{ناجيه و ضحيه}

ألبارت الخامس

الحُب الحقيقي ليسَ أن تُحِب من أمامكَ كثيراً
بَل أن تؤمن بهِ كثيراً....
...........................................
ريم...
بعدكم يوم بلشنه تحضيرات لخطوبه ياسمين وياسر
حجز الصالون والبدله
وتحضيرات للكوشه
وحددنه موعد الخطوبه وقبل يوم
باليل كعدنه اني ورتاج وياسمين رتبنه الكوشه وصممناها وباقي السوالف
وكمت اني اخذت لقطات وتصوير
ويوم ثاني رحنه الصالون احنه الثلاثه وخالتي ويانه
ومن خلصنه اني جايبه الكامره
كعدت اصور واسوي لقطات لياسمين
اني ورتاج لبسنه نفس الفستان
ماروني طويل
وعمامي اجو الضهر ووالولد والبنات هم
وياسر  جان كلش طاير وماشايلته الفرحه
وياسمين طالعه تخبل
ياسر ماشال عيونه من عده وكلشوي يشاورها يتغزل بيه
عقدوا ياسر وياسمين وطشت الهلاهل بالبيت
وولد عمي امير وسالم وحسين وعمر كلبو البيت ركص
واني ورتاج ذبينه لحم بنص النسوان وميتات ضحك
والبنات روان ومريم ونبأ هم ركصن ويانه شوي
بس يوسف ما هوا ما جاي
ريم.. كومنه ياسمين وركصنه وياها شوي وصورنه 
ونوب اني طبيت المطبخ ولزمت تلفوني لكيت يحيى مراسلني
دك عليه
اني طلعت بالكراج على صفحه وجاوبته
واني اروح واجي وحاطه التلفون على ذاني واحاجي
يحيى: ها ريمي شنو الاخبار
ريم: تخبل
يعني يحيى شبعنه ركص
وبالصالون هم وصورت صور تخبل
وياسمين طالعه جنه ملاك
ياسر طايره بيه لو تشوفه شكد فرحان ويركص هوا والولد
يحيى ضحك: الله يوفقهم
ريم: اميييين
بويه شكد فرحانتلهم  ماتتخيل
يحيى: انا هم ولله على فرحتج
ريم ضحكت: يي يمتى تجي من الجيش
يحيى: عكبا
ريم: تمام بالسلامه
يلله بعدين اخابرك اسولفلك الباقي
يحيى: تمام 
ريم .. اني سديت التلفون ودرت
ولكيت بوجهي يوسف
يوسف: يمتى يجي يحيى
ريم.. اني ضليت مصدومه
يوسف اتقرب عليه
يوسف: شهل جمال طالعه تموتين
اي ماكتيلي يمتى يجي يحيى
ريم: انت يمتى اجيت
يوسف : توه ها اها طبيت
وسمعت هل محادثه الجميله
ريم: ليش اجيت
يوسف: شلون ما اجي غير اعداد ابن عمي
ريم: وانت شنو كاعد تتصنت  عليه ماتستحي
يوسف: شبيج صوفرتي
موضوعنه يحيى
ريم: وخر
ريم.. يوسف جرني من ايدي حيل وركعني بالحايط
يوسف: منو هاذ يحيى
ريم: تروالك مو يحيى صديقتي
وخر انت مالك حق تدخل 
ولا الك دخل
ريم.. يوسف لزمني من حنجي  وجر التلفون
يوسف: احجي
ريم: جيب التلفوون
يوسف: هششش
يوسف: شنو الرمز
ريم: جيب التلفون
يوسف: احجي
ريم.. اني دست على رجل يوسف حيل بالكعب وجريت التلفون من ايده
وركضت وطبيت من المطبخ
دخلت واني كلي اتراجف
طلعت بوجهي رتاج
رتاج: وين وليتي شكو
ريم: اجه يوسف
رتاج: شجابه هاذ
ريم: مادري مادري
بربج المصيبه الي اجت على راسي
شسولف شحجي
رتاج: شكوو؟؟
ريم.. طبت امي
ام ريم: يالله وينجن
ريم: اي اي
ريم.. طلعنه من المطبخ
ويوسف دخل وسلم على ياسر بالدوانيه
وياسر مغندب واجه يكوم يهد عليه وكعده ابوي يحاجي ويهدي بي..
