{ناجيه و ضحيه}

الجزء الثاني..بارت ٥

{شِتاتُ النساء}

...............
شمس.. دخلت بنيه صغيرونه وهيه تركض وتضحك شمرت روحه بحضن ليث وشاله
ليث: اوباااااا
ها شترالج عمو
ليان: اي
شمس.. عمو  يعني هاي بته
جايب بته وياه
ليث: هاي شمس الي سولفتلج عنه
شمس.. ليان باوعتلي ومدت ايده
ليان: هلوو
شمس.. باوعتله وهيه كلش حلوه ومبتسمه اني ابتسمت ومديتله ايدي
شمس: هلا بيج
شسمج
ليان: اسمي ليان بابا ما كلج
شمس: لا
ليان: بابا كلي اسمج شمس
شمس.. باوعت لليث  صافن بعيون ليان
شمس: اي اسمج كلش حلو
ليان: حتى انتِ
شمس: شكد عمرج
ليان رفعت اديه ب٧ صابيع
ليث ضحك: لا بابا مو علمتج انا شلون بلله شلزكتي ب٧
شمس ضحكت: بدلتج كلش حلوة ليان
ليان: شكراً
شمس.. باوعت لليث ما مقلدني وصافن على ليان ومتمعن بوجه وهيه تحجي وتضحك وهو صافن وسرحان كلش بيه كأنمه بس هيه موجوده
شمس: انتِ يا صف  لو بالروضه
ليان: عاشر
ليث: بابا شسالفتج
ليان: عمو علاء كلي اكول هلحجي
ليث: ماقصر عمو
ليان: سنه جايه بابا كال اروح روضه
شمس: صدك
ليان: اي اي وانتِ
شمس: اني  جبيراااا
صف سادس 
ليث: اي ليش شككو كتبج
شمس.. ليث حجه واني كمزت اخترعت من صوته
ليث.. شو هاي حاجيت حجايه طفرت وبس تتراجف
شمس.. سمعت يحجي بصوت ناصي
ليث: شبيج تتراحفين رح اكلج
شمس: ها
ليث: اكلج ليش شككو كتبج
شمس: علمود ما اداوم
ليث: اي عود وره الخطوبه اسراء ترجع تجيبلج
شمس: وعمامي
شمس..ليث دار وج علي ورفع حاجبه
ليث: لعد انا شحجيت
عمامج شلهم شغل
كلتلج اسراء الخطوبه عكبا
والعرس يجوز الاسبوع الجاي
شمس.. جنت كلش متوتره وما اعرف اسفط كلمتين
شمس:  زين
ليث: زين
شمس: اي زين
اقصد الله كريم
ليث.. كامت تلفت وتسحك وترجف وتفرك ب اديه
ماعجبني الوضع تحسسني داخل عليه ارهابي
بس صبرت روحي وكلت اوك خايفه ومتوتره
ووجه احمر
ليان: شمس عندج العاب
شمس:اي عندي تردين اجيبهن الج
ليث: لا بابا غير مره هسه شوي ونروح
ليث: غرفتج وين انتِ
شمس: فوك
ليث: وولد عمج
شمس: جو  بس فوك عمامي ثنين وهم بت عمي غرفته فوك
ليث: امج وياج
شمس: اي اول امس رجعت من المستشفى
ليث: الحمدلله على سلامته
شمس: الله يسلمك
ليث: يلله بابا روحي شوفي عمه اسراء
ليان كامت
شمس كامت: تعاي اني اوديج
ليث.. باوعتتله وهيه تريد بس تتطفر
لزمت ايد ليان وطلعت ..
شمس.. طلعت اني وليان
شمس: شكد حلوة انتِ تخبلين تعاي فوك اوريج لعاباتي ضامتهن
ليان: انتِ هم حلوه عيونج
شمس: شكراً
شمس.. كلش اتونست عليه واخذته وصعدنه فوك لغرفته كعدته وطلعتله لعاباتي
شمس: باعي هذن صح قديمات بس احبهن
ليان: جابهم ابوج
شمس: ايي
ليان: حتى اني كله بابا يجبلي
وعمو حسن وعلاء هم
شمس..لزمت ليان وكعدت وجريت شعره  مسويته ذيل حصان
شمس: شعرج طويل كلش حلو
ماتشبهين عمه اسراء  ممممم تشبهين منو بلله
العيون على...
