{شِتاتُ ألنساء}
....................................................
شمس..صوت طلقه
شمس.. كمزت بمكاني وعطت ونسوان عمامي والبنات عاطن والولد بعدهم يهوسون وعلت اصواتهم كلش
شفت عمي ضياء داخل وشايل المسدس ودخل للغرفه
عباس: لو بس جايه براسك
ملسم: دمشي ولي ***
جابر: بسسسس بسسس شبيكم مراهقين زمايل
شبيكمممم قنادر
لو واحد هسه جايه بيه الطلقه
سترو علينه جلاب
ستور علينه
واحد بيكم بي حض ماكووو
هسه الزمكم راس براس وفنه الي يحجي
دخلو دخلووووو
شمس.. اني طلعت من المطبخ وصعدت بسع ولكيت امي واكفه بالباب وترجف
امي: هاي شكو يمه شصار صوت رمي
شمس: تعاي تعاي كعدي لا اطيحين هاي شبيج
شمس.. دخلته وكعدته
شمس: ماكو شي ذول اتعاركو نفس كل مره وعباس طفر بالمسدس
امي: يا صخام خو ماصار لاحد شي
شمس: لا مع الاسف محد اجت بيه
امي: أسم الله الرحمان
سترك يارب دخيلك تخبلو ذول شبيهم
شمس.. كمت: عساس صاحين همه يعني
هاج شربي ماي شبيج ترجفين
امي: لاحول ولاقوة الا بلله
شمس.. نطيت الماي لمي وهدت شوي وكعدت اني ادرس .....
...................
ليث..رجعت البيت وسبحت واتعشيت وليان ماكو والبيت فاهي بلياها وعلاء بعده ما اجه
طلعت برره وخابرتني مروة
فتحت الاتصال وكعدت اسولف وياها واحجي والضحك وهيه اتحشش التافه
خلصت حجي ودخل علاء
ليث: هاي شنو نورت وشرفت وين لاكي هيج واحد ينتضرك
علاء: ما تقصر واضح منتضرني
ليث: من بساع لسه وين خورت
ليث.. علاء ابد ماله خلك
ليث: شبيك
ليث.. اندك الباب واسمع صوت ليان ورتاج
فتحت الباب
ليث: لك هلا هلا بالروح والريه
دخلت ليان وشلته ودخلت رتاج وعلاء واكف
ليث: بوياييي هاي شنو الحلويات
تونستي ست ليان
ليان: اي تلش تلش
رتاج ضحكت
رتاح: كلش تونسننه على كولته تلش تلش
رحنه مدينه الاعاب وتعشينه سوه وصورنه بكامره يمه ريم
ليث: فاتتني فااتني
رتاج: كلش فاتتك
ليث.. بست ليان بخده ورتاج صافنه علي ومبتسمه
ادنت ولزمت ليان من ايده وتباوعلي
رتاج: اي لا تفوتك المره الجايه
علاء: دكافي ليث خليلنه شوي
تعاي عموووو تعاي
ليث.. نزلت ليان وركضت وشاله علاء
علاء: تعاي وحدنه مالج شغل بيهم
بس انا اونسج
رتاج: لا كليله بس الخاله تعرف اني شحب
مو اليوم اني وياج شبعنه ضحك
علاء: اي باجر انا اطلعه طلعه بعد احلى وانشوف
رتاج: انشوف
لليث: لا بالله
تره بتي
ليث..رتاج ادنت عليه وحطت ايده على صدري شالت خيط صاير على هدومي وذبته
رتاج: ولله لو بيدي ابقيه عندي
علاء : وحنه ويني ننطي وجهنه
رتاج ضحكت : تحملو
علاء: دمشي عمو دمشي خنسولف انا وياج
مايفيدج غير عمج
ليث: لا انت ولا هيه بس ابوها حبيبه صحححح
ليان: كلكم احبنكم
علاء: الله الله لا انا ما احب هيج
..علاء باس ليان بخده
تعاي انمشينه نتفق على هلحجي
ليث.. علاء وليان دخلو
ليث: هاخو ما تعبتج
رتاج: لا شنو هلحجي هيه بتي
ليث: اي هلا بيج ب اي وقت طبعا هيه بتج
الخاله نفس الالم
رتاج: الخاله
ولله لو اتكولي يمه احسن
اشوفه بتي
ليث: اي انشالله ماكو فرق
بس الام محد يعوض مكانه
وهسه تجي شمس وتتعود عليه
وتعلمه وتكوم اصيحله ماما
رتاج رفعت حاجبه : شمس
اي شلونه دتروحله
ليث: اي بساع يمه
شمس: بساع سألت عمتي ( ام ليث)
كالت عساس رح تعرسون هلسبوع
ليث: اي عساس بس رح يتأجل لان ابن بت عمه متوفي
رتاج: وانت شلك شغل هيه مرتك وهوا ابن بت عمه المتوفي
ليث: اي حتى لو مايصير وهمه عمامه حزنانين
واصلا انا مارح اسوي عرس
رتاج: ليش
ليث: احسن
رتاج: براحتك شي يخصك اني اتأخذرت وازعجتكم عن اذنك
ليث: لا اخذي راحتج
تصبحين على خير
ليث.. رتاج طلعت وسديت الباب ودخلت طير اروح لليان
دخلت وهيه يم علاء
شلته على ضهري وركضت بيه للغرفه
ليث: خنروح بابا شلج بعمو
علاء: شلج بالبابا قصدك
ليث: روح روح مصغوط
اليله انا وبتي انسولف للفجر
ليان كامت تضحك
ليث..اخذت ليان ودخلت الغرفه كعدته بحضني
فتحت شعره وهيه تاكل واسولف ...
ضحكت وحجت لماً تعبت ونامت ابحضني
لزمت انا الكامره وليان نايمه
كعدت اشوف الصور الي رتاج كاصتهن هي وليان
امشي بالصور وامشي
فجأة طلعتلي صوره ريم ...
شفت صورته وجنه روحي ردت
كمت اشم بريحته تهف بوجهي
اخخخخخ اخخخ
وينج عفتي كلبي مودر عليج
انا العاشك وانتِ المعشوك
اريد اختصرلج السمه والكاع بس حتى اوصلج
بس صررتي كلش بعيده ..
..........................................
شمس.. يوم ثاني رحت لدوام ويه ست اسراء وداومت وخلصت وهم رجعتني ست اسراء..
رجعت البيت وعمامي ما موجودين
اجو الضهر وره الغده وسويتلهم جاي بس جان وضعهم مخوفني
بس يخزرون بيه ويزموخون عليه بشكل يخوف
احسهم يردوني يلزومني يطحنوني بديهم
والولد عباس ومسلم بعدهم ما يتحاجون ومغندب واحد بوجه الثاني...
...
شمس.. باليل خابرني ليث
جانت محادثتنه كلش جافه
بس سألته عن ليان وسألني عن حالي ودراستي
مكالمه ما طولت ١٠ دقايق ....
.....
شمس ... يوم ثاني وهو اخر يوم الفاتحه
رحت لدوام ورجعت وعمامي ما موجودين بس الولد وصبيتلهم غده
وامي جانت شوي تعبانه خفت عليه ليام مدري شلونه..
كعدت ادرس للعصر لماً دخلو عمامي والبنات
ودخلت رهام وبعبايته ووجه اصفرر واتجر بروحه جر روحه
شافتني كاعده
اني كمت وهيه فكت عيونه تخزر
شمس: هلو رهام
الباقي بحياتج والله يصبر كلبج يا روحي
شمس..رهام ركضت عليه مثل المخبله
رهام: ولج انتِ جتاله ابني ولج كاعده وتحطين عينج بعيني
شمس.. جرت حجابي ومشعت شعري حيل واني عطت
دفعتني وصمت اديه وكامت ادك عليه واني اصرخ وادفع بيه
وعمامي واكفين بكل برود
نزلت امي واجتي ركض وعمي دفعه
ضياء: دعوفيه ختموته خنخلص منه الجلبه
امي: يمه بنيتي يمه ولج رهام عوفي البت شبيج عليه
رهام: كتاله ابنيييي
اموتج بيدي ولله اموتج
شمس: عوفيني وخري عنييييييييي ولله ما كتلت ابنج ولله مالي شغل اني ولله ما سويتله شي
امي: ولج رهاام وخري عنه عوفيه هيه بيا حال رهام
شنو كتلت ابنج ذكري الله يماااا
رهام: دسكتي يا*** يا ام الشرف والعفه دسكتيييييي
هوا انتِ ايامج معودوده بس اتعرسين ثاني يوم يردج رجلج جثه
واذا ما كتلج اني ب ايدي اموتج واهجولج والحسين
رح العب بيج طوبه بس اصبريلي
امي: ولكم دوخروها عن البت وخرن عنيييي انتن
رهااام حجيج حتى الله مايرضى بيييي شبيجج اتخبلتي
ضياء: هششششش
رهام: اذا ما افضحج فضيحه الله واشهرج واخلي الناس تعرف حقيقيتج يا***
شمس.. كامت ادك على وجهي واني حتى اختنكت
جرها عمي ضياء وستلمني راجدات
ضياء: اشبعج دك هسه زماله
وبكل صلافه ترحين اداومين والولد متوفي وعدنه فاتحه واحنه ببيا حال وترحين اداوميين
انا مو كتلج دوام ماكو بعد
الزمج هسه اكسر ضهرج
جابر: انا حجيت وعدت ولويت ذانج بس الحجي مايفيد انتِ تمشين بالدك
شمس.. جرني عمي جابري من جتفي حيل فصخ ايدي
جابر: كتلج رجلج اكره اذا عبرتي الباب كتلج لو ما كتلججج
اداومين واجيبين كتب وهدوم وبعين صلفه
لعد احنه نغوله هناااااااا
شمس.. ضربني راجدي مو طبيعي وجهي كله خدر
وخر عني وستلمني عمي ضياء راجديات ودفرات ابنص اضلوعي واني صرت بس اشهك اريد اجر نفس
امي طاحت بالكاع
واني صرخت حيل
ضربني بعيني حيل وانا شهكت
وخر مني وجرني من شعري حيل
ضياء: بعد اذا شفتج وليتي لدوام
اطلعج من هلبيت بتابوت
فتهمتيييييي
فتهمتي لو لاااااا
شمس هزيت راسي ب اي : اي اي ايييي حاضر حاضر ما اروح ما اداوم
شمس.. دفعني واني ركضت على امي وهيه شبكتني
امي: ولله حرام عليكم اسون هيج دعوفو البت بحاله رحموها لخاطر الله مورح اتموتوها اييي شطالبين منه
شله ذنب هيه
شمس.. حطيت صبعي على شفه امي و اني ابجي
شمس: محد رح يسمعنه يمه لا اتعبين نفسج
شمس...حطيت راسي على صدر امي واني اشهك ...