ريم..رتاج شاورتني
رتاج: شبيج ترجفين شكو
ريم: يوسف سمعني واني احاجي يحيى
رتاج: صخاام
وانتِ نعال ماشفتي وكت الا هسه تحاجي
ريم: وين ادري نعميت  على روحي
رتاج: وهسه شنو
ريم: مااا ادري
رتاج: انطيني تلفونج
ريم: شسوين
رتاج: دنطيني
وهاج تلفوني
ريم.. اني ورتاج تلفوناتنه نفس الشي
ريم: هاج
اشرح تسوين
رتاج: خلي فونج يبقى عندي علما يروح يوسف
ريم: اوك
ريم.. اني بقيت ساكته ولوني مخطوف
ورتاج هم
خلصت الحفله ونص المعازيم وصديقاتنه راحوا وبقن نسوان عمامي والبنات والولد
دخل ياسر وهلهلت خالتي
ريم: اي ياسر تعال خلصورك انت وياسمين
ريم.. طبينه اني وياسر وياسمين الغرفه
واني جنت محضره ديكور
وكمت اصورهم ولقطات
وشبعنه ضحك
طلعنه من الغرفه
ياسمين ورتاج دخلن غرفتي
طلعت اني بالكراج وشفت الولد كاعدين
ماعده يوسف بالدوانيه يم عمامي وابوي
امير: لك عاش شنو هلجمال
ريم: لعد شون اني اخبل
كله ضحكت
سالم: اوي
ريم: شبيك تغار
حسين: اي يغار هوه وين  شايفلهه ولاكيله هيج جهره
ريم: اندري
ريم: ادخل  احسن
وانتو كملوا ردح ما قصرتوا بالشارع ركصتوا  لمن كلتوا بس
امير: غير بزود ابن عمنه
ريم ضحكت: ماقصرت يوم النركص بعرسك
امير: الله الله عشتي
سالم: لا عرسي انا الاول
ريم: اي ثنينكم
ريم.. اني دخلت الغرفه ورتاج جاي تبدل
ياسمين: اي تتعالن فتحلي الفستان
ياسمين: شكو من بساع انتبهت انتن مصوفرات
رتاج: يوسف سمع ريم وهيه تحاجي يحيى
ياسمين: يااااا هاي يمتى
ريم: بساع
ياسمين: وانتِ شكو تخابري هسه صدك ثوله وشون سمعج
ريم: مادري مادري  راسي صدع
دخلت خالتي وامي
خالتي: ها ولجن ذبيتن لحم
رتاج: اي غير عرس ياسر العزيز
دخلن البنات روان ومريم ونبأ
روان: ولله ياسمين طالعه تخبلين
كلجن طالعات تخبلن
ريم: شكرا شكراً حببب ولله انتِ هم تموتين
روان: اي جاملي
ياسمين: يا شنو نجامال شبيج قابل
روان: جمالكم هاذ
رتاج: دكافي
كلنه ضحكنه
خالتي: كلجن حلوات يمه
ام ريم: شون التصور
ريم: اذا ما اسوي البوم يخبل
خالتي: اي الصور الصورتيهن الي طلعيني حلوه هااا
ريم: خالتي الشكره انتِ من كاعج حلوه
خالتي: ادري ادريي
خالتي: اي شكو شو نخلستن شغلن اغاني
ريم: لا كافي تعبنه
خالتي: شكو
ريم: ماكو بس دخنه من الهوسه ومن امس بس نحضر
ام ريم: اي عمامج رح يضلون اهنا اليله
ريم: كلهم
ام ريم: اي
خالتي: يالله اني رح ارجع ياهي تجي
رتاج ريم: اني
ياسمين: واني
ام ريم: ريم انتِ ضلي غير وياي
ادري ترحين وتعوفيني وحدي
ريم: بس..
