رب جارة نافعة

الفصل الاخير ( اني طبيبة الناس و انت طبيبي )

*الكاتب(اني طبيبة الناس و انت طبيبي؟!)
اما بعد سنتين ...
نشوف ...
ابو رفل يمشي بنص المقبرة وحده و هو شكله مختلف جذريا عن قبل راسه مشتعل كله شيب و التعب مبين على ملامحه و القهر ماخذ من حيله هواااااي يمشي و هو مكسور كلب مو بس ضهر و وصل لقبر زوجته ( رباب ... ) و جان اكو قبر بصفهه جديد يعني صارله سنة ونص تقريبا موجود .. و هو ينزل على اركبه و يكعد يم القبر و يحضن القبر  بكل قوته و يبجي بصوت عالي كلش من داخل كلبه و بحُركة كلش جبيرة :: وييين عفتينة و رحتي يا بابا يا نظر عيني ويييين.. ليش كسرتي ضهر بابا ليييش و اختج لا ليلهه ليل ولا نهارهه نهار و من رحتي صار البيت اظلم كلش من بعدج يا شمعتنا يا دلالنا يا حبيبتي ..
و هو يبجي بقوة و إنهار كلش و ظل يبجي و يكح( يسعل ) و مايلحك يأخذ نفس من العبرة الخانكته:: يا بابا يا حبيبتي عفتي وراج ابن اختج ما لحك يشوفج و يشوف دلالج يا حبيبتي يا بنيتي ااااااخ شسويتي بيةة اااخ يا بنيتي ..
.
الفصل السابع و الاخير ( حيدر الحك .. أحمد راح يعدمو... )
.
الوقت الحاضر ..
بعد مرور ٦ اشهر من الحفلة...
.
رزاق :: سيدي .. اجانة اتصال هاتفي و بي بلاغ عن شخص مشتبه بي انو هو عصام ..
العقيد :: يا عصام منهم ؟
رزاق :: سيدي عصام محمود ..
العقيد :: يعني لكيناه ان شاء الله.
رزاق :: سيدي ب ديالى بعد جهد استخباراتي مكثف ..
العقيد :: لحظة .. هذا مو عصام محمود الي جان منتسب بلشرطة قبل سنتين ؟ 
رزاق :: نعم سيدي .. بس انطرد بعدما صار الي صار .
العقيد :: ابني تسوي اتصالاتك وي جماعتك هناك و تكثفون جهودكم و هذا لازم تقبضون عليه ب اقرب وقت و حالا ..
رزاق :: حاضر سيدي ...
.
بذيج الاثناء أحمد صار بابا و اخيرا و جانت بسمة بغرفة العمليات الساعه ٢ الضهر و أم أحمد و أم حيدر و زوجة عمهه وياهه و رفل طبعا لان هي دكتورة بلمستشفى و الكل قلق على صحتهه لان الدكتورة كالت انو وضعهه كلش خطر و احتمال يموت الطفل ...
هذيج الايام خلصت و جانت هلعائلة عايشة بسلام بدون مشاكل و أحمد جان مسافر للبصرة شهر عنده شغل و مجان يلحك يرجع لبغداد لهذا جان بعيد شوية عن عائلته و هو يومية يخابر بسمة و يكوللهه ( شلونهه أم غسان ههه)  طبعا همة مجانو يعرفون شنو جنس الجنين ابد لان رادوا يصير مفاجأة الهم و دائما جانو يكولون شيجي من الله ف هو نعمة فضيلة بس اهم شي تمام خلقة الله و هاهي .. لهذا من ولدت بسمة انصدمو بوكتهه بكد ما فرحو...
.
اما مصطفى ف جان يشتغل من جوة لجوة .. و جانت عنده عيون و ادينات بكل مكان بدون حتة ما يطلع من بيته لهذا خلينه نرجع ٣ اشهر ليورة و نشوف شسوة ...
.
ادهم ( مصطفى ) :: الووو..
علي :: الو ها ادهم شلونك ..