ليان: يمه ريم
شمس: منو هاي ريم
ليان: هاي امي
بس راحت بس بابا يكول هيه موجوده يمي دائماً
شمس: ياا الله يرحمه
تذكريه انتِ
ليان: بابا يكول من اني صغيره  كلش كلش
هيه راحت
شمس..كلش انقهرت من حجي ليان
صعبه تخيلته اني بدون امي صعبه
نقهرت عليه طفله وما شافت امها
وستوعبت انو المفروض اصير مثل امها
بس مكان الام ما يتعوض
ومرة الابو دايم بعيون الناس حقيره
شمس: كلش حبيتج اني
ليان: اني هم
صوت اسراء: ليان يلله عمه
ليان: يلله رح نروح
شمس: يلله تعالي ننزل سوه
شمس.. لزمت ليان ونزلنه
وست اسراء ونسوان عمامي واكفات
ليان ركضت على ست اسراء
اسراء: ها تعرفتو على بعض
شمس: اييي
الله يحفضه
اسراء: تسلمين
يلله اني اخذت رقم امج وباجر الصبح يجي ليث ياخذكم تمام تحضري مو تأخرينه لليث
اسراء ضحكت
شمس: انشالله
شمس.. باوعت لمي تضحك بوجه ست اسراء
سلمت عليه وبوست ليان
وامي هم بوست ليان وطلعت ست اسراء
وكفت يم الباب علصفحه اباوع بس وجهي طالع
وطلعو الزلم من الدوانيه وليث واكو ثنيم يشبهو جنهم اخوانه
ويحجون ويه عمامي ويضحكون
اني اباوع لعمامي بنضره حقد وكارهتهم
ليث.. اجت ليان تركض عليه لزمته ودرت
واشف شمس واكف يم الباب صافنه وتخزر  وعاوجه رحوه من الباب
لزمت ليان وسلمنه عليهم وطلعنه وانا استغفر
شمس.. باوعت طلعو الولد وليث لازم ليان وطلع
باوعتله وتمعنت بي وهوا يطلع..
احد يضربني علجتفي
كمزت وصحت : يمااااا
لكيت عباس
عباس: دخلي طايحه الحض شعدج الباب تبصبصين هااا دخليي لا اطيخ حضج بتنعال
شمس بصوت همس : الله ياخذك
عباس: كلتي شي
شمس: انشالله
شمس.. اجيت اصعد طلعت بوجهي رهام
رهام: ها الخايسه
روحي نضفي زباله البدوانيه وابدي سوي عشه
شمس.. باوعتله وهيه رافعه حاجبه
صوت عمي ضياء: ما تتحركين
ماسمعتي شكالت
شمس: انشالله
شمس.. دخلت الدوانيه لميت الكلاصات وغسلتهن ونضفت البيت واجت امي بصفي واني اسوي بالعشه
شمس: ها يمه روحي تمددي اليوم انتِ تعبتي
امي: لا يمه مابيه شي عوفيني يمج
شمس.. جنت خايفه على امي لا تتخربط مره ثانيه وهم اريده تبقى يمي  احس ب امان من هيه بصفي
امي: اي شو ساكته مانطيتي رايج
شلونه الولد شحجيتو ما حجيتو
اي ااخته  حلوة تنحط على الجرح يطيب ارتاحيتله كلش
شمس ضحكت: يمه انتِ ترتاحيلين للكل
امي: لااااا
اي احجي ولج
شمس: شلونه بعد كعدت وبس ارجف حتى هوا حس
وسألني على المدرسه وكلي وره الخطوبه ارجع اداوم
امي: اي صلوات بدايه خير حتى اسراء كالت ترجعين اداومين وعماتج بقن يخزرن
شمس: اي انشالله خير
امي: وبته
شمس: فدوه شحلاتته تخبل
امي: اي الحمدلله انتِ هم جامليه وتقربي منه حتى تحبج
لان مدام هاي بته ومبين يموت عليه ف هيه مفتاح كلبه
شمس: عساس ادور كلبه اني
امي: لعد شون يمه
خو ماتصيرين حقيره
يرجعج مثل ما جابج
شمس: شسالفه يمه حقيره قابل شرح اسويله
وحته لو اهتم بيه لليان مو علمود ابوها
شنو باجر وين انرح
امي: يحضي
باجر من صبح رح يجي علينه حتى نحجزلج الفستان والذهب
شمس: يوو هاي الهوسه وبهسرعه
امي: يي شبيج يمه
شمس: وياهو رح يروح ويانه
امي: محد بس اني وانتِ وهوا واسراء
شمس: هاا
شمس.. بقينه اني وامي انسولف
وكملت العشه وتعشينه وغسلت المواعين ويه امي وجنت كلش احس ب امان وهيه بصفي ماعافتني