شمسس.. كمت واحس الكاع تفتر بيه
كومت امي وماريد ابينله انو انا حتى روحي ماكدر اشيله
لازمته من ايده وكعدته على القنفه
امي: سوده عليه يمه زوركت عينج
شمس: مابيه شي شي مابيه
شمس.. دخلت المطبخ ولزمت الكلاص وكلي ارجففف
صبيت اي ماي ورحت انطيه
امي: يا حيلي ولج يا ماي بيا حال انتِ
شمس..حسيت بصدري رح ينفجر والغصه ببلعومي
انكسرت روحي اكثر من جسمي الي يون عليه
اطيته الكلاص وصعدت ركض
دخلت الغرفه وسديت الباب ووكفت كدام المرايه وعيني زركه واديه تأذيني وكل جسمي يأذني ووجهي وخدي احمر
شمس: ليمتى اضل اتحمل انا ياربي ليمتى
يمتى تفرجه عايه
انقذني يا ربي وخلصني
انقذني وافرجه بوجهي
مضلومه اني بكلشي مضلومه وانت تسمعني يا الله
يمتى تطلع حوبتي يمتى يبرد كلبي
شمس..شعري الي راح ب ايد رهام ووجسمي مكسر
لفيت حجابي واني ابجي
دمعتي المكسوره اريد حقه منك ربي
اريد ربي يجبر بكسر روحي..
..صوت عمي ضياء
هبطت روحي
ضياء: شمسسسسس
شمس... طلعت واني ارجف باوعت لعمي من الدرج
ضياء: رجلج اجه
ليث..باوعتله واني بيه حال هسه شون رح اطلع لليث بهل منضر
ضياء: يلله انزليييييييي
شمس.. نزلت واباوع باب الدوانيه مفتوح وليث كاعد ويسولف ويه عمي جابر ويضحكون
جابر: تعالي شمس
شمس.. دنكت كلش ودخلت
شمس: السلام عليكم
جابر: تعاي بويه اكعدي
ليث: وعليكم السلام
شمس.. كعدت يم ليث وعمي دك تلفونه كام وطلع
ليث: هاا توي طالع من شغل فكلت امرج
شلونج
شمس: هلا بيك
الحمدلله بخير
ليث.. بصوته الغصهه وتريد تبجي
ادنيت عليه
ليث: اشبيج
شمس: مابيه انت شخبارك
ليث. حطيت ايدي ورفعت راسه واباوعله وجه احمر واعينه مزوركه وتبجي
ليث: هاي منو سو بيج هيججج شبيييج
ليث..شمس حطت ايده على وجه وبدت تبجي
شمس.. بقيت ساكته ماعرف شحجي بس دموعي بعد ماكدر الزمه
ليث.. انا روحي شاطتت من شفته هيج مكسوره ودموعه تجري
ليث: منو ضاربج
ليث.. بقت ساكته
ليث: احجي شبيجج
شمس.. عمامي ما يقبلون اداوم
ولله تعبت من هلعيشه رح يموتوتي ولله
ليث.. زادت بجيه
جريته عليه ورفعت راسه اباوعله
ليث: مسحي دموعج خلص لا تبجين
مو بكيفهم همه
انا اعرف شسوي
شمس.. ليث كام
شمس: وين رايح ليث
شنس.. ليث كام وطلع بالهول وعمامي كاعدين
ضياء: ها شني ابني رح تروح
خليك يمنى اتعشى
ليث: لا انشالله على غير مره
ليث: من رخصتكم بس شمس انا قابل اداوم وتروح مدرسه وراضي وانا كايللكم اصلا
وحتى من انعرس رح اخليه اداوم
جابر: اي من تنزف الك ذاك الوكت تروح
ليث: شلفرق على الزفه والهلهوله
مرتي هيه وانا كتله اداوم ونقطه نهايه سطر
ليث: باجر جمعه يعني ماداومين
شمس.. ليث دار عليه ويحاجيني وعمامي بقو يخنزرون بذيج العيون
شمس: اي ماعندي
ليث: تمام الصبح اجي حتى نرروح لسوك
وانتِ كعدي درسيه يوم الاحد انا اجي اخذج للمدرسه
شمس.. باوعت لعمامي وهمه ماااعجبهم
ابتسمت بوجه ليث
شمس: انشالله
ليث: اجيبلج شي من صيدليه لعينج
شمس: لا عندي
ليث: عن اذنكم محتاجين شي
شمس.. عمي جابر وضياء كامو
جابر: لا ابني
ابقى تعشى ويانه بعد وكت
ليث: لا ماتقصرون
مع السلامه
شمس.. ليث طلع وعمامي طلعو وراه
ركضت رحت من باب المطبخ واباوعلهم
وليث وكف وهوا وعمامي يحجون
ردت اتصنت عليهم ماكدرت
فطلعت بسع من باب الهول ووكفت اسمعهم
ضياء: احنه ما نخلي شمس اداوم ماعدنه هلحجي
ليث: اي انتم
بالشرع والقانون
انا بكيفي اخليه اداوم رجله وتمشي بحجي وامري هيه
اخليه اداوم او لا مالكم دخل بيه بعد
حافضتو عليه وربيتوها ونعم وما قصرتو
وهسه طلعت من ذمتكم لذمتي
وهيه تريد تكمل خلتكمل
وباجر انا ماخذه لسوك حتى تشتريي وتحضر جهازه
ضياء: اي احنه ناخذه
ليث: لا
شمس.. ليث كلش واضح ابد ما عاجبه الوضع
ويرد على عمامي
اني اشوي مصدومه ما متعوده على هيج
الاعمامي وحجايتهم محد يرد عليهم
جابر: احنه اندزه هيه وامها وواحد من الولد وتشتري الي يعجبه
ليث: لا باجر انا ناعندي شغل
ورجله وموجود واخذه
يلله من رخصتكم مع السلامه
شمس.. ليث راح ودخلت بسع اني وفرحانه وانرفعت معنوياتي
وانرفعت بشكل
كلبي ضل يدك
دخلت المطبخ وبديت اطلع الاكل حتى اسوي العشه وحتى تعب احسه راح مني من شفت ليث هيج حسيت احد بضهري
دخلت امي
امي: ها شنو راح ليث مالحكت اسلم علي
شمس: اي توه ماطول
امي: هاا
يمه روحي يعدي اني اطبخ روحي
شمس: باجر رح انروح اني وياها لسوك
ترحين اكيد
امي: هااا اي انشالله اروح
الصبح
شمس: اي
امي: شو تضحكين
شمس: اي
امي: انشالله دوم يمه اشوفج هيج يمه ورمتي كلبي
امي: روخي صعدي انا اسوي
شمس: لا انتِ تعبانه
امي: لا كعدي كتلج يمه لا يصيرلج شي بيا حال انتِ عمامج ما قصرو
كعدي وحطي ثلجه على عينج
شمس..دخلت مرة عمي
- هيو انت
شنو هاي رجلج شهلصلافه
معيدي
شمس.. درت وباوعتله ودخلن ضحى وزينب
ضحى: منو هوا حتى يحجي بهل اسلوب
مكبر راسه
ولله اذا وصلت لعمامي يحطو ويعلجو وييورو شلون يحجي
شمس: هوا شسوا
زينب: ولله شنو هوا يوديج ويشتريلج
عمامي متحلفين بيج والحمزه تستاهلين الكتل
ومنا رجلج مكبر براسه ويحجي طيحان حض احنه ماعدنه هيج تمسلت
هوا شله شغل اصلا هاا
عود من تنزفيله واتصيرين ببييته ذاك الوكت خل يكعد يمسلت براس عمامي
شمس: اني مرته هسه
شلفرق لازم اصير وياه بنفس البيت يلله تقتنعون
وهنه ايام معودوه واصير
نهايتي وياه يعني
ومحجه شي هوا
بس انتم اتضوجكم حجايه الحق
واتزعلون اذا احد كسر حجيكم وصار عكسكم
ضحى: شفتي رجلج هيج وكبرتي راسح انتِ هم
شو سكتي سكتي توج ردتي تموتين جوه ايد عمي
بس عار مايصيرلج شي
من صدك انتِ مال دك
يا حيه
كتلتلي الولد ويوم ثلني راحت اداوم
وهسه تتمضحكين
شمس: يالله يالله شهلتفكييييير
ضحى: وتحجين براس رجلج حتى يروح يوكف بوجه عمامي
مايدري بيج مو بس تستاهلين الدك مال حرك
زينب: المعيدي ابن المعيدي
شمس: انتن شتحجن
تحسسني اني مسويه جريمه واذا طلعت وياه لسوك خاف تخرب سمعتكم واصلا امي ويانه
واني مارحت وكتله احجي هيج بوجه عمامي وهوا ما حجه شي غلط
وهاذ الحجي لا تعيدنه اني ما كتلت الولددد اني ماكتلته ولكم عوفوني بحالي
ضحى: ليش ادافعين ليش
كلشي واضح مثل عين الشمس
شمس: اي واضححح وااااضح
الولد توفه بمرض
اني مالي دخلل
شمس.. التمت دموعي بعيوني
مرة عمي: لو يجي النبي محد يصدكج
امي: انتن شكع تحجن
الي ما عاجه تطلع بره دكافي بيش طالبات البت
مو دنسويلكم اكل
لو بس تاكلن وتمسحن اديج بالحايط حجايه زينه ماتعرفون تحجون كافيييي
مالكم شغل لا بيه ولا برجله شيحجي وشمايحجي
وهاذ الموضع انسددد
امحمد اتوفه
وقضاء الله هاذ واحنه كمأمنين راضين بالي صار ومانعترض
دحطو الله بعيونكم وخافوه شويه
ضحى: حاجي بتج
بقت الله بقت اصخامم بقت عزا
شمس.. دخلت رهام وكوه تمشي ووجه يخوف
رهام: انحط الله بعيونه
ليش بتج الماحطت الله بعيونه من كتلت ابنييي
هاااااا
هاااااا
شمس..رهام ضلت اصرخ
شمس: لا تكليلي كتلت ابنج
ماكتله مااا كتله انا ما كتلتله من كل عقلكم تتهموني وتحاجوني هيج ماكتلته ولله
شنو مات كلبي واسوي هيج
حتى ماتدخل العقل لا الله ولا عبده ريضااها
زينب: كتلتلي الولد بيدج بعد شنوو
رهام: انتِ علمود اتردين ثار شرفج البعتي
طلعتيه ب ابني
شمس.. انصدمت صدمه واحس صكعه اجت على راسي ورهام تباوعلي ورافعه حاجبه
رهام: هاا هم نكري الي صار
ادري بكلشي انااا
امي: رهااام كافي حجي ما منه فايده بس مشاكل كافييي كافي انتِ كلبج محترك عوفي البت وروحي لربج اتحسبي
شمس روحي صعدي
رهام: ابكلشييي ادرييييييي
وانتِ اجتي على هطفل ليش شذنبه موتيه ب ايدج واخذتي مني وهسه حتى ابو متخربط
تسوين روحج بريئه ومضلومه
وانتِ من جوه ليجوه
من كون الحسين يشور بيج
باليله الاربعين مال الحسين وهيج اتسوين لا وتسوين روحج مضلومه
شرح يسوي بيج الحسيين
كون يكلب حالج مثل ما كلبتي حالي
كون من كد ما تتدمرين تتمنين الموت بس ماتلكيه
امي: اسملله عليه
دخيلك ياربي ولج رهاااام
رهام صدك تحجين انتِ
تخبلتيييي
روحي رجعي لغرفتج
عوفي البت بحاله كلنه كلبج محترك
بس مالج حق تحجين هلحجي
كافي مو خبلتو للبت كافي كافيييي شلعتو كلبه
الله يرحم ابنج ويصبرج
بس عوفي البت بحاله بليتيه
وشنو هلحجي الي دتححينه
روحي صلي واقري قرأن احسن الج ويريحج هاي دعاويج وحجيج ما تفيد بشي وماترضي ربج شنو من حزن هاذ
ضحى: ختدعي وطبه مرض
شمس..رهام تمشي علكيف وتباوعلي بعيونه الحمر واني جامده من كد صدمتي
رهام: ادعي عليج دعوه من كل كلبي
شمس.. البنات يحجي وامي كامت اصيح عليهه وتحجي ويه رهام بس اني ذانتي صارن ييونن
اذكررت ذيج اليله
ليله الاربعين
انعاد كل السيناريو ببالي
الوجوه
الضرب
الاثوات
الوجع
الغلط
الكسر
الاهانه..