ادهم :: عوفك من لوني و شلوني بشرني لكيتو الحاجة؟
علي :: اي لكيناهه هم بديالى...
ادهم :: تمام شوكت تطلعون؟
علي :: بليل احنة هناك ان شاء الله..
ادهم :: اوك باوع ! .. كصولهه تكت وحدة و بس و هي تروح لان طولت هواي هنا خوش؟
علي :: حاضر مثل متشوف ...
.
بليل جان علي و ميثم ب ديالى و جانو كاعدين بوحدة من الكهاوي القديمة هناك و كلش عادي جانو ديلعبون دومنه و الحياة حلوة و فجأة شافو واحد عنده عرج برجله عبر الشارع مقابيل الكهوة. طبعا جانت المنطقة شعبية كلش و الكهاوي بسيطة ف طلعوا وراه رأسا ..
اما ذاك الشخص ف جان شبه انسان مشرد فعلا و مخلي بطانية على جتفه و يمشي و شعره طويل و ظلوا علي و ميثم يمشون وراه بدون ما يحس و بقو يمشون و يمشون على كيف و بهلأثناء علي خابر على صديقه حتة يحضرله السيارة و كله :: بعد ٥ دقايق اريدك بنهاية الشارع ال***** ..
و لمن وصلو لهلشخص شافو مدد و نام يم النفايات بدون أي اهتمام و حط البطل مالته يمه .. البطل مال شرب الي جان يجدي اجداوة بمكان الأكل و الشرب و جان يحصل المجعة( الكمع الواحد ) و الربع و النص بلكوة من السكارى ...
ميثم ديراقب الشارع و هو يباوع يمنى يسرى ..
علي اجه يم راس هلشخص و كال :: مو جنك طولت هواي هنا ؟
و هلشخص فز على حيله كعد و ضهره للحايط و يباوع و هو بعينه نظرات الخوف و الهلع و ظل يكول :: شت.. شتريدوون انتوو.. انت..ووو انتووو منوو انتووو هااا! منو .
علي بصوت عالي :: هههه ميثم الحك هذا جنه صدك اتخبل ..
ميثم :: خلص يمعود دنروح لعبت نفسي ترة ..
علي طلع سلاح من خصره و حطه برأس المجنون و الاخير ظل يحمي نفسه بجف ايده و دنك راسه و يكول:: عووف...ني عوفون.. ييي اني ما سويت شييي يُمه لحكييييني يُمةةة ..
و هو يبجي و يعيط ..
علي خله ايده على الزناد :: حبيبة الكلب راحت كتلناهه و راح نلحكك بيهه هههه  ..
المجنون باوع على علي رأسا و بنص عيونه و تغيرت ملامح وجهه فجأة من خوف إلى غضب و كام على حيله رأسا و بسرعة و اول شي سواه خله جف ايده علسبطانة( فوهة السلاح ) و ضرب علي راشدي بكل سرعته و وكعه بلكاع و نزل فوكاه دك بوكسيات و هو يعيط :: اليوم ******كم اليوم انعل شيب الخلفك لك حيواااان...
و هو يضرب بي بكل مكان و فجأة ما حس الا اجته دفرة على راسه من ميثم شمرته عن علي ..
ميثم :: كوم علي بسرعة ولك كوووم العالم راح تجي !
المجنون و هو بمكانه يتوجع من الضربة الي اكلهه و جان يكوم عليه علي وهو يشيل السلاح من الكاع و ظل يغلط و يفشر على المجنون لحد ما وجه السلاح عليه و المجنون يباوع و هو ايده على راسه الي راح ينفجر من الوجع و بدون أي اهتمام بقى بمكانه و بنفس الوقت بدون أي اهتمام علي ضغط علزناد و ضربه طلقة بنص صدره و وكع المجنون بمكانه و هو دمه بطوله بدون أي ردة فعل  ..
و علي بكل دم بارد و هو يباوع و يضحك ..
ميثم:: امشييي اركض العالم جتي اركض اركض اركض .. و انهزموا ثنينهم من المكان من شافو العالم جتي على صوت الطلقة يركضون ب اتجاه المجنون ...
