" အတူတူကျောင်းသွားချင်လို့
အစောကြီးထတာတောင် မမှီဘူး
ဘာလို့အဲ့လောက်အစောကြီးလာတာလဲ "
Chanyeol သည် Baekhyun ပြောလိုက်တာကို
နားမလည်သလိုကြည့်နေသေးသည်။
ထို့နောက်မှ baekhyun ၏ချစ်စကားဆိုထားသော
ကိစ္စကိုပြန်သတိရကာ
သဘောပေါက်သွားသည်။
baekhyun သည်အမောဖြေလို့ဝသွားတဲ့အခါ
စက်ဘီးကိုဒေါက်ထောက်ရပ်ပြီး
လွယ်အိတ်ကိုမြေကြီးပေါ်ချ၍
လွယ်အိတ်ထဲကိုနှိုက်သည်။
အထက်တန်းကျောင်းသားတွေမို့
လွယ်အိတ်ထဲမှာ စာအုပ်ကတော့နည်းနည်းစုံသည်။
အိတ်ကိုအသည်းအသန်နှိုက်နေသည့်
Baekhyun ကို Chanyeol
ရပ်ကြည့်နေရာမှဝင်မေးလာသည်
" ဘာလုပ်နေတာလဲ "
" တွေ့ပြီ "
Baekhyun ၏စကားအဆုံးလွယ်အိတ်ထဲမှ
ဆွဲထုတ်လိုက်သောအရာသည်
ဝက်အူချောင်းတစ်ချောင်းဖြစ်လေသည်
Baekhyun ထိုဝက်အူချောင်းကိုchanyeol ထံကမ်းပေးလိုက်သည်
" ရော့ Breakfast "
Chanyeol သည်ချက်ချင်းလှမ်းမယူသေးပဲ
Baekhyun ကိုတစ်လှည့် ဝက်အူချောင်းကိုတစ်လှည့်ကြည့်သည်
" ယူလေ မင်းကိုဒါပေးဖို့ လိုက်လာတာ "
အခုထိ အသက်ရှုမဝသေးသည့် baekhyun မှာ လေကိုခပ်ပြင်းပြင်းရှုသွင်းရှုထုတ်
လုပ်နေရင်းပြောလာခဲ့သည်။
Baekhyun ၏အဖြေကိုကြားရသည့်အခိုက်တွင်
Chanyeol သည်
ခေတ္တငြိမ်သက်သွား၏။ထို့နောက်မှ
ဘာမှမဖြစ်သလိုတစ်ချက်ပြုံးကာ
ဝက်အူချောင်းကိုလှမ်းယူလိုက်သည်
" အတန်းထဲရောက်မှပေးလည်းရတာကို ..
ကျေးဇူးပဲ "
" ကျေးဇူးတင်ရင်ပြန်ချစ် "
အဆက်အစပ်မရှိတဲ့စကားကြောင့်
ဝက်အူချောင်းကိုလှမ်းယူနေသော
chanyeol ၏လက်တွေရပ်တန့်သွား၏
baekhyun သည် ခပ်ရေးရေးပြုံးကာ
ဝက်အူချောင်းကို chanyeol
လက်ထဲလှမ်းထည့်လိုက်၏။ထို့နောက်
ထိုင်ရာမှထပြီးလွယ်အိတ်ကောက်လွယ်၍
chanyeol ၏ပုခုံးကို မမှီမကမ်းလှမ်းဖက်လိုက်သည်
ထို့နောက်တွင် စကားလမ်းကြောင်းပြောင်းလိုက်၏
" သွားကြမယ်
ဒီနေ့ကာယအချိန်ပါတယ်မလား "
Chanyeol သည် baekhyun လက်တွေထဲမှ
နေရခက်သလိုရုန်းထွက်ကာပြန်ပြောလာသည်
" အဲ့လိုတွေလာလာမပြောစမ်းပါနဲ့ baekhyun ရာ "
" မင်းဒဏ်ခံဖို့တော့လိုလိမ့်မယ်
ရှေ့လျောက်အဲ့ထပ်ဆိုးတာတွေပဲလာမှာ "
" ဒုက္ခပဲ"
baekhyun သည်သဘောကျစွာပြုံးရင်း chanyeol ကိုထပ်မံလှမ်းဖက်လိုက်သည်။
ထို့နောက်အတူတူကျောင်းထဲဝင်လာခဲ့၏
" ဒီနေ့ နေ့လည်ဘောလုံးကန်မလား "
" မင်းအဲ့လိုတွေမပြောရင်ကန်မယ် "
" ငါကပြောမှာပဲ မပြောစေချင်ရင်ပြန်ကြိုက် "
" တော်ပါတော့ "
" ဘောလုံးကန်မှာလား "
" ကန်မယ် ကန်မယ် "
" ဒါမှငါ့ချစ်သူလေး "
" ဟာ !!! "
Chanyeol သည် Baekhyun ကို
ခပ်ဝေးဝေးသို့လွင့်သွားတဲ့အထိတွန်းထုတ်ကာ
အရှေ့မှထွက်သွားပါတော့သည်။
baekhyun သည် chanyeol ၏
ကျောပြင်ကိုငေးနေရင်းပြုံးရင်းကျန်နေခဲ့သည်
နီရဲနေတဲ့နားရွက်ဖျားတွေက ကျွန်တော့်ကြိုးစားမှုရဲ့
ရလဒ်သေးသေးဆိုရင်
မျှော်လင့်ချက်နည်းနည်းလေး
ထားလို့ရနိူင်မယ်မလား။
နည်းနည်းတီတီတာတာလေးတွေလုပ်မယ်ကြံတိုင်း
ရှက်တတ်သူက နည်းလမ်းမျိုးစုံနဲ့ရှောင်ရှောင်ပြေးနေတာကို တစ်နေ့ တစ်နေ့
အသည်းတွေယားနေရသည်။
ပြန်ချစ်ပေးပါတော့လို့ သာ
တစ်ကျောင်းလုံးသိအောင်
အော်ပြောလိုက်ချင်တော့သည်။
Part 1
Mulai dari awal