رهام: بليله عرسج
كون يردج رجلج بدمج
خلي الناس تعرف حقيقتج
وكون عمامي حتى بكبر ما يحطوج
هيج اتضلين بالزبل*
يا ام الشرف
لو شما تحجين واتسوين
محد رح يصدكج
كولي يلله كولي صدكوني ماسويت...
كولييي شو سكتييي هاا
كولي اني مالي ذنب
كولي اني ما سويت
كولي اني شريفه
واني مالي دخل
كوليييييييي ليش سكتي
كولي صدكوني اني ماسويت
احجييي يلله احجيييي ولج
شو سكتييي
شمس... رهام هجمت علي وامي وكفت بوجه و كام الغلط والصايح واني جامده
دخلو عمامي ورهام بس اتصيح وتصرخ ودفع بيه
كل العالم سمعت صوته
رهام: كولي ما سويت شي اني
جتاله ابني
عليتي كلبي من الله يعلج بعله
ما ترتاحين كل عمرج
كون اطيحين ومحد يوكومج
كوم تتمرضين وماكو دوه لصخامج
كون الله ياخذ احباج واحد واحد وكدام عينج
كون بحضنج يموتون
ودمهم على صدرج يطش
يا ام الشرررررررف ..
شمس.. عمامي طلعلو رهام بس اناكي احس بروحي فقدت السيطره
احس الكاع صارت تفتر بيه .....
غوشت الدنيا بعيوني وصارت سوده ورجليه نملت
طحت بالارض وامي صرخت ...
( ليله الاربعين:
شمس.. وينج يمه اتأخرتي شو كلبي ابد ما نرتاح
هسه شسوي عايفيني وحدي
والولد ماهمه عافوني وطلعو
شمس..صعدت الغرفه وكعدت
شمس: هسه شهل حضي
اذا يدخل عليه حرامي محد ييدري
وامي تأخرت
وين عفتني يما
كلبي منقمت
انشالله خير
رح اتخبل كمت احجي ويه روحي
لو الولد موجودين على الاقل جان كعدت وياهم اباوع من يطلعون بالتلفزيون قرايه
نوب حضي حتى تلفزيون ماخيلوني اشغل اشوف قرايه عزا
لو مسلم موجود يكعد ينعيلنه
هوا اصلا مسلم هليام مدري شبي
جنه مريض
حتى عباس
ختجي امي اكلله شبيهم هذول
شمس.. فتحت الكنتور وصورة ابوي ملزوكه على الباب
شمس: الله يرحمك يا بابا
صح ما شفت منك شي حلو
بس الله يرحمك
بابا كلش يشبه عمي ضياء
بس عمو ضياء على الاقل ما يضربني بقوه ويأذيني كد ما انت اذيتني
صح يرزلني وهاي يزمخ علي بس لمصلحتي اني ادري
امي كله تكلي لمصلحتج
بس هوا مرات يكلي بويه شمس صبيلي جاي
مثل بته يعني يعتبرني
حتى عمي جابر
هوا صح عمي جابر كلش عصبي
بس امي هم تكول مله لمصلحتج وتسكتني
بس بكل الاحوال اني بتهم وهمه يردون يحافضون عليه ويعلموني
المهم اني بصحه وبسلامه وجوه سكف يحميني
والحمدلله والشكر هاي نعمه تخبل
احسن من باقي الناس بالضيم خطيه
الحمدلله والشكر
والمهم امي موجوده
يمكن ابوي لو موجود جان ضل يعذب بيه
ف عمامي اهون
يعني همه صح رادو يبطلوني بس يلله هل رجعوني
اوو هاي اني سادس
بويه رح يطيح حضييي
نوب لا دخلت خصوصي لادورات لا اصخام
رح اكعد اتوسل بالولد يدرسوني
عباس خوش شرحلي العام
لا بطلت
عباس هليام مدري شبي وياي
هوا وهاي سبحته
ت
نضراته يباوعلي عبالك لازم عليه لزمه
حتى ما رتاحيتله
واخاف حتى احاطي
صاير كلما احجاي يفشر ويغلط اتهستر
ذيج المره اذاني من ضربني
النفروض اعتبره شقه
بس هوا ما جان يشاقه
بس امي تكلي اخوج هاذ
شمس.. كافي اني تعبت عفيه مخ ما يوكفف..
اخلص سادس
واطلع معدل
وادخل كليه وبلكت الكه شغل
الله واشيل امي وادللها
ونطلع من هلبيت واخلص من عمامي
بساع سمعت عمي ضياء يحجي ويه رهام
فدوة اشتاقيت لمحمد
يمتى يجي حتى اشوفه
ولو هيه رهام تكضيه بس اتخبث عليه مادري شمسويتله هيج اضوج مني
شمسسس يلله كافي راسي حينفجررر
امي تأخرت شسالفه
البيت صنتنه ويخوف يمه
ولله مشتهيه اروح ازور الامام كلبي طك
بس عمامي وين يودوني
سلام الله عليك يا حسين اكتبلي ازورك واشبع بريحه ضريحك
بنفسي هواك
الله يصبر كلبج يا زينبب
اووووف ..
نزلت ادموعي وبجيت
شمس.. غفيت على الفراش
شمس.. حسيت ب احد فتح الباب
واحس باصوات مشي قريبه عليه
فتحت عيوني واشوف ثنين واكفين كدامي بس ضلمه وكلشي ما واضح
شمس.. شفت ثنين دخلو بعد
شمس: يمه
شمس.. حسيت ب احد جر شعري
فتحت عيوني واشوف عباس ومسلم والولد
بنضرات عيونهم الشيطانيه ومنضرهم المرعب
وعباس صعد ابصفي واني كمت وصرخت ودفعته وهوا لزمني من اديه
ركعني على الفراش وضل يضحك
كام ولوا اديه حيل ليفوك واني صرخت مخترعه ومتأذيه
كعد مسلم على رجليه وشك ملابسي
والولد كلهم ضحكو
شمس: لااااااااا
هاي شدسووون وخروو عباس هاي شبييك
مسلللللم لاااا
مسلم وخر مسلم وخر
شدسووون وخرو عنييييييي
شمس.. عباس واكف وراي حط ايده على حنجي ورفع راسي حيل وادنه وباسني وحط ايده على حلكي واني صرخت
شمس : عليكم الله لا اااااااااااااااااا....)
شمس.. فتحت عيوني وجسمي كله مكسر حسيت بنف الالم لذيج اليله
فتحت عيوني كوه واسمع صوت امي
امي: ها شموسه كعدته ولج هبطتنيي عليج
شمس.. كل هذيج اليله انعادت ببالي وصفنت
الشعور الي ملاني جان بشع لدرجه
امي جرت اديه وتبوسني
امي: يمه شمس شبيج يا روحي
مالج شغل بحجيه لرهام وبعمامج
عوفيهم وطببي منا وطلعي منا
انتِ ما مسويه شي
وانتِ بعين الله مضلومه
يطلع حقج انشالله
لاتقهرين روحج لا يصيرلج شي تموتيني وراج شمس
شمس..شبكتني امي وتبجي على صدري وتحجي وياي بس جان الصداع ياكل براسي
حطيت ايدي على ضهرها وشبكته
باوعت واني بالغرفه وعلى الفرلش
شمس: شصار
امي: طحتي بالمطبخ
وعمامج ما قبلو اوديج المستشفى
شمس: صارلي شكد
امي: بالنص ساعه بس يمه اخذتي روحي
شمس: اسملله عليج
شمس.. حطيت ايديه على وجهي واتنهدت
امي: كومي يمه غسلي واكلي لكمه
شمس: لا ماريد
امي: لخاطري شمس
شمس: الله يخليج يمه عوفيني
ماريد اكب اريد انام
خل ارتاح خليني
شمس..امي سكتت وبملامحه القهر
شمس: حبابه
امي: هاذهو رح اطلع
يلله نامي اذا تردين شي كليلي
شمس..لزمت ايد امي ودموعي بعيني
شمس: لا ترحين خليج يمي عفيه
امي: يا كلبي وعمري يمااا
شون اروح لا ما اروح يمج اني
بس اطيني ١٠ دقايق واجي يمج تمام
شمس.. باوعت لمي وهزيت راسي ب اي
هيه طفت الضوة وطلعت ودرت اني بكل تعبي وجريت الغطه
بقيت افكر بس بهذج اليله
شسوو بيه
شلون دخلو عليه
حسيت راسي رح ينفجر
كأنما احد يسولف بذاني
رح اتخبل
يمتى اخلص من هلكابوس..
.................................
ليث.. بقيت اتكلب بفراشي ما اعرف انام
كلشوي اباوع لليان نايمه
بس انا النوم طاير من عيني
كل بالي يم شمس
كسرته ونبره صوته
وعمامه وولدهم
شلون رح اخذ وحده نايمين وياها ولد عمه
وهيه هسه مرتي
وموجود وياهم بعدهي
ليش لهسه انا امبقيه
ليش لهسه ما جايبه
صرت ضايع بين الي ماريد استعجل
وبين اريد اجيبه هسه
كلبي مشتعل
كمت وكعدت ونزلت رجليه ب الارض
حطيت ايدي على وجهي والدنيا مضلمه بعيني
ليث: استغفرك ربي واتوب اليك
منين التكاها هسه انا منين استلمه ...
.............................
شمس..كعدت الصبح وامي نايمه وحاضنتني
كمت وغسلت وجهي ونزلت ولكيت الولد كاعدين
عباس: وينج بت*** صبي زقنبوت يلله نريد نطلع
شمس.. عباس يحجي ويفر بسبحته
مسلم ما موجود
دخلت المطبخ وحطيت الجاي على النار
وكمت اطلع الجبن والسوالف واحضر بس كلش مالي خلك
واني على الميز صفنت ..