خالتي: اي ضلي ميصير والبنات هنا
ريم: اوك اوك
رتاج: لعد اني هم اضل
ياسمين: واني
خالتي: بكيفجن كطيعه اني رايحه
ريم: بيباي خالتي الشكره
ريم.. خالتي طلعت  وبوست ياسر وباركتله وياسمين كعدت تمسح مكياجه بعد ما هم كصينه شكم صوره ودخل ياسر
ياسر: هااا حبايبنه
رتاج: شو دطلع ماشوف كله بنات
ياسر باوع لياسمين وغمزله
ياسر: باع الجمال باع
فنجن تصيرن مثله
روان: هاي ليش عود جاي تقهر بينه
ياسمين: اعصاببج
ياسر ضحك: يمعوده كلجن وحده احلى من الثانيه
رتاج: غصبا عنك وجه الفقمه
ولي يلله ولي
ريم.. دفعنه ياسر وطردناه واحنه ميتين ضحك ... رجعنه نمسح المكياج
والبنات كاعدات ونسولف ونضحك
ونوب طلعنه اني ورتاج رتبنه وكفكنه البيت
وامي ونسوان عمامي كاعدين يسولفون
طلعت لدوانيه والود كاعدين
كعدت وياهم واجو البنات وكعدنه انسولف ويوسف واكف يم الباب وحاط جكاره بحلكه
يوسف: ماكو نركيله
ريم: لا
يوسف: اخوج مايشرب
ريم: لا
دخل ياسر
ياسر: يالله انتن روحن بالغرفه
ريم.. اني والبنات كمنه
يوسف: اي عن اذنكم معشوكتي تنتضرني
امير: ياهي منهن
يوسف ضحك وطلع: مع السلامه
الولد ضلوا وكعد ياسر وياهم
واني والبنات بالغرفه نسولف ونحش  على الي صار بالحفله
والبنات شغلن اغاني ويركصن ويا ياسمين
اني لزمت تلفوني ولكيت يحيى مراسلني
اجت رتاج جرت التلفون من ايدي
وحطته بالجرار
ريم.. البنات طفن الاغاني
وطلعنه الفراشات وفرشنه ولعمامي والولد
وكعدنه نسولف لساعه ١ ونص
نصه نامت
واني نعست كلش ووتعبانه
حطيت راسي ونمت ...
فزيت ورا شوي ومالكيت ياسمين
طلعت من الغرفه
رحت للمطبخ جبتلي ماي وعبرت على غرفه ياسر لكيت ياسمين وياسر كاعدي  يسولفون ويتمضحكون
رجعت للغرفه وتمددت ونمت
يوم ثاني الصبح كعدنه من وكت
عمامي تريكوا وتحضروا يرحون
ودعت اني البنات وسلمت على عمامي والولد وطلعوا
واني ورتاج كمنه ننضف بالبيت ورتبنه
ونوب رجعنه لبيت خالتي ودانه ياسر
العصر......
اني والبنات كاعدات بالغرفه
دك تلفوني رقم غريب
ما فتحته
رجع دك
فتحته وحطيت سبيكر
يوسف: بعد وكت
ريم: منين جبت رقمي
يوسف: ماهوه رقمج طاش بكل مكان
رتاج طفرت وجرت التلفون من ايدي وسدته بوجه يوسف
رتاج: تفو علي شكد عار
ريم: شوف واحد من الولد منطي رقمي ( ولد عمي)
لين البنات ماعدهن تلفون اصلا
رتاج: ويحيى رديتي عليه
ريم: لا
رتاج: واذا يوسف سواله شي لعبه
ريم: شني ماعنده دليل
رتاج: مادري ماهوه حقير ماتعرفين شيسوي
ريم.. دك تلفوني
من يحيى
جاوبته
يحيى: وينج اليوم كله ادك وين
اختفيتي
ريم: يحيى  اسمع
يحيى: شكو
ريم: امس واني احاجيك لكفني يوسف
يحيى: مو على الاساس يوسف ما اجه
ريم: درت لكيته ورايه
يحيى: وهسه شنو
ريم: مادري ماحجه شي ورجع الصبح ويا الولد لبغداد
يعني البارحه ما بات يمنه
يحيى: هاذهو لعد انسي
شيسوي مثلا