أما خلال هاي الاسبوعين وصل خبر لبيت ابو رفل انو عصام مات و لكوه مكتول ب احد شوارع ديالى و الي وصل الخبر هو شخص من طرف مصطفى طبعا جان موجود بموقع الحادث .
بعد ما خلصن الاسبوعين ...
ب احد مستشفيات ديالى ..
دكتور سامي دخل الصبح للمستشفى و جان بداية دوام و جان تصيحله الممرضة فجأة :: دكتووور دكتووور !
دكتور سامي :: نعم ؟
الممرضة :: دكتور هذا مريض الي جابو بطلقة بصدره قبل اسبوعين بلش يمشي و متعبنا هواي ما ينلزم ابد .
سامي :: محد اجه من اهله ؟
الممرضة :: لا والله ولا نعرف اسمه بس يكولون الناس الي جابو انو اسمه رامي و جان قبل عايش وحده ب بيت و بعدين بقى بلشوارع يكولون صار شحاذ ( امجدي ) مدري شنو و سكير هم..
سامي :: شنو شكد عمره هذا ؟ متعرفون؟
الممرضة:: يطلع عمره تقريبا ٣٩_٤٠ سنة هيج يعني .
سامي :: كلتيلي مخه مو بمكانه؟
الممرضة:: اي دكتور بس منعرف حالته بلضبط شنو .
سامي :: راح اكتبله تحويل علقسم النفسي حالا و بلغيني بلتطورات تمام؟
الممرضة:: تمام دكتور  ..
سامي :: اكلج دكتور علي و الدكتورة المساعدة الي ويا اجوي من بغداد لو بعدهم ؟
الممرضة:: محد اجه اليوم بس اذا قصدك الأطباء الجايين من بغداد علمود مريض السرطان؟ ف بعدهم مجايين لسه ..
سامي :: تمام .. روحي لشغلج...
و هناك جان دكتور علي و الطبيبة المساعدة مالته داخلين للمستشفى بعد ساعتين .. و همة يمشون...
علي :: من مات وليد ليهسة اني ما مصدك بس دائما اكول الحمدلله على كل حال و اذكره كدام المرضى دائما كمثال للشخص الناجح ..
الدكتورة المساعدة :: امممم الله يرحمه جانت فترة كلش صعبة و اخذت ما اخذته من الكل ..
علي :: أم أحمد صحتهه شلون صارت ..
الدكتورة المساعدة:: الحمدلله تخطت المرض و صارت احسن من قبل ابنهه هم انشال هم جبير من على ضهره  ... اااامممم .. اكول؟ دكتور .. اليوم العصر عندك شي؟
علي ::ههه لا ليش راح تواعديني.؟
الدكتورة المساعدة:: هههه لا بس حبيت اعرفك على شخص ..
علي :: ههههه عيونج تحجي ترة .
الدكتورة المساعدة:: ههههه شتكوو...ل ..
و هي دتحجي و سمعت احد يصيح بوحدة من الغرف القريبة :: عوفووووني عوف.. لك عووو.ف..نيييي خره**** اترررررك...ني .
.
ركضت الدكتورة هي و دكتور علي للغرفة و لمن وصلت شافت شخص عبالك مجنون ضعييييف كلش و شعره طويل كلش و بطرك الفانيله و الشورت و شايل كرسي بيده الترجف و موجهه علممرض الي يريد يضربه ابرة و يصيح عوفوني عوفوني ..
هناك الدكتورة يم الباب و انصدمت صدمة عمرهه و هي تباوع و صارت مثل الصنم بسبب الي شافته كدامهه..
الممرضة:: دكتورة الحكي مديقبل يأخذ المهدئ..
دكتور علي دخل يركض اخذ الإبرة من ايد الممرضة:: هذا القسم النفسي صارله شكد من تحول ..
الممرضة :: قبل شوي تحول دكتور ..
علي :: المريض المن جان ؟
الممرضة:: لدكتور سامي ..