خلصنه وصعدنه سوه
امي دخلت ونطيته دوه
امي: ها يما رح ادخلين اسبحين
شمس: اي وانام ميته تعب
امي: اي يلله دربالج
شمس ضحكت: شسالفه راحيه للحرب
امي: اي دربالج
شمس.. طلعت من الغرفه واني اضحك
دخلت الحمام واجيت اسد الباب وندفع حيل وضرب برجلي  وتأذيت كلش روحي شاغت
دخل سالم  ولكيته واكف كدامي واني صرخت وهوا حط ايده على حلكي
دفعني وباسني بركبتي واني حطيت ادي على صدره ادفعه
وهوا حط ايده وره  ضهري وكام يشرمخني بضافيره
اني لعبت روحي كلش  واريد اوخره.. وشك دشداشتي وباسني ..صوت الباب يندك
سالم انخنس واني جمدت
امي: شبيج يمه شنو هصرخه
شمس.. سالم حاط ايده على حلكي خزرني خزره وعيونه مشتعله
حط صبعه على حلكه
سالم: ششششش
امي: شبيج يمه
شمس .. بس اريد سالم يوخر اختنكت
واشوفه حط سجينه يم عيني واني بهتت روحي
نزل السجين على خاصرتي واحس بيه ناغزتني
وخر ايده من حلكي
سالم: ششش
امي: يماااا شمس
شمس.. سالم ناغز السجين بخاصرتي
شمس: ها يما
امي: شبيج يمه اكو شي
شمس: لا يمه شكو شبيج روحي داسبح
سالم ابتسم
امي: شبيج صرختي لعد
شمس: اجيت ازلك
امي: دربالج يمه
شمس: انشالله
امي راحت
وسالم شوي وحيدجني بالسجينه واحس بصفاحي انجرح
سالم رجع ليوره  وهوا مبتسم
خله وفتح الباب وطلع
اني كعدت بالكاع وحطيت اديي على راسي
وكمت ابجي
شمس: الله ياخذج الله ياخذج هاي المدبرته بس تبجين وتونين  وتلطمين بسسسس
ومن تصيرلج الفرصه تحجبن تنخنسين وينربط السانج
ضلي طبج طوب لماً يموتونج
شمس.. روحي كامت تلعب كلش كمت واحس بالجرح بصفاحي واجيت اطلع من الحمام
وكلت اذا امي اشوفني ما سابحه رح تستلمني اسأله
نزعت هدومي واني ارجف وشوي واطيح والاكي دم والجرح
بقيت ابجي
شغلت الماي واجلف بركبتي حيل صارت حمره كد ما فركته
اسبح وصوت الدوش مغطي على شهكاتي
كملت وطلعت بس وجهي احمر كلش
دخلت ولكيت امي امدده
امي: شبيج شصار وجهج احمر شسالفه
شمس: مابيه بس لان جنت اسبح بماي حار
امي: انتبهي يمه وستري علينه دربالج لازلكين
شمس: انشالله
شمس.. فتحت الكنتور ومنطيه ضهري لمي بس دموعي تنزل
ماريده تشوفني ماررريد
طلعت هدومي
امي: شحتلبسين باجر
شمس: مادري اي شي
امي: حضري ملابسج يمه اكويه وعطريه
شمس: انشالله
شمس.. طلعت تنوره رصاصي   وقميص ماروني وطلعت الشال
كعدت اكويهن ودموعي ما توكف ودايره وجهي عن امي ومن احاجيه ادنك
كمت احاول افكر ب اي شي حتى انسه الي صار
تعبت حتى بالتفكير تعبت
اجه ببالي ليث
حاولت اتذكر ملامح وجه
مالحكت احفض ملامحه اصلا من كد التوتر ما باوعت لوجه
بس امبين حلو
بس شدعوه صوته هيج يزمخ تزمخ عليه
جنه ماطايقني
مدري هوا هيج
لا امبين كارهني
امبين خوش رح تصير هلزواج هفففف يربي افرجه علي
المهم على الاقل اخلص من عمامي وولدهم النكسين
شمس.. من طلع ليث شكله جان حلو وجسمه
مابين عليه بالثلاثين
مهتم بنفسه
يعني ابو ثلاثين المفروض يطلع شايب
شبيج شمس لاحول لله
اصلا ثلاثيني احلى من العشريني
ثكيل
باجر اني رح اكضيه طيحات وفشلات ادري بروحي
بلبيت ومادبرته احجي مو نوب طالعين
بس بهلسرعه العرس بس يريد يعرس
ينقذني مدري ينقذ روحه مدري يدفنه ثنينه
على العموم ماخسرانه شي بس خل اخلص
شمس.. تمددت بصف امي وافكر بليث وبته وبالي رح يصير باجر...