ريم: واذا حاجه اهلي
وهوه واحد حقير
يحيى: مسحي رقمي
ريم: امسح رقمك
و شلون احاجيك
يحيى: هلفتره بس
مسحي رقمي وكلشي يخصني
وفد شي شهر على الاقل
ومن الوضع يصير خوش
انتِ رجعي راسليني
انا مارح اراسل
لمن انتِ تطمنيني
ريم: يحيى  ونضل شهر مانحجي
يحيى: لعد شلون
ما احنه مجبورين كله علمودج
ريم: اوك تمام
يحيى: اي لعد يالله سدي الاتصال وسوي الي كتلج عليه
ريم: تمام
يحيى: يالله
ريم: بس هاي
يحيى: ريم تعبان ومالي خلك
ريم: مو رح تضل شهر ماتسمع صوتي
يحيى: اي شسوي هوه بيدي
يالله
ريم: خلص اعصابك
يحيى: يالله احبج
ريم: اني هم
يحيى سد التلفون
وكعدت بصفي رتاج
ومسحت رقم يحيى ومسحت كلشي يخصه
صور صفحات
وكتبت القرم مالته على ورقه
واني اصلا حافضه رقمه
رتاج: ولله اذا شفتج تراسليه
اشك حلكج
ريم: اي خوش  لا تقصرين
ريم .. انفتح باب الغرفه
دخلت خالتي
خالتي: لج ياسمين اجه محبوبج
دخل ياسر
ياسر: شونهن الحلوات
وباوع لياسمين وغمزله
رتاج: الله الله
ياسمين: ماكتلي رح تجي
ياسر: اي انفاجأكم يلله بدلي حته نطلع
ريم: اوي اوي طلعه بعد
ياسر: غير خطيبتي
رتاج: طلعنه وياكم
خالتي: انجبي لج انتِ شكو
ريم .. اني ضليت اضحك
ريم: خلص خلتروح ونكعد اني وياج انسوي جلسه تصوير
ياسمين: وبدوني
رتاج: انتِ غير رح تولين ويه معشوكج
ياسر: وشبيه انا
ديالله  بدلي
ياسمين ضحكت: اي لحضه
ريم..ياسمين طلعت ملابسه ونسقناله
وبدلت وطلعت هيه وياسر
واني كعدت امكيج رتاج
ونوب بدلت وسويتله جلسه تصوير
دخلت خالتي وشايله صينيه عصير
خالتي: ام الكمل د اوكفي عدل جنج زرافه
ريم: لتقصرين خالتي الشكره
شلعت كلبي ماصارت صوره
خالتي: غمه اي ولله ماطالعه عليه
رتاج: انني اتعرض لتننمر
خالتي: دنجبي
ريم: خالتي الشكره انتِ ياهو يوصلج
خالتي: اي طبعاً
خالتي: وذاك الاغم اخوج
اخذه الغمه مالته وشردوت ماصدكوا
ريم: اي طبعا اصلا اذا تحاجي يطفر عليج يكلج خطيبتي
صارت عنده حجه
خالتي: خليهم ماصدكوا
رتاج: حجه لو عمره
خالتي: انجبي
ريم.. اني ورتاج ضحكنه
رتاج: ممكن نرجع لموضوعنه وتصوريني ريمي
ريم: اي علكيفج خاتون
ريم..خلصنه تصوير
وصار اليل وتعشينه
وياسمين اجت ساعه ب١٠
طبت علينه بالغرفه
رتاج: لك عيني توه ما نور البيت
ريم: من العصر لسه
وين وليتوا
رتاج: وين اخذج الزمال
ياسمين ضحكت
ياسمن : دنطني مجال ابدل وسولف
ريم: ديالله يالله
ريم..ياسمين غسلت وبدلت وكعدت بنصنه تسولف
ياسمين: رحنه مدينه الالعاب
ماخلينه لعبه ماركبناها اني  وياسر
ومتنه ضحك
رتاج: اوووو
ياسمين: وبعدين رحنه افترينه شوي بالمول
وتعشينه بمطعم رومنسي يمووووت يموت
ريم: اوي
رتاج: حميتي حميتي
ياسمين: وشترينه موطه بالطريق
وياسر صور
ريم: اووو شون طلعه هاي تخبل
ياسمين: ايي شبعنه ضحك
ريم: عار اي ولله واني اخته ما يسويلي هيج
رتاج: تفو