نضربت على جتفي
كمزت ولكيت عباس وراي ضربني بسبحته
عباس: شبيج انهبطتي امس وانصدمتي
مو الوفروض تعودتي على الضوع
ورح ترحين لرجلج ال** وتعرسين
اذا من هسه وتنهبطين وطيحين علينه لعد اذا رجلج عرف شرح اتسوين
رجلج المطي
شمس.. بقيت ساكته وطيته ضهري
عباس: رح يدري
وتنشهرين
وتنفضحين
واطلعين شمس المو شريفه
احنه ماعلينه شي
علمود نغسل عارج رح تنكتلين
مرتاح انا
تونست وكاعد اتفرج على مسرحيتج الي رح اتصير
شمس.. بقيت ساكته وجرحت صبعي وانس اكصكص من كد الرجفه
عباس: الله الله هاي شعحجينه
علكيفج
لو تعوفين هسوالف وترحين تشتغلين بملهى احسلج
ب الاول والاخير انتِ رح تنكتلين
هاي اذا ما كتلتج رهام قبل لا يزفوج
..ضحكة استهزاء
شمس..ضربني على رجلي بالسبحه ودخل ويضحك
دموعي نزلت
صبيتلهم الاكل ودخلت المبطخ اغسل
كمت اغسل ب اديه حيلل وبماي حار بس ما جنت احس
اديه تحتركن
ودموعي تنزل
صوت امي: صباح الخير
شمس: صباح النور
امي: شلونج اليوم
شمس: لا احسن
اني تريكت هاذ صبيالج اكل على ما اني ابدل
امي: يلله تمام
شمس.. طلعت بسع واباوع لديه حمرر
بس ما جنت احس
شمس: كاعده اموت شوي شوي شبقه بروحي حتى اعيش ..
شمس..صعدت وبدلت ولفيت شالي
والكسر والتعب واضح بعيوني
روحي مثل روح المريض
بي مرضه ما اله علاج
يمتى الكه علاج يداوي روحي
يشفي جرحي
يطفي نار كلبي
ويبرد الجمر الي بصدري
شمس.. دخلت امي
شمس: اهلا وسهلا
هاي طلعتلج عباتج يمه الحبيبه
امي: حبيبتي
يلله خل البس انتضريني
شمس: اتصل ليث
امي: لا
خابري انتِ
شمس: لا استحي
امي: لا يمه تره خطيبج
خابري شسالفه شكو بيه
هاج اخذي تلفون وكعدي حاجي
شمس.. لزمت اتلفون وانا ارجف
طلعت اسمه وخابرت .. بنفس الحضه جاوبني
شمس: هلو
ليث: هلو
جنت ارد اتصل سبقتيني
شمس..ضحكت
شمس: سبقتك
ليث: شلونج شمس
شمس.. اسمي بصوته كلش حلو
ابتسمت تلقائياً
احس بنفس ذاك الشعور الحلو
شمس: زينه
انت شلونك ليان شلونه
ليث: تمام
ليان عفته تتريك ويه عمه
شمس: حبيبتي
يعني انت طلعت
ليث: اي بالطريق كملتي
شمس: اي
ليث: تمام يلله
شمس.. ما جنت اريد اكطع الاتصال
ليث: باي
شمس: باي
شمس.. ليث سد الاتصال
شمس: رح انزل انتضرج
امي: يلله روحي
شمس.. اخذت جنطتي ونزلت وعمامي كاعدين
صبيتلهم ريوك بسع بس همه ما يباوعولي
البنات نزلن
ضياء: رهام وين
ضحى: نايمه
ضياء: عوفوها
زينب: انتِ شنو بطل صلافه مبدله تردين اطلعين
شمس..درت وما رديت
ضياء: زماله
مو تحاجيج
اكوم اكسر خشمج هسه
جابر: من احد يحاجيج تسمعي وتردين مو تنطين ضهره
شمس.. عمي حط صبعه بين سنونه
جابر: من كون ضهرج اكسره
شمس: يعني انزع هدومي
واروح اغسل وانضف
وما اطلع ويه الرجال
انا مارايحه العبب
ضحى: هلووو باع المرادد
شلفرق ما رايحه اجهزين لعرسج الاكشر
انشالله ليله سوده تصير عليج
شمس.. عمي جابر كام يريد يلفخني راجدي
وامي دخلت بنصنه ورفعت اديه
امي: لخاطر اخوك
مشيه هل مره
لخاكر اخوك
اني احاجيه بعد ما ترد عليكم
بس عوفها رح تموتوها
ضياء: طبه مرض
ضبي بتج لا اكسر ضهرها
شمس.. صوت الباب
كامو عمامي
والبنات يخزرن بيه
طلعو عمامي وسلمو على ليث
درت واسمع صوت زينب
زينب: مجرمه
الجتاله
شمس.. جرتني امي حيل وطلعنه وعمامي واكفين ويه ليث
طلعت وعمامي دخلو
ليث فتحلي باب السياره وصعدت كدام وامي وره
ليث: شلونكم
امي: الحمدلله ابني انت شخبارك
ليث: على الله
متريكين
امي: اي يمه الحمدلله
جان دخلت انضيففك شي
ليث: لا ما يحتاج
شمس متريكه
ليث.. شمس صافنه ب اديه ومو يمنه
ليث: شمس
شمس: ها ها اي متريكه
ليث: شبيج
شمس: مابيه صفنت
ليث..درت وجهي وما باوعتله
ليث: ليان تسأل عليج
بلكت باجر من اجي اجيبه
شمس: صدك
فدوه حبيته اني
اي جيبه
ليث: اي هيه هم حبتج
شمس .. ابتسمت ودرت على الجامه
وصلنه لسوك ونزل ليث فتحلي الباب
نزلت واني اباوعله وهوا سد الباب
دخلنه السوك وانس امشي بصف امي بس جنت مستحيه كللللش ومااعرف امشي
ومنا ليث يمشى كدامنه بعد متت مستحى بالزايد
وصلنه كدام مجمع جبير وبي هواي محلات
ليث: ادخلو هنا واخذو راحتكم انا انتضر ماعندي شي
امي: انشالله يمه
شمس.. دخلنه اني وامي بس جنت مستحيه كلش
دخلنه محل والملابس تخبل
امي: شبيج يمه انتِ ليش ماتوبين واجوزين من عمامج
شلون ترديهم يموتج
لا تراددين وانلصمي وشيكلولج كولي انشالله
شمس: انشالله انشالله
شمس.. اجتفت ووكفت وره امي
امي: اكعد اني اطلعلج شوفي الي يعجبج يلله
شمس: انتِ شوفي
امي: شلون رح اجلطيني ولج كومي لا نتأخر على الرجال
شمس: انسدت نفسي
شمس..امي خزرتني
امي: لا تشيبن راسي ولج عيب من رجال
شوفي الي تردينه يلله
شمس: هففففف
شمي.. درت واباوع للملابس واكلب بيهن
امي: خذي هاذ حلو
شمس: لاء
امي: لا تغندبين
شمس: تمام تماااام
شمس.. كملت اكلب بالملابس بس مالي خلك
امي كامت اجيب اشياء وتسألني
اخذت شكم قطعه مال طلعه وبناطير وماعجبني الباقيات
اجه ليث حاسب وطلعنه
دخلنه محل ثاني هم ملابس طلعه وتخبل
ليث دك تلفونه وطلع بره
رجعت اكلب بالملابس والتنانير فجأة..
ليث: وين وصلتي
شمس.. كمزت
ليث بصوت ناصي
ليث: شبيج عفريت حاجاج
شمس: خرعتني
ليث: كملي كمل قاطعناج
شمس: البس عبايه
ليث: وين تلبسيه
شمس: يعني رح تلبسني عبايه
ليث: لا بكيفج
بس انتِ محجبه يعني لبس محجبات عدل ومحترم مو نص استاو
شمس ضحكت: نص استاو
ليث: اي تنطين الحجاب حقه
شمس: اي تمام فهمت هوا هاذ لبسي اصلا
ليث: ليش تردين تلبسين عبايه
شمس: لا بس ردت اسألك
ليث:ذن تنانير حلوات
انتِ كله تنانير تلبسين
شمس: اي بس غاليات
ليث ضحك: اخذي بابا اخذي
شمس: بابا
ليث: يلله لا صفنين
شمس: اوك
شمس..اخذت تنانير وشكم شغله وليث واكف
درت باوعتله وهوا يلعب بتلفونه
رفع راسه باوعلي ودرت بسع
انتبهت امي ماهيه
رحت لليث بسه
شمس: امي وين
ليث: هاي كعدت على هاذ الكرسي
شمس..شفت امي كاعده رجعت اباوع
خلصن وحاسب ليث وطلعنه
دخلنه محل ثالث ملابس بيت دشاديش بجايم
وليث هم وكف بره انقهرت عليه ضل يا على تلفونه يا واكف بره
ااخذع ملابس بيت دشايش تخبل
اترااكت
ارتفعت معنوياتي بشكل
اول مره اشتري هلكد
جنت كلش متونسه
رح البس اتراكات وما اخلي شي بنفسي واضل بس بدشداشه
شمس.. لزمت بدله نص ردن سوده ومو مال حفله هيج بدله بسيطه عجبتني
شمس: هسه اني شبيه تهسترت اصلا حتى ذن البجايم استحي البسهن
ليث: ليش
شمس: يمه اسم الله
ليث: شون بلله بعد ما نحجي
شمس: انت مدري منين تطلع
ليث وليش تستحين
شمس: هااا
ليث: قابل رح تفترين بيهن كدام ابوي
شمس.. اني دنكت
ليث: اذا عاجبتج البدله اخذيه حلوه
تلبسيهن بالغرفه
شمس: انشالله
شمس.. ليث ضل واكف واني توترت
هله وطلع واجتي امي جايبه بيده سوالف
شمس: شنو ذن
امي: شنو ذن
هاي روب عرسج
شمس.. رفعت الروب كدامي واني جريته
شمس: شنو هاذه يماا فضحتينه
امي: هوا انتِ حتشتري شبيج بعد
شمس: ششتري رجعي
امي: لعد شتلبسين ليله عرسج دشدشه ابوج
شو ولي مو بكيفج
شمس..امي حطت الغراض على الميز وكومه سوابف حطت من كيفه باوعت لليث جان يباوعلي ودنك
استغفرت ودرت ..
كملنه ودخلنه اكثر من محل
واشتريت مكياج وسوالف وكلش كلش اتونست حسيت بروحي وحسيت شكد جنت غاطه عن ذن سوالف الحلوة وهامله نفسي ..