.......................
ليث..
طلعنه من بيتهم ووصلت اهلي وسراء ورحت لبيت ياسر حتى اودي ليان عدهم
وليام تضحك واطفر متونسه وطايره
ليث: ها بابا شنو عجبتج شمس
ليان:  اي عجبتني
ليث: اي شسويتو فوك
ليان:طلعتلي لعباته
ليث: حلوات
ليان:اي
ليث: هااا
ليان: شنو يمتى تجي يمنه
ليث ضحك: شو مستعجله انتِ
تجي تجي واشبعين منه
ليث..وصلنه كدام بيت ياسر
نزلت ليان وانا صفنت على البيت ورجعت نار كلبي انشبت
ورجعتلي كل الذكريات وكل الماضي
طلعاتي وطباتي ويه ريم
ايام الخطوبه ووره ما عرسنه
من هيه حامل ونجي نتمشى لبيت اهله
واخر مره  من ذبيته وكتله طالك
كلبي انعصر كلش والشعور خنكني
دكيت الباب وطلعلي يسار
ياسر: لك هلا هلا اخوي
ليث: هلا بيك
ليان ركضت وشاله يسار وستلمه يبوس بيه
ليث: اي بعد شافت خاله  ماتفكه
ياسر ضحك: غير خاله
طلعت رتاج وياسمين
رتاج: ها ليث هلا  واخير اجيت
شونك
ليث: الحمدلله شخبارك 
ياسمين: لج ليان اشتاقينالج تعالي
ياسمين ورتاج شالن ليان ودخلن
ياسر: اي تعال ادخل خلنكعد
ليث.. دخلت ويه ياسر وكعدنه
ليث: شنو عمتي وين
ياسر: طلعو هي وخالتي
ليث: ها
اي ياسر مدام كاعدين جايك بموضوع
ياسر : اي احجي اخوي
ليث: انا رح اخطب
ياسر: تخطب
ليث: اي اليوم رحت شفت الينيه
الموضوع صار بسرعه ومالحكت بعد اكللكم
ياسر: لا خويه براحتك انشالله الف مبروك
ليث: الله يبارك بيك
ياسر: كالتلنه رتاج وسولفتلنه من تلاكيتو بالمكبره
واهم شي يا ليث البنيه زينه ويه ليان
وانا اعرف  شكد انت تحب ليان وروحه بروحك لذالك مطمن
ويبقى شي يخصك هاذ ومن حقك انت تعرس
ليث: نتوكل على الله ونشالله خير
ياسر: يمتى اعدادك
ليث: عكبا
ياسر: على الخير انشالله
وليان تبقى عدنه
ليث: بكيفه هي تريد تبقى خل تبقى
تريد تجي تجي
انا اليوم اخذته وياي شافت البنيه
ياسر: اي زين اتسوي
انشالله تطلع خوش وحده
ليث: انشالله
ليث: انت شونك اخبارك  ياسمين
ياسر: على الله بعدنه ننتضر الفرج
ليث: تفرج تفرج وربك يعوضك بولد وبنيه ويترسلكم البيت جهال  ويجبر بخاطركم
ياسر: شبيدنه بعد احنه ننتضر وانشالله خير حكمه الله هاي  
ليث: كله رزق من الله ويجي وكته وتفرحون بي
المهم الصحه والعافيه
ياسر: اي لنشالله
بعد احنه ليان بتنه معتبريه
ليث: اي طبعا
ياس: اي سولفتلنه رتاج اخوك الي بالخارج رجع
ليث: ايي ولله
ياسر: اي انشالله هم اجيكم واسلم عليه
ليث: اي طبعا يسأل عليك هم
علساس يجي وياي هسه بس طلعله شغل هوا وحسن
ياسر: اي على راحتهم نعزمه فد يوم
ليث: الله كريم
ليث: يلله انا اترخص
ياسر: اخذ راحتك البيت بيتك
ليث: ليااان انا رايح
ليان اجت تركض
شلته وبسته
ليث: يلله روحي لعبي وتونسي ويه ياسمين
باجر اجي عليج
بيباي
ليان: بيباي
ليث.. طلعت ورجعت للبيت ....
