အလုပ်ရှင်က ဘာမှမပြောသေးဘဲ
ဖိုင်လ်နှစ်ခုလုံးကို ကြည့်နေသည်။ အခန်းတစ်ခန်းလုံး တိတ်ဆိတ်ငြိမ်သက်နေတာကြောင့် Baekhyun စိတ်လှုပ်ရှားမှုနှုန်းက တဖြည်းဖြည်း မြင့်တက်လာသည်။"ဟင် ..."
Baekhyunပေါင်ပေါ်တင်ထားတဲ့ ညာဘက်လက်က ရုတ်တရက် နွေးထွေးသွားသည်။ အကြောင်းအရင်းကိုရှာဖွေကြည့်တော့ Chanyeolက Baekhyunလက်ကို ဆုပ်ကိုင်ထားပြီး ပြုံးပြနေသည်။
အကြည့်တွေက "ဘာမှမဖြစ်ဘူး စိတ်အေးအေးထား" ဆိုတဲ့သဘောကို ပြောပြနေသယောင်။ စိတ်လှုပ်ရှားမှုက ငြိမ်သက်လာပေမယ့် စိတ်ရှုပ်လာတာကြောင့် Baekhyun လက်ကိုရုန်းလိုက်မိသည်။
"ကိုယ့်ကိုယ်ကိုယ် မိတ်ဆက်ပေးပါလား"
"Byun Baekhyun လို့ခေါ်ပါတယ်"
"Park Chanyeolလို့ ခေါ်ပါတယ်"
"ဒါဆို နှစ်ယောက်လုံးက ကျောင်းတစ်ကျောင်းတည်းမှာ အရင်ကအတူတက်ခဲ့ဖူးတာပေါ့"
"ဟုတ်ပါတယ်"
"အတန်းကလည်း တစ်တန်းတည်းဖြစ်လောက်မယ်ထင်တယ် သူငယ်ချင်းတွေလား"
"ဟုတ်ပါတယ်"
"မဟုတ်ပါဘူး"
မေးခွန်းတစ်ခုကို မေးတာမှန်ပေမယ့် လူနှစ်ယောက်ဆီက အဖြေနှစ်ခုထွက်လာသည်။ Chanyeol အံ့ဩစွာဖြင့် Baekhyunကို လှည့်ကြည့်သည်။ Chanyeolဆီကို အေးစက်စက်အကြည့် တစ်ချက်သာရောက်လာပြီး ရှေ့ကိုပြန်လှည့်သွားသူ တစ်ချိန်က Chanyeol ရဲ့ ရည်းစားဟောင်း ။
Baekhyunက Chanyeolကို သူငယ်ချင်းတစ်ယောက်အဖြစ်တောင် သဘောမထားတော့တာလား ?
ထိုကနေအစပြုပြီး Chanyeol ဦးနှောက်ထဲ အတွေးပေါင်းစုံ၀င်လာတော့သည်။
"ဟုတ်ပါပြီ .. မင်းတို့နှစ်ယောက်လုံးက ဘွဲ့ရထားတာလည်းတူနေတော့ မေးကြည့်လိုက်တာပါ ... ဒါဆို ကိုယ်တို့နောက်မေးခွန်းတွေ ဆက်သွားလိုက်ကြမလား"
"ဟုတ်ကဲ့"
စိတ်ရှုပ်ထွေးနေတာကို ခဏမေ့ထားလိုက်ပြီး အင်တာဗျူးကိုသာ အဆင်ပြေပြေဖြင့် ဖြေဆိုလိုက်သည်။
"ကောင်းပါပြီ ... ညနောက်ဆုံးထားပြီး ဆက်သွယ်လိုက်ပါမယ် ကျေးဇူးတင်ပါတယ်"
YOU ARE READING
First & Last Chapter [ COMPLETED ]
Romanceအချစ်ဦးပုံပြင်တိုင်းက ပျော်ရွှင်ခြင်းနဲ့ အဆုံးသတ်ရိုးရှိရဲ့လား ? CHANBAEK
အပိုင်း [ ၁၇ ]
Start from the beginning