طلعنه من اخر محل وليث جان ياخذ علاليك ويوديهن لسياره
طلعنه نتمشى واني فد فرحانه واباوع لليث
شمس..هاذه رجلي
الله
شكد حلو وحباب
واني صرت مرته اني
ولابسه حلقه منه هوا ومسجله ب اسمه
ليث: شمس
شمس .. عيون شمس
شمس: هاا
ليث: عدكم جنط لو اشتريلج
تحطين بيهن غراضج
شمس: هااا لا اي
امي: عدنه يمه
ليث: تاخذيلج فد جنطتين
شمس: لا
ليث: تعاي هاذ المحل اعتبريهن هديه مني
شمس.. رحتلك فدوه
شمس.. دخلنه واختاريت جنط ٣ جبيره ووسط وصغيره نازكات
شمس.. طلعنه من سوك واني بس مبتسمه
كعدنه بمكان هيج بي كعده ومرتب كدام السوك اول مره اشوفه
جان فارغ بس حلو
ليث راح واجه جايب عصير
ليث: هاج ام شمس
امي: عشت يمه تعبناك نعملله
انشالله ربي يوفقك ويفتحه بوجهك وتعيشون احسن عيشه سويه
شمس: امين
شمس.. ليث اطاني العصير وباوعتله
كعد ابصفي
لليث: بالعافيه
شمس: الله يعافيك
شمس: ابيش الساعه
ليث: ب ١
شمس: شنوووو
ليث: شبيج انتِ
شمس: يااا هاي صارلنه شكددد
هسه ياهو يطبخ الغده لعمامي
ليث: رح يموتون جوع يعني
احنه هسه نطلع منا اوديكم مطعم اتغدو
شمس: ماعبالي هيج متأخرين
ليث: طبعا كل محل اخذتيلج ساعه
شمس: امبين زعجتك
ليث: لا على راحتج المهم اخذتي الي يعجبج
شمس.. رجعنه للبيت هناك نتغده
ليث: لا فد مرة
شمس: لا لا خلي بالبيت ناكل اني شبعانه اصلا
اني وامي نكعد وناكل
واصلا امي ما تحب اكل المطاعم
ليث: علكيفج
تمام براحتكم
شمس: اسفه
ليث: على شنو
شمس: حجيت هيج مدري شلون
ليث ضحك: شمس شربي عصيرج
شمس: تمام..
شمس.. كملنه اني وليث وكمنه
امي: يمه اتمشو انتوو كدامي لسياره وراكم اني امشي علكيف
ليث: على راحتج يمه
شمس..مشينه اني وليث وامي تمشي ورانه
وصلنه لسياره وليث فتحلي الباب
باوعتله وصعدت وفتح الباب لمي وصعد
شمس.. بقيت اباوعله
ليث: شبيج تباوعين
الباب ما يتأمن عندج فخليني انا اسده وافتحه احسن
شمس: ولا تروح من بالك ذيج الركعه
اوك اني اسفه بس ولله ماجنت متعمده هوا الباب انركع بس
ليث: اي امبين
شمس: ولله شبيك
منا ورايح خليني وشوف شلون اني افتحه واسده عليكف ورح تعرف
ليث: عذريني ولله ما اوثق
شمس ضحكت: خليني وانت تشوف
...صعدت امي وليث حرك السياره
ليث: هاا تردون تتغدون
امي: لا يمه رجعنه البيت تعبناك كلشش
بالبيت ناكل روح ارتاح
ليث: تعبكم راحه
امي: ماقصرت يمه دربك درب خير انشالله
وصلنه البيت وارجع اتغده وارتاح
ليث: براحتكم تمام..
شمس .. وصلنه ليث كدام البيت ونزل ليث
فتحت اني الباب ونزلت واجيت اسد الباب حط ايده على ايدي وسد الباب عليكيف
ليث: كتلج ما اوثق
شمس.. ضحكت ودنكت
وليث بقى ينزل بالغراض وواخذت اني هم شكم شغله
ودخلنه البيت وعمامي بالمطبخ
شمس... بس دخلت وعمامي ياكلوني بنضراتهم
دخل ليث وتغيرت كل ملامحهم وتلكو ليث ب الف هلا ونورت ويضحكون ويا
ليث: وين احطلجياهن
شمس: خليهن اني اصعدهن
ليث: تمام
شمس.. ليث حط الغراض كومه واني اباوعله
سلم على عمامي واجه يطلع ، اني واكفه وره عمامي اباوعله
رفعت ايدي سويتله باي
شافني وابتسم وراح
اخذت الغراض اني وامي وانصعد بيهن
دخلنه الغرفه
واخذت اني اخر علاكه وصعدت ولكيت رهام بوجهي واكفه على الدرج مجتفه
وعيونه رعب رعب والخزره
دخلت بسع وسديت الباب
امي: هذول متغديين وعايفين المواعين
شمس: اي هسه اغسلهن وارتب الغراض انتِ نامي لان كلش تعبتي يلله ارتاحي
شمس.. نزلت وغسلت المواعين ورتبت المطبخ
وليث ما يروح من بالي
بس افكر بي وابتسم
خلصت وصعدت ركض ولكيت امي نايمه
تمدتت بصفه واباوع للسكف ومبتسمه
شمس... ماكدرت انام مع انو كلش تعبانه وهم جوعانه
كلت من تكعد امي ناكل سوه
بقيت بس اتكلب على ما كعدت امي واكلنه اني وياها
خلصنه وهيه اخذت الصينيه ونزلت
بسطت اني بغراضي وفرحانه بيهن
فتحت الجنط وكمت اطلع بيهم ومتونسه كلش
طلعت البناطري واشوفهن وارتب بيهن بالجنط
والي يحتاجله كوي عفته على صفحه حتى اكوي
رتبتت الغراض وجريت علاكه
طشيته وطلعن منه سوالف سخيفه والروب الابيض
شمس: ولا تكعدين يمه
شمس.. لميتهن بسه رتبتهن ودحستهن جوه
حطيت الروب بحضني واباوعله
شمس: هوا اني شعرفت منك وشبيك
حتى احبك والبسلك هيج
هاذ رح يتكتر بالنكتور ومارح ينلبس...
شمس.. ضميته وسديت الجنطه
كويت ملابس وحطيهن
عطرتهن وسديت الجنط وضميتهن بالكنتور
طلعت كتبي وبلشت ادرس وامي تسوي عشه
جان عندي الاحد ٣ امتحانات وروحي مختنكه من هل تراكمات شلون رح انجح ما ادري
كعدت ادرس ادرس وادرس لماً عمامي خلصو عشه
وامي صعدت تمددت
نزلت وغسلت المواعين
اغسلهن واني مبتسمه
فجأه احس احد طخ بيه وحط ايده على خصري
لتفتت وجان عمي ضياء
رفعت اديه ودفعته
شمس: وخررر
شمس..عمي يباوعلي واني شمأزيت كلش
رجع ومد ايده على صدري ورجعت دفعتا واباوع للباب
شمس: الله عليك وخر
وخرررر
شمس.. عطت ودفعته
شمس.. عمي خله وطلع
اني انهبطتت وكعدت على الكرسي
شمس: الله ينتقم منك
شمس.. كمت كوه كملت المواعين وصعدت ادرس
جريته جره وحده ادرس وراسي صدع
امي نامت وكلتلي نزلي بالدوانيه بس اني اخاف
بقيت ادرس على الايت وامي نايمه
صارت ب١٢ واني ادرس
تعبت كلش وبعدني ما مكلمله الماده بقت مواضيه
وباجر لازم ادرس هم امتحانين
يعني اني الاحد عندي متحان انكليزي ورياضيات واسلاميه
ولهسه دارسه بس رياضيات ومامكملته
هففف
باجر اكعد من الفجر اكمل انكليزي واسلاميه
واحااول ادرس تحاضير
على هلوضعيه شلون رح اطلع معدل اني
شمس.. الغرفه ضلمه وجنت انعس كلش بس حلفت ادرس بالضلمه وولا انزل
شمس.. بالوحده ..بالثنتين
سديت الكتاب بعد ماكدر
كمت
طلعت بره اغسل
غسلت وجهي
شمس: ربي لا اضيع تعبي
شمس.. درت والكه بوجهي رهام
اني اخترعت
شمس: رهاام
رهام: انتِ شنو من بشر
شمس: رهام عوفيني بحالي الله يخليج عوفيني
رهام: ما اعوفج لماً اسود عيشتج عليج
شمس: حاسه بيج ولله حاسه بيج وبقهرج
بس انتِ مايصير اذبين التهمه بيه
اني مالي ذنب ولله
تره محمد كلش غالي عندي وانتِ تدرين
ماعندي شي وياه وهوا توفه بمرض وهلشي تدرين بي
الولد شنو ذنبه لهدرجه وحشيه اني
رهام: الوحش ارحم منج
لا تشتشرفين براسي
شمس: رهام روحي صلي وذكري الله احسن الج ترتاحين
الولد تمرض ولله الخذاه هلشي مو بيدنه
شمس.. رهام دفعتني حيل وحطت اديه على ركبتي تخنكني واني صحت
وكامت تخنكني حييل صوتي انكطع
رهام: رح اخليج تتمنين الموت وما تلكي
انتِ ورجلج
مثل ماسويتي بيه وب ابني ورجلي
يلجتله
يا ملك الموت انتِ
اخذتي ابني وهسه رجلي رح يموت من وراج
شمس.. نفسي انكطع واختنكت كلش
عافتني وكمت اكح واشهك حييل
خلت هيه ودخلت الغرفه بس انس كلش اتأذيت وبلاعمي ضلت توجعني
كمت ابجي ..
كمت وغسلت وجهي وارجف
حطيت ايدي على ركبتي الي صارت حمره
ريجي نشف وجكه الماي الي بالغرفه مخلص
خليت ودخلت الغرفه اخاف انزل
تمددت واني ميته قهر
كلعاده نمت واني ابجي ومتأذيه
نمت واني اتأمل اليله اخر ليله الي
حتى بنومي الكوابيس تلحكني
كلبي ابد ما مرتااح
وكلشوي يجي ببالي ليث
اخاف من شي بس شنو مادري
مادري شرح يصير وشنو الي الله ضامه الي بعد
وذول عمامي ما يتأمنون
وولا ولدهم
مارح يلخوني اتهنه .....
شمس.. كعدت الصبح كلعاده
بس كعدت كلش متأذيه
راسي يون علي بشكل
والكوابيس رح تموتني اكره حتى نومتي
كمت والساعه ب٥
الشمس بعدهي ما طالعه
جنت نعسانه كلش بس كلت ما ارجع انام
كمت بسع لزمت كتابي وبلشت اقره وامي نايمه
كمت اقره واقره
وجان عندي حماس مو طبيعي من لزمت الكتاب واقره واني متونسه احس من اركز بالدراسه اشرد من هلكابوس
خلصت الانكليزي وكلت خل انزل اسوي ريوك
نزلت وبلشت اسوي ريوك وعمامي والولد كعدو
شفت مسلم طلع كعد بره ويشرب جكاير
هوا وعباس بعدهم ما يتحاجون
مادري شعدهم..