ليث... صار اليل و حطيت راسي على المخده  انام
وافكر بشمس
وجه جسمه
صوته ريحته
شبيه هيه  تتراجف وماتعرف تحجي ولاتعرف تكوم وتكعد
انشالله يطلع براسه خير نشوف باجر  شلونه
المهم ليان حبته والباقي ينحل
البشر ماينعرف الا يتعاشر
اذا طلعت عدله وياهه انا احطه على راسي
بس اذا  رح اتعبني وتطلع عوجه لا مارح نتصافه هيج..
الله كريم..
............................
شمس..كعدت الصبح على صوت امي
امي: يلله يمه كعدي جبتلج ريوك حتى اتبدلين
شمس.. كعدت وامي محضره الريوك والاكل
شمس: هاي ليش تعبتي نفسج يمه
امي: لا يمه
اكلي يلله
شمس.. كعدت وجنت متونسه معنوياتي مررفوعه
بلكت اليوم ليث يجيب ليان هم تونسني
شمس.. كعدت اكل واسولف ويه امي واضحك
كملت ووديت الصينيه غسلته وصعدت بسع حتى لحد يشوفني.. كمت ابدل والبس
دك تلفون امي
لزمته وشفت رقم يتصل..  مكتوب اسراء
دخلت اني ونطيته لمي وجاوبته وخلصت
امي: يلله يمه تره طلعو  بالطريق لبسي حجابج
شمس.. اي اي هسه
شمس.. لبست وحطيت مسكاره وحمره خفيف والورم والحمار مال وجهي جان خاف شوي
نزلنه اني وامي ونسوان عمامي كاعدات
ويباوعن بعين ونص
رهام: تعاي تعاي شكد حاطه مكياج
بويه دتعال شوفي هاي شلون رح تطلع
امي: رهام وانتِ شلج شغل
رهام: ابوي مثل ابوها ف هيه ماتطلع بهلمنضر ابوي مارح يقبل
شمس: هوا اني شحاطه كله مسكاره وحمره ولونه طبيعي
رهام : بوياااااا
طلع عمي ضياء
رهام: بويه شوفه هاي شكد حاطه مكياج رح تطلع هيج
شمس.. عمي باوعلي ومخنزر
اجه كدامي
عمي: مسحي الصخام الي بوجهج
شمس: ماحاطه شي انس
عمي: شو تجادلين انتِ
شمس.. ضربني راجدي كلش اذاني
امي: يمه يمه شمسس
عمي: شو صايره صلفه نعال
شمس.عمي جرني ومسح شفتي بالشال حيل ومسح عيوني  وشرمخ وجهي تشرمخ بالشال  
وهوا يجرني عليه حط ايده على زري كرصني
امي جرتني منا وهيه تصيح واني كمت اشهك
عمي: مره ثانيه افرك وجهج بالكاع افتهمتي
هم لابخه وجه وهم ترادد بت الخره
صوت الجرس..
دخل عباس: يلله ينتضروكم خوانم
شمس..باوعت لعمي والعبره بعيوني
عمي: عيونج بالكاع
امي: شمس
شمس.. نزلت راسي
عمي: امشي طلعي ولي
وانتِ امها ضبي بتج عدل لا اكسر راسه
امي: انشالله
شمس..امي لزمتني وتجر بيه جر بس اني ما اريد اطلع انسدت نفسي
عباس واكف يم الباب وسالم طالع برا
عباس: احسلج هيج
شمس.. باوعتله وامي تجر بيه
شمس.. وكفت وانفجرت بجي
شمس: ماريد اروح ماريد عوفينييي..
........
ليث.. وصلنه كدام بيتهم وطلعو ولد ثنين سلمو عليه ورادوني انزل بس ما نزلت بقيت بالسياره واسراء كاعده
كتلهم ننتضره
واحد من الولد بقى يسولف وياي عرفته سالم والثاني عباس دخل..