ياسمين فتحت جنطته طلعت ورده
ياسمين: دباااعن ياسر شنطاني
ريم: تره اخوي
رتاج: تره ابن خالتي
ياسمين ضحكت: تره رجليي
ريم: ورد وحركات رومنسيه
تفو
رتاج: تفو
ياسمين: وبعد سمعوا احلا خبر
رتاج: حامل
ريم: كولي ليش مستحيه
ياسمين  ماتت ضحك
ياسمين: وصمخ لااا
ياسمين: اني وياسر بالطريق سولفنه
ورح اطب سادس خارجي
وياسر هوا كلي
ورح اصير صيدلانيه لك ياااااب
ريم طفرت: اي كلللللوش احلا خبر ولله
رتاج: مبروك حبيبنه الغاليي
ياسمين: لا وبعد كال يعلمني سياقه
ريم: اووو اوووو اووو
رتاج: قويه
ريم: ياعار واني من اكله يكلي انجبي
رتاج: وانيييي
اني المضلومه هنا
ياسمين ضحكت: يعلمنه كلنه كلنه
ريم: غصبا عنه اختي غصبا عنه
اتفو
رتاج: تفو
ريم: الاخ ياسر ماصدك خطبتوا
ريم.. كلنه ضحكنه
ياسمين: اي عوفينه هسه
شصار على يحيى
ريم .. اني ورتاج سولفنه لياسمين كلشي
ياسمين: اي احسن خل يهده الوضع
يوسف شغلته تخوف
ريم: اي وهسه لازم اصبر شهر
ياسمين: صبري وانجبي
ريم..بقينه نسولف اني والبنات وورينه ياسمين جلسه التصوير الي سويناها
وب١٢ ياسر اتصل على ياسمين وكعدو يوسلفون ويتغاازلون
واني ورتاج وحده تغم بالثانيه وتضحك
ونقلد على ياسمين
يوم ثاني العصر
اجه ياسر
طلعنه اني ورتاج ورا ياسمين
كعدنه بالصاله
وياسر كاعد
وياسمين وياسر واحد صافن بوجه الثاني
واني ورتاج انخوزر
ياسر: ما ناويات تتفضلن
ريم: لا بيت خالتي
طبت خالتي وحطت ايده على جتفي
خالتي: بيت خالته سمعت
ياسر مسح وجه بأيديه
ريم: ليش ماتعلمنه السياقه
رتاج: ها متحجي
لو بس مرتك
ياسر باوع لياسمين
ياسمين ابتسمت وسوت روحه ماتسمع
ياسر: افتح دوره انشالله
ريم: لا حبي اني اختك اني الاوله تعلمني
رتاج: انجبي
اني هنا اصغر منج بسبوع
وكوني اني الاصغر
ف اني الاوله
وبت خالته
ياسمين: لو سمحتوا اني مرته
اني الاوله
ريم باوعتله
رتاج ريم: انتِ انجبي
ريم: حبي اني اخته
ياسر: خلصصص يابه
خيأذن المغرب
وعلمجن انتن الثلاثه
بالدور كلوحده شويه
بس انطني مجال
وحده وحده
بس ريم الله يخليج بلا حادث
نفس اخر مره
ريم: لا صرت خبره معليك
ياسر: اي اوك
ريم..كمنه اني ورتاج دخلنه الغرفه
اذن المغرب صلينه وبدلنه وطلعنه
بس طلعنه اجه ابوي
نزل من السياره
ابو ريم: هاا شكو وين مولين
ياسر: يردن اعلمهن
ابو ريم: دربالك حبيبي ابني الله يوفقك ويصبرك
ياسر: بويه فلوس التصليح
ابو ريك فتح محفضته: اي طبعا اتفضل
ريم: هااا دا تلمحون لشي
ابو ريم: لا بنيتي ولو
ريم: اي حبيبي بابا اني خبره ماتعرفني
ابو ريم: اعرفج اعرفج
ياالله مادام انتو طالعين خل ارجع للبيت
ريم: اوك بيبايي
ريم..ابوي راح
واني والبنات واكفات كدام باب السياره  الي ع الكرسي الكدام
وياسر مجتف وصافن علينه
ريم: انييي
ياسمين: لا ولله
رتاج: لو سمحتي ممكن اصعد
ريم: انجبي
ياسر...
