ من جديد وكل شهر تجي تتأكد ع مود يبقى بلاغها مستمر وميتجاهلون شكوتها والوصف والحجي كلَ ع اساس احنا وانتِ بأذنج سمعتي راسم بايگنا من عدها وي الأملاك

نظر : ع اساس گلت انتَ ! يجوز وحدة هم ولدها ضاعوا مثلنا مايصير صدفة يجوز الف اخ واخت ضاعوا من امهم شمعنى احنا ليش مصر.. ايي هيج سمعت بس ؟!!

.. شمر الستر بعصبية ولبس بنطرون وقميص عادي
منتظر : هسة ارتاحيتي تمام
نظر : بكيفك مجابرتك ع شي اني دااحجيلك الواقع ع مود لاتنصدم وانتَ تعرف أكثر مني
.. ندك الباب دخل ليث وطلع منتظر عصبي