#عاشقة_محرومة ج2
الحلقة :: 10 ::
بوي: اطلعي ياايمان
فتحت عيوني ع وسعهم ،، وبنظرات استغراب
ايمان: نعم !!!
بوي: قلتلك اطلعيييييي براااااااا ،، نكررررره شبحتكم هادي لياااااا ،، انا ماموتتتتتش ،، براااااا
ايمان: صح صح ،، خلاااص اهدا
خش نور يجري شبحلي وبعدين شبح لبوي
نور: خيرك يابوي شن في ؟؟
بوي: نووور ياولدي ،، هادي ساخفة عليا
قعدت نهز في راسي بالنفي لنور ،، بس نور طمني وغمض عيونه كأنه يقوللي ( اطمني مصدقك ) ،،
نور: خود دواك يابوي واهدا
جابله حبوب وعطاه بطاسة امية ،، بعد ماهدي بدي بوي يبكي ،، قعدت مصدومة !!
طلعني نور بعدين تغمرني ،، وقعدت ع كتفه نبكي ويمسح ع كتفي ويطمن فيا
نور: ماتخافيش ،، بوي حس روحه ضعيف ومش قادر يتأقلم مع حياته الجديدة
ايمان: ان شا الله خير
نور: هي خلاص غيري جوك وخيتي وتعالي نهدرزو
ايمان: ااااه باهي باه
خشيت الداخل لقيت امي مع مرت عمي فتحية ام هناء ،، تغمرت امي وقعدت نبكي
امي: اسسس تو تحسابك فتحية جاية حرجانة
ايمان: لا حول ولا قوة الا بالله
خديت بعضي وخشيت لدار خواتي ،، نحيت عبايتي وعدلت شعري ومكياجي وطلعت نستقبل في الناس ،، خشيت للمطبخ لقيت هناء توتي في العصير
ايمان: اوووووف تعبت من امبكري وهما يرغو معاي تقول انا الوحيدة يللي تزوجت دكتور 😒
هناء: ههههههه حسد يابنتي حسد
ايمان: ايييح ع شن بس !!!
هناء: واااضح من وجهك نفسيتك مستريحة معاه ،، ع من بتكذبي ؟ ،، والا اطيري في العين 😂
ايمان: مبردك ،، هاتي عليك تو نفرق انا
رن هاتفي قمته لقيته ( عبدو ) ،، درته صامت ورديته ع الطاولة ع اساس بناخد الصفرة
هناء: نحي مكاسيرك ،، بري ردي ع الراجل تو نفرق انا
قمت هاتفي ورديت عليه ( السلام عليكم )
عبدو: وعليكم السلام ،، كان انا مااتصلتش انتي معاش تسألي ؟؟ 😒
ايمان: هههههه استاحشتني ؟؟
عبدو: موووت ،، الحوش مشنااااه من غيرك
ايمان: وين انت في الحوش !!
عبدو: ايه كيف وصلت ،، نقولك حاجة ماتصدقيش !!
ايمان: شن في ؟؟
عبدو: عماااد قابلني توا قاللي ماشي لحوش اهل ايمان بنسهر عند خوها 😳
ايمان: هههههه ايه كلمه خوي امبارح ،، يبو يتعرفو عليه
عبدو: ايه والله خللي يطلع من التوحد متاعه 😂
ايمان: مشنااااك ،، هوا كووويس يبي من يفهمه بس
عبدو: سنييين وماقدرناش نفهموه ،، بالك تقدري انتي يادعوة 😉
ايمان: ههههه نجربو شن المشكلة ،، خلاااص هي برا خواتي ينادو فيا
عبدو: ردي بالك ع روحك ،، تو نرتاح شويا ونجي الليلة عندكم 😘
ايمان: تشرفنا والله 😅 ،، سلامات 😘
سكرت من عبدو ،، وطلعت للخيمة وقعمزت مع الناس
خشيت لدارنا وانحذفت ع المنداااار ،، خلاااص ظهري تكسر ،، لقيت هناء هايمة مع وليد
( ايه طبعا حبيبي ،، نراجيك العمر كله ،، اممم معاش تقول هكي عاااد ،، هههههه والله مرات ،، بجديااات !! ،، كيف حالها هيا ؟؟ ،، باهي ،، خلاص ماتعطلش عليا ،، اوكي حبيبي باي 😘 )
سكرت الهاتف وشبحتلي : الله ياايمي قداااش يهبل وياااخد العقل معاااه 😍😍
ايمان: ريتي ياهناء الدعاية يللي في ام بي سي ؟؟
هناء: اما وحدة !!
