Unicode
သားအဖနှစ်ယောက်က တစ်ယောက်ကိုတစ်ယောက် ပွေ့ဖက်လို့ ငိုကြွေးနေကြတယ်၊ နှစ်ပေါင်းများစွာကြာခဲ့တဲ့ အိမ်မက်ဆိုးက နောက်ဆုံးမှာ ကွယ်ပျောက်သွားရပြီ၊ တိမ်တွေနဲ့မြူတွေကိုခါထုတ်ပစ်ပြီး စူးရှတောက်ပတဲ့အလင်းရောင်အောက်မှာ သူတို့ချစ်မြတ်နိုးရသူရဲ့နူးညံ့ညင်သာတဲ့အပြုံးကို တွေ့မြင်လိုက်ရတယ်။
ရန်ယွင်က ရောဂါနဲ့ ဆုံးပါးသွားခဲ့တယ်၊ ချောင်ရှောင်ပျောက်ဆုံးသွားခဲ့တဲ့တစ်နှစ်တာအတွင်းမှာ သူမက သူမသားကိုရှာဖွေရန် နည်းလမ်းများကို နေ့ရောညပါ ကြိုးစားတွေးတောခဲ့တယ်၊ ညပေါင်းများစွာ အိပ်ရေးပျက်ခဲ့ပြီးနောက် သူမက သတိလစ်သွားခဲ့တယ်၊ ပင်ပန်းနွမ်းနယ်မှုဒဏ်ကြောင့်လို့ သူမထင်ခဲ့ပေမယ့် ကျန်းမာရေးစစ်ဆေးခြင်းက ပြသလာခဲ့သည်မှာ ၎င်းက အသည်းကင်ဆာဖြစ်ပါသတဲ့။
အဲ့အချိန်တုန်းက ချောင်စုန့်မင်မှာ ရူးသွပ်သွားတော့မတတ်ပဲ၊ ရန်ယွင်က သူ့ကိုပွေ့ဖက်ပြီး ပြောလာခဲ့တယ်၊
" သာ့ချောင်၊ ရှောင်ရီ သေချာပေါက် ပြန်လာမယ်လို့ ကျွန်မထင်တယ် "ချောင်စုန့်မင်က သူမကိုပွေ့ဖက်ထားခဲ့သည်မှာ ရေနစ်နေသူတစ်ဦးက နောက်ဆုံးသောရေမျောကမ်းတင်သစ်စလေးကို ဖမ်းကိုင်ထားသည့်အလား။
ရန်ယွင်က နွေးထွေးစွာ ပြောတယ်၊
" ကျွန်မသားအတွက် ဒီရောဂါကို ကျွန်မတိုက်ခိုက်မယ်၊ ကျွန်မကိုယုံပါ၊ သူ ဘေးဘေးကင်းကင်းနဲ့ ပြန်လာမှာပါ "ချောင်စုန့်မင်ရဲ့နှလုံးသားမှာ ဓားတစ်ချောင်းနဲ့လှီးဖြတ်ခံနေရသလိုပဲ၊ ဒါပေမဲ့ သူ ပြိုလဲမသွားနိုင်ခဲ့ပါဘူး၊ ဒီမိသားစုထက်ဝက်လောက်က ပြိုလဲသွားကြကုန်ပြီ၊ သူ မြဲမြံစွာ ရပ်တည်နေမှဖြစ်မယ်။
လက်ရှိဆေးဘက်ဆိုင်ရာနည်းပညာတွေက အသည်းကင်ဆာကို ပျောက်ကင်းအောင်မကုသနိုင်သော်လည်း ပိုက်ဆံလုံလုံလောက်လောက်ရှိနေသရွေ့တော့ အသက်ကိုဆွဲဆန့်လို့ရနိုင်ပါသေးတယ်၊ ဆေးပညာက အချိန်တိုင်း တိုးတက်နေပြီး ဆေးဝါးအသစ်တွေနဲ့ ကုသနည်းအသစ်တွေကိုလည်း တီထွင်လျက်ရှိတယ်၊ သူတို့ရဲ့အဆင့်အတန်းအရ ရန်ယွင်ကို အကောင်းဆုံးကုသမှုနဲ့ စီစဉ်ပေးပါလိမ့်မယ်။
YOU ARE READING
ငါ့ရဲ့စာမလိုက်နိုင်တဲ့ထိုင်ခုံဖော်က ဘယ်လိုနှစ်သိမ့်မှုမှမလိုအပ်ဘူး [ဘာသာပြန်]
Teen Fiction◆ Title - My Underachieving Seatmate Doesn't Need Any Comforting ◆ Author - Long Qi《龙柒》 ◆ Total Chapters - 122 ◆ Genre - Comedy , Modern , Fluffy , School , Drama ◆ English Translator - Sleepy Little Mushrooms ◆ Myanmar Translator - Pandora_oo All c...