اجه ببالي ليث وملامح وجه وابتسمت
عباس زمخ: زماله يلله صبي
شمس: انشالله
شمس.. كعدت امي ونكلنه الاكل اني وياهه لعمامي
وكعدنه اني وياها اكلنه بالمطبخ وخلصنه ورهام بغرغته
صعدت ورجعت ادرس
وافتر وادرس بس جنت كلش متحمسه بدون سبب
دخلت امي
امي: ها يمه تقرين
شمس: اي
امي: يلله كملي لا تنزلين للغده واذا تردين شي كليلي
خلصي دراستج
شمس: انشالله
صدك يمه
امي: ها
شمس: عباس ومسلم بعدهم متعاركين
امي: اي ما يتحاجون
شمس: وماعرفتي ليش
امي: لا شلج بيهن اقري يلله
شمس.. طلعت امي وكملت اقره من ساعه ١٠ لساعه ١٢
طلعت توضيت وصليت
وكعدت اقره قرأن ..
كمت فتحت الكنتور وباوعت للجنط مالاتي وابتسمت
شمس: شبسرعه رح اعرس
السبوع الجاي يمكن اني ببيت عيالي
بس مادري ياربي كلبي منقمت دخيلك يالله
حاسني كلبي رح يصير شي موزين
دخيلك يالله يعدي كلشي على خير واخلص من هلعذاب
نجاتي صارت كلش قريبه وتخلص هلقصه المئساويه ويه عمامي وبعد ما اشوفهم
واخلص من ولدهم
وابدي بدايه جديده
سهل علي ياربي انشالله خير
شمس.. خلصت ونزلت يم امي اساعده بالغده البنات يم رهام بالغرفه
كملنه انا وامي الغده وصبينالهم ب ١ ونص
اني دانكل ب الاكل ونزلت رهام والبنات وكعدو على الشفره وعمامي
امي كعدت
امي: شمس كعدي
شمس.. باعت لرهام شلون تخزر
متحبفه بيه
شمس: لا بعدين اكل
شمس.. خليت وصعدت واشوف تلفون امي يدك
لزمته ..
المتصل: ليث
شمس..حسيت بكلبي يدك
شمس.. فتحت الاتصال: هلو
ليث: هلا
شمس: اسفه تأخرت
ليث: لا عادي اصلا داك بوكت غلط انا
شمس: لا عادي
ليث: شلونج
شمس: زينه وانت
ليث: تمام
انا العصر اجيج ويه ليان
شمس: اوك تمام هلا بيكم انتضر
تتعشى يمنه
ليث: انشالله
ليث.. كلت بكلبي ترديني اكعد بنفس السفره ويه عمامج وولدهم !!!
ليث: يلله روحي اتغدي
شمس: تمام
ليث: محتاجه شي
شمس: لا سلامتك
بيباي
ليث: باي
شمس.. سديت الاتصال وكعدت ادرس شوي ونزلت لميت السفره وامي صعدت
ودخلت المطبخ اغسل المواعين
واباوع مسلم كاعد هوا والولد يشربون جكاير
طلع عباس ويفر بسبحته
ف حطيت ذاني يمهم اسمعهن والباب مفتوح
مسلم : يمتى اترجعهن
عباس: انت شجلبت
تريد اموتك كوه يعني
كتلك ما ماخذهن
شمس بصوت ناصي: شنهمه؟
مسلم كام: خاب اكل نعل لعد منو غيرك ال*** ماخذهن
عباس: والحسين تره روحي طافره لهنا ما عاجبك ذاك الباب وولي ولييييي
سمك الاسود ما ماخذه انا
مسلم: لعد منو ماخذه ابوي
مسلم كام ولزم عباس من ملابسه وكامو الولد بنصهم
شمس: عزا عزا هذول هم رجعو
مسلم: اريدهن اريدهن رح اتخبل ولك انت ماتدري بيه هسه على نار ارييييييدهن
عباس ضربه بوكس
عباس: مو عندييييي
وانت من كاعك مخبل
شمس.. طلع عمي جابر والولد كامت هوستهم ودخل بنصهم
دخلو الولد جوه وبقى مسلم وعباس وعمي يصيح
اني اجتي الرجفه
خلصت وركضت صعدت
دخلت وامي متمدده ماله خلك
شمس: شبيج
امي: مابيه يمه
شمس: شو انتِ هليومين مدري شلونج تعبانه شي كولي
امي: لا يمه شلج بيه كلش ماكو يلله ارتاحي لو تكعدين ادرسين
شههل صياح قبل شوي
شمس: ماتعرفيهم هم رجعو اتعاركو
صدك ماكتلج ليث رح يجي بعدين
امي: اي هلا بي
شمس: وليان وياه
امي: اي زين يجيبه حتى تتعود عليج
ماكلج شي على العرس
شمس: لا
امي: هاا بس عمامج ماقابلين
شمس: على منو على شنو
امي: على رجلج
ماعاجبهم
شمس: ليش شبي
امي: سمعتهم يحجون علي
وماقابلين شنو ياخذج لسوك ومن هسه وتشترون
يمه عمامج ماعدهم هلساالفه همه
ومن حاجاهم على مدرستج ما راضين همه
وشنو يريد العرس هلشهر
مو محمد توفه
شمس: لعد يمتى يردو
امي: شدراني يمه وره اربعين محمد
شمس: اربعين
لا شنو
امي: شنو لا
شمس: يمه ارد اخلص منهم اني الله يخليهم لا يلوصوها علي
امي: ليش همه عمامج يكعدون
انشالله خير
شمس: هسه واذا رحت ويه ليث لسوك وانتِ ويانه اصلا
امي: اي يمه بس همه ماعدهم هيج
المره وره ما تنزف يلله عود تطلع ويه رجله
شمس: هوا شنو شهل قوانه
هوا رجلي محكمه وعند الشيخ
ورايحين نشتري نيشاني وانتِ ويانه لعد ياهو يجيبلي
امي: ولد عمج
شمس: هلوووو
يمه شهلغثه حبابه يوووووو
شمس..اخذت الكتاب وطلعت
نزلت بالدوانيه وكعدت اقره بالساعتين
ونوب صعدت بدلت وتعطرت ونزلت حضرت الصينيه لليث والولد كلهم طالعين بس عمي جابر موجود
ورهام بغرفته وعباس موجود بغرفته
امي نزات يم نسوان عمامي بالهول
واني ضليت بالدوانيه ادرس
سمعت صوت الباب وكلبي طاح بالكاع
مادري شسالفه حسيت كلبي رح يوكف وضليت ارجف
كمت وطلعت من باب الدوانيه وعمي استقبل ليث وسلم علي واني اباوع لليان
الملابس والشعر
ابتسمت بوجه وهيه مبتسمه
عمي: اتفضل اتفضل
ليث: السلام عليكم
شمس.. طلعت امي بصفس
شمس: وعليكم السلام
امي: وعاليكم السلام هلا يمه
شمس.. دخل ليث وعمي وكعدت اني بصف ليان
ليان: هلوو شمووسه
شمس: يفدوه لو تدرين اشكد اشتاقيتلج
ليان: اني هم
شمس: شلونج
ليان: زينه
شمس.. عمي وليث يسولفون
دخل عباس وسلم على ليث ومد ايده
ليث كوه سلم عليه وكعد
عباس رجع وشفته صفن على ليان ورفع حاحبه
دار وطلع
عمي ضل كاعد بالربع ساعه وكام
اني بقيت بس اسولف ويه ليان
ليث: ايي وين وصلتن
ليان: كاعده اكلله على شكل لعباتي
ليث: هي هاي سوالفج
ليان: هااا خل اكلج خل اكلج
ليث : كولي كلنه نسمعج
شمس: كولي
شمس.. ليث جر ليان وباسسه حيلل
ليان: انتِ حطي هدومج بكتور ويه هدومي سويتلج بكان اني
شمس ضحكت: الله
فدوه تمام تدللين يكفي يعني
ليان: اي لا جيبين هواي هدوم
شمس: تمام
ليث ضحك
ليان: واني وبابا كلنه
نجيبلج جربايه جديده
شمس: صدك يااا
ليان: اي يم جربه مال مالتي
لان جربايه جبيره ماتكفي
بيه بكان مال بابا ينام بي
وبكان ثاني مال يمه ريم
شمس..راحت الابتسامه من وجهي وباوعت لليث هوا هم رحت الابتسامه منه
ليث: شنو هلحجي بابا
ليان: واكو بكان بالكنتور هم مال يمه ريم لاتحطين بي هدومج
شمس.. بقيت ساكته وليث يباوعلي
ليث: بابا شمس شهله بهلحجي
ليان: انت كلت هيج
شمس.. اني رجعت شوي ليوره
اوك ضجت
انقهرت على ليان
وبنفس الوقت حسيت بشعور كلش زعجني
شمس: الله يرحمه
ليث: امين
شمس: زين انتِ جربايتج وين
ليان: يم هاذه شباك بس شنو اني مره انام بيه ومره يم بابا
شمس: نومه ويه بابا احلى ها
ليان: اييي
يسولفلي قصه
ويضل هيج مسولي هاي شلون
ليث: شابكج
ليان: اي هاي
وهم بس انعسن يبوسني بخدي مرتين وصبح هم
شمس: مرتين
حلووو
ليان: اي بوسه مال بابا
وبوسه مال يمه ريم
ليث: بابا
ليان: هاااا
ليث: سولفيليه على لعاباتج احسن كليلع شنو عندج لعباتت
شمس.. باوعت لليث وعيوني تحجي
ليث: شعدج امتحان الاحد
شمس: اسلاميه رياضيات انكليزي
ليث: شدعوه ٣
شمس: بعد صارن كلهن علي والاثنين عندي احياء
ليث: كملتي
شمس: بقالي نص الاسسلاميه وشوي رياضيات
ليث: اي درسي زين
باجر انا اوديج لان اسراء ما اداوم
شمس: والرجعه
ليث: انا ارجعج
شمس: تمام
ليث: رتبتي غراضج
ليان: غراض
ليث: اي مو كتلج امس ويدنه شمس لسوك
ليان: ورينياهن
شمس: اي رتبتهم
ليث: لا بابا من تجي ترتبهم بالكنتور توريجياهم
ليان: يمتى تجين
شمس: ترديني اجي
ليان: اي
شمس: سألي بابا
ليث: الجمعه
شمس: شنو الجمعه
ليث: اخذج شنو شنو
شمس: الجايه
ليث: اي
شمس: يعني عرسنه
ليث: ييي
شمس: وعمامي
ليث: شبيهم
شمس: ماعتقد يرضون
ليث: وليش
شمس: يردون يخلوها وره اربعين محمد
ليث: احنه مارح نهلهل ونهوس
كله منا رح ترحين لهناك
وانتِ عاطبج تبقين هنا يعني هاا
لو ما محمد متوفي جان امس جبتج
شمس: انشالله خير
ليث: خو ما ناقصج شي
شمس: لا ماناقصني
ليان: رح البس بدله بيضه اني هم
شمس: صدك
نطلع اني وانتِ عرايس
ليان: اييي
شمس.. عدت نص ساعه واحنه نسولف واكثر شي على ليان
ليث ما مقلدني ابد صافن بس على ليان
حتى من احاجي ما يسمعني
احسه مو يمي
روحه كلبه مو يمي ..