علي و هو يهدأه بطريقة حلوة و اخذ منه الكرسي بعد ما شافه صافن و هو عيونه بعيون الدكتورة المساعدة و ما عنده اي ردة فعل ضربه الإبرة:: ممكن تطلبيلي دكتور علي لهنا ..
الممرضة :: حاضر دكتور ..
اندار علي على مساعدته :: رفل ! رففففل ! .
رفل تباوع :: ها ... نعم دكتور ؟
علي :: تعرفي؟ شنو ؟ شبيج شصار ..
و هو يدير وجهه على المريض و يتفاجأ.. المريض يمدد بفراشه و هو يردد بينه و بين نفسه و يحرك براسه على كيف و ابتسامة عريضة على وجهه و يباوع للسكف :: هههه ر..فل هههه حب....ي ههههه ..
عبالك طفل خجلان...
اليوم خلص ذاك و رفل ما طلع من حلكهه ولا حرف و جانت مصدومة بشكل ما ينوصف و حتة الحالة مالتهه استلمهه دكتور علي وحده و بعدين اجل شغله لبعد اسبوع .. 
.
جان مصطفى دائما يحجي حجي مشفر وي جماعته طبعا لان ما يريد يوكع بنفس الأخطاء القديمة و هو جان اذكى من هلشي لوما عصام ... مصطفى امر جماعته انو يضربون عصام طلقة و يخلص منه حتة يرتاح .. لان هو كبرياءه مجان يتحمل الي صار ويا بسبب عصام و جان مقرر و مخطط انو يلبس القضية برأس واحد ثاني حتة هو يطلع منهه نظيف طبعا بس بعدين نعرف الي راح يصير شنو ...
.
.
الحياة كلش قاسية و ابد ما تنطي فرصة ثانية هذا الشي الي جان يؤمن بي عصام و هو عايش ب خرابة زغيرة ب احد مزابل( منفى ) ديالى و نايم يم الزبالة ( النفايات ) و دائما بطل الشرب يم راسه و لحيته التارسة وجهه و شعره الي نازل من الجوانب و هو صارله مدة كلش طويلة ما حاجي وي احد و لا سابح ولا مبدل ملابسه جان اذا ياكل شي ف الناس تتصدق عليه أو النفايات تتصدق عليه.. و جان باقي بعقله آخر حباية من العقل .. الشي الوحيد الي جان بجيبه هو صورة رفل و شلون كلما يبوعلهه يتذكر كلشي و حتة ما ينسى حياته جان يباوع لصورتهه دائما هو جان هارب و جان معروف كلش لهذا صار الي صار ويا و جان يتجنب اي حديث وي اي احد لحد ما بيوم من الايام كعد علحديدة و خلصت فلوسه و طرده ابو البيت و جان من يباوع يحس انو الناس تباوعله بطريقة غريبة كلش لهذا جان يخاف لا ينكشف ف حاول يبتعد شكد ما يكدر و شكد ما يكدر هم ما ينطي شي على روحه لحد ما وصل لهاي الحالة الي عرفناهه ..
عصام اتخرج من المستشفى بعد شهرين بمسؤولية واحد من جيرانة القديمين بديالى الي دخله للمستشفى و تكفل بمصاريف علاج و ساعده هواي و قبل بطلعته لان صار بعد ميكدر يدفع مصاريف أكثر للاطباء .. و اصلا جانو عاجزين انو يلكون لحالته صورة حل و طلع مناك و هو رامي المجنون نفسه و الشي الوحيد الي خلاه يأخذ النفس و يعيش هو انو عرف برفل بعدهه عايشة و بس .. بعد عدة محاولات من صديقه حتة يساعده و ما كدر .. رجع رامي للشوارع و هو اذا تشوفه ما تعرفه بنفس بطانيته و بطل الشرب و رجع ينام يم نفس النفايات بس حباية العقل الي جانت عنده هلمرة اختفت...
.