ريم: باعي لج تره اني اااخته
ياسمين: هيو يابه تره اني خطيبته ومرته وحبيبته
واني الاكبر اهنا
رتاج: ممكن لو سمحتو اصعد
مو اني بت خالته والاصغره
وطبعا الاحلى
ريم: انجبي انتِ
ريم.. دخل ياسر بنصنه
واني وكفت ولزمت الباب واباوع بكل ثقه وغرور
ريم: طبعا رح يختارني اني اول اصعد
ياسر: ريم صعدي
ريم: مو كتلجن
ريم..فتحت باب السياره اريد اصعد
ياسر: لا
اقصد ورا صعدي
ريم : هاا
ياسر: يالله يابه
ريم: اتفو عليك يانذل
ريم.. صعدت اني وره
رتاج صافنه
ياسر: وانتِ الاخ
وراها
ريم..رتاج صعدت يمي
رتاج: اتفوو
ياسمين صعدت كدام
ياسر  صعدي: بلا لغوه زايده
ياسمين بكل انوثه وبصوت ناصي
ياسمين: اي حبيبي شسوي
ياسر يجاوبه بهدوء:  حبي شغلي السياره
ريم.. اني ورتاج كلمن رافعه حاجبه وتقلد
رتاج: اوي
ريم.. ياسمين بدت تسوق
وكضوها علينه حبيبي وحبي وحياتي
ياسر: اي تمام علكيف
ريم: اي ثمام علثيف
ياسر: لاتقلددين
رتاج: كملوا حبايب كملوا
فاتحين فلم رومنسي
تفو
ريم.. اني اقلد على ياسر
ورتاج تستغفر
وياسر وياسمين مو يمنه منمدجين وحبيات وغزل
ياسر: اي هاذهوا عاشت ايدج حبي اوكفي يمج
ياسمين وكفت
ريم رفعت حاجبي: لا ولله
ريم: هسه دوري
ياسر: مكانج لا تتحركين
ام الكمل صعدي دورج
رتاج طفرت
صعدت كدام وياسمين اجت يمي
ريم: تره اني اختك
ياسر: بس بالدم
ياسر: يالله امشي
رتاج: هيوو شنو امشي
نفس ما سويت لياسمين سويلي
وكلي حبيبتي
عاملني برقه
ياسر: ام الكمل امشي
رتاج: اوك تمام
رتاج شغلت السياره وحركت
ريم رتاج دارت علي: اكلج صبغي الاسود وين
ياسر: هااا يمعووده صبغييش مو جاي تسوقين
رتاج رجعت: اوك اوك
ياسر: علكيف ولزمي الستيرن عدل
رتاج: لا تصيييح
ياسر:  ام الكمل علكيييف
رتاج: تمام
وره جم دقيقه
ياسر: يلله خلص دورج  ماقصرتي
رتاج: بس
ياسر: ماقصرتي
ريم: دوري
ياسر: اي على بركه الله
ريم.. صعدت اني كدام ورتاج رجعت وره
رتاج طلعت حب تسلس ونطت لياسمين
رتاج: اخذي اخذي حب
ياسمين: ايي ايي
ريم: واني
ياسر: هااا بعدنه ما بلشنه هنا حطي صماخج
ريم: اي اوك اوك
ريم: اي شسوي
ياسر: سوينله حميسه بيض
ريم: اوك
ياسر زمخ:  حطي رجلج ولزمي الستيييرن
ريم: لا تصيييح
ياسر صاح : مااا صحت
ريم: لا تصيح ولعباس
اخابر لبويه
ياسر بكل هدوء: حبيبتي ريم
اتفضلي لزمي الستيرن
وحطي رجلج عدل
ريم: اي تمام
ريم: وبعدين
ياسر: تفلي على الجامه
ريم .. اني تفلت
ياسر : هيوووو
مطيه
رتاج وياسمين وره مندمجاات عبالك فلم وميتات ضحك
ريم: ما انت كتلي
ياسر: انتِ زماله انتِ
ريم: لا
ياسر : دخيلك ياربي صبرك
صبرررك
ريم: لا تصيح لا ولله اخابر ابويه
ياسر: حبيبتي ريم نرجع لموضوعنه ورجعي لزمي الستيرن و...
ريم: تمام
ريم.. اني حركت السياره والوضع هدوء
رتاج: لاباعي الفستان البيج ع اساس اخذه من ريم لعرس  صديقتي
ف رح انسق ويا..