ايمان: متاع الشكلاطة ،، يللي لونها مووف ،، تفكريتها ؟؟
هناء: ايه ايه خيرها ؟؟
ايمان: حتي هما يقولو ،، طعم ياخدك الى هناااااك ،، معقولة وليد زيه زي الشكلاطة 😂
هناء: كخخخخ دمك رزين ،، وين عبدووك ماكلمكش بكل ؟؟
ايمان: كان هنا من شويا
هناء: اوووف امتى بنتزوج بس ؟
ايمان: ردي بالك تحسابي الزواج كله زي ايمي وعبدو
هناء: ياااااساااااتر ،، ع شوي كنا بنتطلقو 😂
ايمان: لازم من مطبات سودا نودا في بداية الزواج 😂
هناء: ماهو خديتيه تقليدي مش حب ❤️
ايمان: طيح سعدك ،، امالا نسيتي يوم وريتهولك فوق السطح
هناء: الله يوم لا ينسى ،، لما روحت لقيت وليد قدام شارعنا وحذفلي كيسة معبية شكلاطة 😍
ايمان: ياعليك جو ،، انا في وادي وانتي في وادي ،، غير اسمعي تنوضي انطبقو الكلينكس ؟؟
هناء: بنراجي وليدي يكلمني 😍
ايمان: امشي ملحي ،، بنشوف بنت خالي نهلة
هناء: وووووه تصدقي ماهضمتهاش 😷
ايمان: ايه خللي نهضموها احني بعدين يجي دورك 😤
هناء: ايه قوليلي علاش هكي شايفة روحها هلبا ؟؟
ايمان: هادي جماعة استغنو بعد فقرهم 😩
هناء: ع كيفها بس ماتنفخش راسنا عاد ،، تعرفي امبكري تدوي ع خطيبها يللي جابلها قفطان حقه 2000 دينار،، ولا مش هكي زادها كندرة ب 190 والشنطة يللي وااااااو وووو الللخ ،، مبردهااااا ،، ماراعتش شعور نجاة وفطومة يللي لتوا ماجاهم نصيبهم ☹️
ايمان: يجيهم خير منه هالمفعوووص يللي خاطبها ،، انتي كان تشوفيه مشنااااه
هناء: استغفر الله في خلق الله 😫
ايمان: مش قصة خلق الله استغفر الله ،، تي لا اسلوب لا منطق وزايد روحه سماحة بالسناسل والشورتات المقرفة يللي لابسهم 😷
هناء: طيح سعده وسعدها ،، وهي لما تهدرز عليه تقول بوراااك مافيش كلام
ايمان: ومن بوراك هذا ؟؟؟؟؟؟
هناء: ممثل تركي ،، تعالي نوريهولك
جيت جنبها وفتحتلي ع صورته
ايمان: وووووه كان جي ليبي بس تي اما عبدو هذااا ،، بنشوطه تيرووو 😂
هناء: ايييه ريته حق خللي ناخده
ضربتها ع كتفها بالخفيف : طوووول بعتيني ؟
هناء: وانتي طووول بعتي ولد بلادك لواحد ماتعرفيش قرعة بوه منين 😒
ايمان: نبصررر ياااسر عنكشتي
هناء: هههه نوضي نوضي وليدي يتصل 😉
ايمان: ههههههه باهي نايضة طلعت وسكرت وراي الباب ،، مشيت كلمت نهلة تساعدني يللي كسرتلي راسي ( خطيبي ،، خطيبي ،، خطيبي ) اااااخ ربي يريحني منها عن قريب 😷