ليث: يلله بابا خنروح
شمس: ابقو تعشو
ليث: لا اسراء جايه يمنه تنتضرني نتعشى سوة
شمس: هاا سلملي عليه
ليث: انشالله
مع السلامه
شمس: الله يسلمك
شمس.. طلع ليث من باب الدوانيه وعمي جابر واكف بالكراج هوا وعباس
ليث: دربالج على نفسج واكلي
شمس .. ابتسمت
شمس: تمام
شمس. سلم على عمي واني بوست ليان وحضنتنه وطلعو..
شلت الصينيه ورحت سولفت لمي شحجينه
صليت المغرب
ودخلت الغرفه ادرس امي كالت هيه تسوي العشى
كعدت ادرس وصفنت اذكر حجي ليان
شمس: يمه ريم..
صوت عمي ضياء
ضياء: شششمسسسسسس
شمس.. كمزت وطلعت
شمس: هاا
ضياء: رح اصعد احط الكتاب بحلكج نزلي سوي العشه بت القندره
شمس: انشالله
شمس.. نزلت ودخلت على امي
شمس: مو انتِ دسوين
امي: ما يردون يشوفوج مرتاحه لو دسين كون تشتغلين
كتله عوفه لاصيحه بس ولا عبالك
شمس: بعد شون وراي امتحان لحد هسه ما مكمله يمه
امي: شلون ويه الحض شبيدي يمه كتلهم اني داسوي بس همه ماتعرفيهم
..دخل عمي ضياء
شمس: عمو ولله عندي امتحان باجر خليني ادرس
ضياء: هششششش
هسه اكسر فجج
سوي العشه وحلكج سادته
تريد تدرس الزماله
الزم الكتب هسه اشككهن ولله ولله
شمس: لا لا عليك الله
ضيا: صوتج ما اسمعه لعد
هاي قوانه جديده نوب تريد تدرس
غده عشه تطبخين وانتِ ماكله خره
شمس: انشالله
امي: لاحول ولاقوة الا بلله اني خلصت خليه تروح
ضياء: لا ما تروح
امي: البنيه تعبانه خلي تكمل دراسته خلصت اني العشه عوفه
شمس. عمي ضياء انطاني نضره من فوك ليجوه كلش خوفتني
ضيا: روحي
شمس.. ابتسمت بوجه امي وركضت صعدت
دخلت الغرفه وسديت الباب ولزمت الكتاب ..
دخل عمي ضياء وبيده المفتاح لان هوا شايله من الباب
سد الباب وقفله
اني باوعتله وانخنست رجلي بادت عليه
شمس.. رجعت ليوره وهوا يباوعلي بعيونه كلهن نضرات وحش
طاح الكتاب من ايدي
وعمي بسع صار كدامي ودفعني على الحايط
اني اريد اصيح اريد صوتي يطلع ماكدرر كأنما احد حط ايده على ركبتي
رجلي بادت وصوتي انكطع كلش
حتى اديه احسهن اتكطعن ماكدر ارفعهن
عمي دفعني حيل وجر ششعري وحط ايده على خصري
باسني وااني روحي هبطت والدنيا صارت سوده بعيوني
اشتهيت الموت
دفعني عمي بين الحايط والكنتور وباسني
واني بس اريد ارفع اديه ماكدر مثل الي كلشي مات بيه
الكاع جوايه ما احس بيه
طحت بحضن عمي والدنيا كلش ضلمت بعيوني بس اسمع الاصوات
وعمي جرني بحضنه واحس ب اديه تمشي على جسمي
ضربني خدي
ضياء: شمسسس
شمسس
شمس.. زمخ عليه حيل
شمس.. نزيت والكه روحي ب اديه والباب يندك وامي تصيح
امي: عوف البت عوفه
شمس.. اني رجع صوتي واصرخت
وعمي ضربني رتجدي وجرني حيل وكفني
امي: عوف البت عوفهااا بروح اخوك فكهااا
شمس.. رجع ضربني راجدي واني صرخت ودفعته بس اريده يوخر
هوا فتح الباب وامي واكفه
عمي: مره ثانيه من اكلج تنزلين وتشتغلين تشتغلين وهاي صارتلج عبره المره الثانيه اكسر ضهرج
امي: دكافي مو موتولي البت كتل كافي هسه هيه ششوت
شمس.. عمي يحجي ويباوع وكأنما ما سوه شي
اني كعدت على الجربايه وشهكت
شبكتني امي ومتت بجي على صدره
امي: ماعاش الي يمد ايده عليج يمه يا روحي اسمالله عليج اسم الله
شمس.. اخ يا يمه ياريت بس على مدة الايد والضرب اتهوون...
.............................
ليث.. طلعنه من بيت شمس وصعدنه السياره
ليث: ها تونستي ويه شمس
ليان: ايي كلش
ليث: اي هيه حلوة
ليان: اي
ليث: بس بابا مايصير اتكليله هلحجي
هسه شتكول
اضوجيه خطيه
لاتعيديه بعد
ليان: يعني هيه ضاجت
ليث: اي
لا تحجين هيج مره ثانيه
هاذ حجينه وشقانه بيناتنه انا وانتِ
ليان: خوش
ليث: انا احبج
ليان: اني همممممممم واشد واشد
ليث ضحك: وااجدد واجد
ليان: شنو اجت عمه اسراء
ليث: اييي هسه هيه تنتضرنه
ليان: هيييي
اشوف مروة
ليث: اي اي مروة
ليان: خلي مروة تلبس بعرس بدله بيضه هم
ليث: اي كليله
حتى اطلعن سيت اكلاصات
ليان: شنو
ليث ضحك: اي ختلبس ختلبس
طلعو اميرات
ليان: اي ايي
ليث.. وصلنه البيت
ونزلت افتح لباب لليان واتذكر شمس من افتحله الباب وابتسمت
فتحت الباب لليان وشلته
ليث: اوباااااا ووصلت سندرلا
ليان: اميره اميره
ليث..لزمت ايده ودخلنه وكله مجمعه بالصاله مروة واسراء ابوي وعلاء وامي وحسن
علاء: لك هلاااا هلاااا
علاء كام
مروة: هلا بالروح والريه
ليث: هاي كله علمودي
علاء شال ليان وباسه
علاء: لا ياهو يمك انت
الكل ضحك
ليث: ماصيرلكم جاره
مروة : يلله لا ضوج اني اسلم عليك
ليث: خب ولي
مروة ضحكت
امي: ها يمه شلونه شمس
اسراء: ماشوفي دخل مبتسم
مروة: الغراام الغرام
علاء: ولا تكعد
حسن: الغراااام
مروة: هاي مواضيع ماتخصك دكتور
علاء: اي طبعا انا مستواي اعلى من هيج شغلات
حسن: اهووووو
ليث: علاء كافي لخاطر الله كافي
الكل ضحك
ليث: الحمدلله شمس زينه
ليث.. كعدت واسراء كعدت ابصفي
اسراء غمزت: اي شحجيتو شسولفتو
علاء: هاي شعدج ست اسراء شو تغمزين
اسراء: انت شكو
ليث: ما احس ب امان انا ما احس
حسن:ولا انا
اسراء: شسالفه قابل شحجيت
علاء:يلله يمه جوععانين عشى
امي: يمه دنطي مجال بعد وكت
اسراء: وانت وين جنتت
ليث: علاء
شو هليام هواي تخور
علاء: صلو على محمد
مروة: عنده حبيبه
حسن : اي سربيلنه الاحداث
علاء: خب ادبسزز ولا تكعد اجيبين وصفطين بكيفج
يعني شون واحد ما يطلع
ليث: لا لاتستحي كول
علاء:دخيلك ربي اضل مكابلكم يعني
مروة: معليك بيهم دكتور مضغوطين اطلع اطلع واتونس قابل مثلهم مغندبين
حسن: نعمم
شو هسه اكوملج ولله
اكثر واحد متحمل طيحان حصج انا
ليث: لا لهنا ونوكف
وانا هنا شنو
تفاهتج كله متحمله شو انجبي
بس انتن النسوان ما تستقرن، الدكتور هااا
ذابه ميانه
علاء جر مروة بحضنه
علاء: بت اختي وبكيفي وامونن شبيكم مضغطوين
مروة: همج
ليث: شو اسراء اخذي بتج وولي
اسراء: يا ياا
مروة: حبيبي البيت بيتي هاذ صح جدووووو
ابوي: صح الماعجبه هوا يطلع
مروة كامت وتعلج
مروة: انييي ما انطرد ياغالي
ليث.. كمت وجريت مروة حيل وادغدغه
ليث: اسحلج سحل بالشارع منو حضرتج انشالله
ليث.. مروة انهارت بس تضحك باديه
وخرت عنه انا
حسن: باع الضحكه باع
علاء: اتخبل
مروة: الله
مو ليش اني احبك
علاء: تعاي يمي محد يفيدج
ليث.. مروة طفرت واندحست بصف علاء وانا كعدت يمه صارت مروة بنصنه انا وعلاء
ليث: هاا اهااا
تره لاتنسين هواي اتغزل بيج انا بس انتِ مايغزر بيج
مروة: لا لا على هاي انت صح
ليث.. مروة باستني بخدي
ليث: الله الله
حسن: وانا
مروة: لا لهنا ويستوب انت بس تتنمر
الكل ضحك
حسن: رجعي فلوس الحلويات لعد جلبه
مروة: لا ولله ولا ارجع دينار
حسن كمزت
حسن: حقي اريده
مروة طفرت وركضت وحسن وراها والكل يضحك
ليث.. شلت ليان لحضني وبسته
اسراء: اي ليث شنو شلخبار يمتى العرس
ليث: الجمعه
وعرسيش هيه بس زفه
امي: يمه هسه انت مستخسر اتسوي حفله صغيره ماتكلي شنو جايب البت فصليه
علاء: اف
ليث: شنو فصليه قابل جايبه ب اسود وادك عليه
هيه بس زفه
ماريد عرس ولله خبصوتني
عرسنه وهوسنه مرة ليش التبذير بعد
علاء: انت فايخ عرست وهسه مره ثانيه والبت شنو هاذ هم عرسه الثاني
ليث: انت انلصم
علاء: ولا اكو احترام بهل بيت
اسراء ضحكت
علاء: لا ولله
اسراء: اعصابك خويه
زين اكيد تسوي البوم
ليث: لا زين رح اوديه صالون
علاء: ليث هواي صاير اقتصادي
ليث: اي
اسراء: لا يمعود لهنا اوفر
على الاقل صور بس يبقن ذكره
خطيه المريه حتى ذكره ما يبقاله شي
ليث: تمام تمام انصور هاذهو ما اردج
اسراء: خوش يلله بس التصوير والوزفه
علاء: ماقصر انا
ليث: لا ابد ابد مو من اليل رح تصعد السياره وتكضيه هورنات للفطر
علاء: ابد
اسراء: زين اللغرفه يمتى اجيبه
ليث: شبيه الغرفه
امي: يااااء
علاء: ماتبدله
ليث: لاء
كلشي مابيه
انغير المخدات والمندر وتتنضف والسلام
اسراء: شبيك يمعوود
نفس الغرفه تبقيه مال عرسك الاول
ليث: اي
اسراء: وليش انشالله
ليث: لان مابيه شي موداعي اجيب جديده بعد
علاء: اذا هيج تكول تمام براحتك
اسراء: بيعه وجيب
ليث: مو عرضناها للبيع محد اشتراها
فخلينه عليه والسلام
اسراء: وهيه قابله
ليث: هيه شنو
ماكتله اصلا
تره موضوع تافه
هيه غرفه مو دشداشه
امي: والصبغ
ليث: لا انغير الصبغ
نصبغه ويه علاء وحسن وننضفه ونعدله وتطلع جديده
اسراء: براحتك شسوي لو احجي منا لباجر مايفيد مايفيدد
راسك يابس
علاء: اقتصادي
علاء ضحك
ليث: لاحول لله رح اكربك بصبغ
علاء: انا الدكتور اصبغغغغ
ليث: صبغو وجهك لو بس اعرف منو منطيك الشهده خبصتنه بيه من ماليزيه
علاء: مضغوط
اسراء: هاي شون سالفه عااد
اسراء: وجربايه ليان تبق
ليث: اي تبقى
علاء: لا يلله عود اصبغلك نص ضلع
ليث: نص ضلع
خب امشي
علاء شال ليان وكام دخل غرفه حسن
علاء: وينه حبيبتي مروووووة ...