ياسمين: اي
ريم: هااا يابه ماتاخذي
رتاج: اي ف الكعب الاسود مال ريم ما لابسته بعدهي
ف رح البسه وياه
ياسمين: حلو
ريم: ماااااااااء
ياسر: الرصييف الرصيييف رح نندعم
ياسمين: الله اكبر
ريم: اشهد ان ..
ريم..ياسر لزم الستيرن ودار
وكفت السياره
جان طبينه بنص الرصيف
ريم: عوفني
ياسر: اعوفج تموتينه وجه النعال
نزلي
ريم: بس
ياسر: نزلي
ريم.. نزلت ونزل ياسر
والبنات نزلن
كعدنه اني ورتاج وياسمين على الرصيف ونسلس حب ومنضرنه عبالك مجدايات
وياسر يباوعلنه ويستغفر
ريم: لا تباوعلي ماسويت شي باع
ماندعمت...
ياسر: كومن يالله كومن
ليكول  مجدايات
ريم.. كمنه وصعدنه السياره
ورجعنه ياسر لبيت خالتي
وراح
طبينه هلكانين وشابعين ضحك
بدلنه وكعدنه سولفنه ويا خالتي
وخالتي كالت هيه تعلمنه سياقه اني ورتاج  منا ورايح
بعدين ياسمين كعدت تحجي ويا ياسر
لمن خلصت وفرشنه ونمنه...
يوم ثاني الضهر
كمزنه على خبر طلعت المعدلات
وكعدنه ندور اني ورتاج ومخبوصات
ريم.. معدلي ٨٥
ورتاج ٨٢
امي جانت موجوده اجت من الصبح
ومن سمعت المعدل مالتي جان ماعاجبه
واني جنت كلش مقتنعه
يعني يدخلني كليه فنون وقسم تصميم
واعلى من ما توقعت
واني ورتاج فرحانين ونتحاضن
وابوي باركلي
وياسر
وطايرين بينه
وباليل طلعنه اني ورتاج وابوي وياسمين
افترينه بالمول وتسوكنه وتونسنه 
... بلشنه بهل ايام نحضر لعرس ياسر وياسمين
وتحضير غرفه ياسر
واني ورتاج وياسمين ليله نطلع ونتسوك لياسمين وتجهز لعرسه وسوالف
اجه وكت التقديم على الكليات وقدمنه ثنينه اني ورتاج كليه فنون جميله قسم تصميم
وثنينه نتمنه من كل كلب انو نطلع نفس الكليه...
التهينه بتحضيرات عرس ياسر وياسمين
وتجهيزات ياسمين
صبغنه غرفه ياسر
وطلعو ياسر وياسمين اختاروا الاثاث
ورتبنه الملابس..
قبل يومين  من موعد العرس
رحت اني لبيتنه
وياسمين ورتاج ضلوا ببيت خالتي
كعدنه اني وياسر رتبنه باقي الشغلات بالغرفه وتعديلات
واني انضف البيت
شوي وخابرت ياسمين على ياسر
وراح على صفحه يحجي
ومن خلص مكالمه شغل اغنيه رومنسيه بالغرفه
وكعد يرتب وياي ويغني  ومتونس ومندمج
ريم: اي شعليك رح تنجمع بحب الطفوله
ياسر: اي لعد شووووون
ريم لزمت ياسر من جتفه: لك ابو عضلات
نيال ياسمين على هل وسامه
ياسر ضحك: شو انجبي احسن
ريم: فوكاته اتغزل بيك ابو عضلات
ياسر: لا لاتتغزلين احسن
ادري بروحي حلو
ريم..اني ضحكت: دباع الثقه وطخ الفقمه
ياسر: كتلج انجبي حلكج لا تفتحي
ريم: اي عيني عيني
نفتح باب الغرفه ودخلت رتاج وياسمين
رتاج: هااا ولكم شسوووووون
ريم: شجابجن
رتاج: عفتينه ووليتي
حالنه حالج
ريم: وانتِ ياسمين شعدج
ياسمين: غير حالي حالجن
شعندي باقيه وحدي
ساير: لك هلا هلا هلا بالحب
ريم: اي انت شعليك
رتاج: اي معليكم خلنرتب وياكم الي بقى
ريم: اي تفضلوا تفضلوا