رفل خلصت اسبوعين و هي نايمة بلبيت ب اجازة مرضية و ما تكدر تحجي اي حرف وي اي احد و شكد حاول وياهه ابوهه و اختهه بس رادوهه تحجي و ما حجت شي و جانت مخلصتهه بس نوم و صفنات و هي الوحيدة الي جانت تعرف ب عصام وين و شلونه بس الصدمة الي اجتهه ورة ما شافته بعيونهه خلتهه تتردد بهواي مواضيع و خوفهه القديم اتبدد هم شوي شوي .. جانت كل ليلة تخابر حيدر و هذا الأخير جان كل ليلة يبقى يحجي وحده لحد ما هي تنام و يسد الخط و ينام وراهه و بدون ما يطلب منهه تحجي ابد ..
اللقاء الأخير الي جمعهم جان بحفلة تخرج بسمة بس بعدين علي اتعرف على حيدر عن طريق النت بلصدفة لمن راد يعالج حالة رفل بشتى الطرق بوكتهه أحمد عرفه على حيدر عسا ان يساعده ولو شوي ..
.
بعد ٣٧ يوم ...
علي يلزم جهازه ... :: و تالي وي هاي البنية خل اشوف شوكت ناوية تفك العقدة ..
يفتح بصمة على تلغرام :: شلونج رفل ؟ شلون صرتي؟ سمعت بسمة طبت بشهرهه صحيح؟
يعني هلشي ما خلاج تفرحين ولو شوي يعني راح تصيرين خالة مابقى شي ترة ..
.
رفل تسمع و ما ترد ..
علي:: ههه سمعتي القصيدة الجديدة الكتبهه حيدر اليةة؟ كلش حلوة ترة ..
.
و علي كله أمل انو رفل ترد و جان يشوف عبارة .. جاري الكتابة ...
و كلش فرح و بقى ينتظر لحد ما جته رسالة..
:: اي ..
هناك علي اول شي سواه .. اتصل على حيدر و هو كلش فرحان و يريد بس يرجعهه للحياة مرة لخ ..
:: الوو ولك حيدر شسويتلهه؟
حيدر :: ها دكتورنا هههه شسويت يعني ؟ ماسويت شي ..
علي :: ردت عليةة و اخيرا ردت على رسايلي ..
حيدر :: اي هههه الحمدلله بس يعني اني بليل خليتهه تحجي ههه بطريقتي ..
علي :: شلون يعني .
حيدر :: رادت تسكت و عفتهه براحتهه و من رادت تحجي حفزتهه لا اكثر .. بعدين اول و تالي راح تنفجر و تحجي و جانت اكو شغلة ضامتهه بكلبهه و حجتلياهه و ارتاحت ههه .
علي :: اي دكتوور كمل؟ هههه
حيدر :: اني هسة بلشغل بعدين نتفاهم هههه عود اخذ موعد يلله اكمل .
علي :: ههههه الله ربك و كفو منك حياتي .
حيدر :: قصدك كفو ينطح كفو مو ؟
علي :: ههههه على كولتك كفو ينطح كفو ..
.
الليلة الي قبلهه ..
رفل جانت كلعادة ساكته و حيدر يحجي و ما ظل شي ما حجاه و قرأ كل القصايد الي بكلبه... لحد ما بلاخير رفل تبجي ..
حيدر :: شبيج شكو ؟
رفل بقت تبجي .. و هي تشكي و تحجي كل الي بكلبهه و رجعت حجت كل شريط حياتهه ب آخر سنتين و شلون هي تعبت و تعبانة كلش ..
ظلت تشكي لحد ما حجتله كلشي عنهه و عن عصام الي لكته كدام عيونهه فجأة و شلون حالته و شلون صاير و هي حايرة و خايفة متعرف شنو تسوي و ما ظل شي ما حجته و جان حيدر ديسمع و يسجل كلشي بجهاز ثاني بمقطع فديو للمكالمة و لحد ما رفل كملت حجي وي مستمعهه الجيد ... نامت و جانت آخر نومة تنامهه براحة...
.
نرجع لليوم الي احنة بي ..