..
ليث.... صبت امي عشه وكعدنه وانسولف وناكب والشقه والضحك....
..............................
ليث..طلعت الصبح اروح لشمس اوديه ومنه اطلع لشغل
بست ليان نايمه وبدلت وطلعت
وصلت كدام البيت ونزلت ودكيت الباب
طلعت بوجهي ام شمس
ام شمس: هلا صباح الخير
ليث: صباح النور
كملت شمس
ليث..طلعت شمس شايله جنطته
ام شمس: اي يلله يمه طلعي
يرعاكم الله مع السلامه
ليث.. طلعت شمس كدامي وفتحتله لباب وصعدت
وصعدت انا وحركت السياره
ليث: صباح الخير
شمس: صباح النور
ليث: جانت تعبانه كلش عكس امس
عيونه ذبلانه ومورمه وخشمه احمر ونبره صوته امبينه جانت تبجي
ليث: شبيج
شمس: مابيه
ليث: كملتي دراسه
شمس: لا
رح ارسب
ليث: ليش
شمس: مالحكت ادرس
وباليل لما فتحت الكتاب كلشي ما يدخل مخي
وضليت للفجر اقره بس كلشي ما افهم
كملت الاسلاميه بس رياضيات بعدني ما مكملته
رح ارسب والنبي ادمرت
ليث.. شمس تحجي وتبجي
ليث: هاي شبيج شمس شسالفه
صلي على محمد
شمس: تعبت ولله تعبت
ليث: شنو تعبتي
توج رجعتي دوام
صح ضغط وامتحانات بس مو من اوله تبجين
ذكري الله
وانتِ درستي الي تكدرين عليه
واصلا هاي شطاره منج بيومين ادرسين هلكد وماده متراكمه عليج
افتخري بروحج وجاوبي ب الامتحان والي ماتعرفي يولي
وراج وزاري اذا من هسه تيأسين شون رح تكملين
الي درستي درستي والي ب ايدج قدمتي هاذهو
تموتين روحج يعني شلون
خلي البنات هسه من توصلين يساعدنج اشوي مدام بعد وكت
وهسه هذن الامتحانات مو مهمه
درسي على كد الي تكدري
عود بالوزاري يصير خير
لو من هسه تردين تتمرضين ويتراكم عليج بالزايد
وهسه انا اخبر اسراء اكلله تحجي ويه مدرستج تأجالج الرياضيات
شمس: ياريت
حتى لو باجر
ليث: باجر مو عندج احياء
شمس: اي هوا ما بقالي هواي اخلصه وادرس احياء
اني احب الاحياء ما يتعبني
ليث: اوك
يلله مسحي دموعج
شمس..اخذت كلينسه مسحت عيوني وكلش ارتاحيت
ليث: اذا كلش وره العرس اسجلج دورات
شمس: صدكك
شمس.. اني ضحكت
ليث: اي
شمس: ما تقصر ولله فرحتني كلش وشلت هم من كلبي
ليث: هوا بس هاذه الهم لو اكو شي بعد
شمس..اتنهدت ودرت وجهي على الجامه
شمس: لا ماكو
ليث.. وصلته كدام المدرسه
وهيه نزلت
ليث: شمس..
شمس: ها
ليث: كافي بجي تمام
اتوكلي على الله
وانشالله مايضيع تعبج
هاج هاذ مصرف ادري بيج ما متريكه
شمس: شدراك
ليث ضحك: ادري
شمس: ٥ هاي هواي
ليث: اخذيه مو مادلج ايدي
شمس..اخذته واني الابتسامه شاكه وجهي
شمس: شكراً
ليث: العفو، يلله بعدين اجيج
شمس: بيباي
ليث: باي
شمس.. مشيت وليث بعده واكف
من دخلت المدرسه باوعتله راح
دخلت واني اضحك
اتكلني صديقاتي منتضراتني
وكتلهم بعدني ما مكمله
وكعدنه سو لان همه هم عدهم امتحان رياضيات يعني وياهم امتحن اني
وكعدو يشرحولي ويحفضوني وبسع بسع..
بده الدوام
وامتحنت انكليزي درس اول
واسلاميه درس الثاني
بدة درس الثالث واجتي المدرسه واني صرت بس اتراجف
خفت ما اجاوب
ما مضبطه الماده ولا مكملته اصلا
ومن الخوف وومن وره هبطة امس نسيت كلشيي
وزعت الاسئله واني حتى روحي كامت تلعب
اجت يمي وحطت الاسئله
شمس: ست ماكدر امتحن
-ليش
شمس: ست اني ذيج الفتره جنت ما موجوده بسبب ضرف صار
ومالحكت اضبط الماده
وتعبانه ماكدر امتحان
ست اسراء كالت رح تكلج تأجليلي الامتحان
-واني شلي شغل
عظج ضروف ما عدج شلي شغل
اي حاجتني ست اسراء بس ما تأجلين
وهسه حالج حال الطالبات تمتحنين والا احطلج صفر
ولله كال ضروف
انتِ طالبه سادس واحيائي
من هسه تسختين
شون تنجحين واطلعين معدل
شمس.. كامت ازمخ وصيح عليه والبنات يباوعلي واني اجمعت ادموعي
-انتِ طالبه وضيفتج بس ادرسين لا ضروف ولا مدري شنو
وغصبا ماعليج تمتحنين
لو بيج خير جان ما تركتي الدوام لو هملتي دراستج
بس الكسلان امبين
تاليتج راسبه
اذا شهر واحد مادبرتي ادرسي بالبكلوريه شلون رح ادرسين
واذاحضرةجنابج هيج ضروفج ومالج خلك تدرسين ليش اجيتي احيائي
شمس.. اني اعز دموعي كللشش واموت وولا تنزل دمعتي كدام اليسوة والمايسوة كافي ليث انهاريت كدامه ..
بس المدرسه هانتني كلش وكسرتني ومسحت بكل احلامي الكاع
حتى كلبي ضل يأذيني
شمس: ست ولله اني كارسه باقيلي بس ٣ مواضيع
بس اني البوم عندي امتحانين هم فوك الرياضيات
ولله حاولت اضبط الماده بس..
-بسسسسسس
شنوبسس
سدي حلكجي وكعدي وطلعي قلمج وحلي حجايه زايده احطلج صفر وأي تأجل ما اريد
شمس.. كعدت وطاحت دموعي على الورقه
لزمت الورقه وكمت احلى ومادري شحل كلشي غلط وكلشي مخربط وكلشي ما مفتهمه
اختنكت كلش وكلبي يدك بسرعه وصدري يأذيني...
شمس.. خلصت المتحان وطلعت بسع لساحه رحت للحمامات وانفجرت بجي واغسل بوجهي وابجي
كلش تعبت وتأذيت
حطيت ايدي على كلبي الي ورم وضليت اناشغ
بقيت اتنهد واهدي بروحي لا يشوفوني البنات
خلصو المتحان وطلعو واجوي بسع واني لزمت روحي حتى لا يشوفوني اناشغ
وهنخ كعدن يدعن على المدرسه ويحجن ويواسني
بس اني الدنيا ضاكت بعيوني ..
بده الدرس الرابع ودخلنه الصف
وره عشر دقيق دخلت مدرسه ثانيه
-شمس...
شمس.. اني كمت
-تعاي عمامج جاين عليج
شمس..اخترعت ورجع كلبي انقمت
-جيبي جنطتج وتعاي
شمس: تمام
شمس..شلت جنطتي والبنات يباوعلي
طلعت واتراجف
لكيت عمي ضياء وجابر واكفين بس بويه
نضراتهم تكتل وعاكدين حواجبهم عليه متت خووف اني
طلعت وياهم وما حجو شي وصعدنه السياره وهمه ساكتين
وانس من الخوف رجلي ما تشيلني وحته خفت احجي
وصلته للييت وهمه ساكتين
دخلت وهمه وراي
وكلش ما مفتهمه
بس دخلت الصاله لكيت رهام كاعده والولد
شمس: شكو
شمس..اجتني رفسه بضهري حسيت بضهري انكسر
طحت ب الاريض وعطت
شمس.. عمي رفسني بضهري بس شضار بيه فوك الخوف
رهام شمرت بوجهي جيس
باوعتله هاذ نفسه بي حبوبه اخذته بغرفتي من نضفت غرفه الولد
رهام: تتعاطين مخدراااات
شمس.. باوعت لمي تبجي ووجه احمر
امي: بروح الحسين عوفوه هيه ماله بهيج دروب ومعليه بهيج سوالف ولكم عوفه لا تسوله شي بنيتي واعرفه اني اعرفه عدل
شمس.. امي تحجي ووكفن كدامه البنات جرنه وعمي جابر جرني من حجابي وشعري حيلل
جابر زمخ: اتكبسلييييييييين!! ...
.......
يتبع...
............................................................
أنت تقرأ
{ناجيه و ضحيه}
Romanceتحت مسمى الشرف دفنت العديد من الضحايه البريئه والنزيه من هاذه العقول الجاهله والخاضعه للانانيه تحت مسمى الشرف اصبح الموت هوه الوسيله لدفن العار والعديد من الضحايه لعقول انانيه جاهله...