ريم.. كعدنه نرتب باقي الغرفه وياسمين ترتب ملابسه ومكياجه
وكلشوي تتطفر هيه وياسر بره الغرفه
ورا شوي طلعوا ياسمين وياسر من الغرفه
وتأخرو
ريم: خلكوم اشوفهم وين ولو
ريم.. طلعت ودخلت الصاله وماهمه
طبيت المطبخ لكيتهم
وياسر  يبوس ياسمين بخده
دخلت
ريم: هيووووووووووووو
ياسر كمز: وصمخ
ريم: انتِ الفاهيه
ياسر: وانتِ شكو تره مرتي مرتي
ريم تره بس يومين لعرسك
شبيك طاير
ياسر: شو دنلصمي
ياسر خله وطلع
ريم.. اني جريت ياسمين
ريم: اذا وليتي بعد وختفيتي من كدامي انعلج
ادبسزز
ياسمين: اوك اوك اعصابج
ريم.. رجعنه للغرفه كملنه ترتيبات وخلصنه
وبليل رجعنه ياسر لبيت خالتي
يوم ثاني سوينه حفله الحنه
عزمنه بس صديقاتنه
ورحنه احنه الثلاثه للصالون
وسويتلهن جلسه تصوير على ايدي
ورجعنه من الصالون واجوا البنات
وللاغاني والركص
وياسر كلشوي يتضل يريد يجي
مع انو هوا هم ببيتنه عزم اصدقائه والدنيا والديجي والاغاني
واني هددت ياسر بس يجي
اكل لبوي مايقصر ويا
خلصنه احنه حفلتنه وذبينه لحم بالركص
وصار اليل والبنات راحن
دخلنه الغرفه وطلعت اني الكامره
وطكيت شكم صوره لياسمين واني ورتاج
وكضيناها نصور وحاطين اغاني
اجت ياسمين تريد تبدل
وصارت اساعه ب٩ ونص
دخلت خالتي
خالتي: اجه محروسكم
دخل ياسر
ياسر: ارد اشوف
ريم: يعني ما كدرت الا تجي
ياسر شاف ياسمين وعيونه ضلت تلمع
ريم: يالله شفته يالله اطلع
ياسر: لا ولله اريد احاجيه
خالتي : طلعن يالله
ريم: خالتي الشكره
خالتي: خل يتهنه شوي بهل جممال
بس شحده يسوي شي زايد
بس تحاجيه وتطلع
ياسر: اي بس اكلله شغله
رتاج: تفو
خالتي: كدامي
ريم.. طلعنه من الغرفه وبقه بس ياسر وياسمين
وبس طلعنه ياسر سد الباب بضهرنه
ريم: خالتي الشكره عود دكيتي الناقصه بينه
خالتي: اي الرجال تخبل هسه شسالفه
اجت امي من المطبخ
ام ريم: هاا شو طلعتن وين ياسر
ريم: سألي اختج الشكره
خالتي: اني مااالي دخل
رتاج اشرت على الغرفه
ام ريم:ياا شنو عود صدك
راحتت وفتحت الباب عليهم
ولكت بوجه ياسر يريد يطلع
ام ريم: امشي ولي شعندك
مو جماعتك هناك والدنيا كالبيه وركص واغاني
عفت ابوك وجيت
ياسر: اي خلصنه قابل نضل  للنص اليل
ام ريم: امشي ولي يالله شعدك جاي هنا بس حفله بنات وهم خلصنه
ياسر: ما سويت شي
ريم .. اني ورتاج دخلنه الغرفه بسع
ونشوف ياسمين كله حمره
ولازمه كلينسه وتحاول تمسح
رتاج: لا تحاول ابني لكفناااك
ياسمين: الحمره هاي ماتنمسح
لطختني
رتاج: ماتنمسك لو قصدج شي ثاني
ياسمين: يالله ارد انزع البدله ضجت
ريم: اي اي خاتون
ياسر راح وامي وره شوي رجعت البيت
واني والبنات بدلنه ومسحنه المكياج
وهم شغلنه اغاني ورجعنه نركص ونضحك وخالتي ويانه
صارت ب١٢ ونص
خابر ياسر لياسمين
ياسمين لزمت التلفون
ريم: حطي اسبيكر
ياسمين: بس
رتاج: لا اشك حلكج
حطي سبيكر نسمع....