وانت بتقرأ في سورة الصافات هتمر عليك آية على هيئة سؤال، وهي قوله تعالى"فما ظنُّكم بِرَبِّ العالمين."
السؤال ده كل ما تضيق عليك الدنيا وتحس انها ضَلَّمت في وِشَّك ساعتها اسأله لنفسك.. ما ظنُّك برب العالمين؟
سيدنا عبد الله بن مسعود كان يقول: "قسما بالله ما ظَنَّ أحد بالله ظنًّا إلا أعطاه ما يظن، وذلك لأن الفضل كُله بيَد الله." ساعتها والله هتحس كأن باب كبير يوشك أن يُفتح، ونور عظيم باين قدام في آخر الطريق، إحساس بيقولك إنها هتفرج من وَسَع فاتطمِّن بجد ولا تحزن..
"يا رب إنَّا نظن بك غُفرانًا، وعَفوًا، وعافيةً، وسترًا، وتَوبة، وهداية، وسعادة، وثَباتًا، ورِزقًا، وتَوفيقًا، وفَرَجًا قريبًا، وحُسْن خاتمة."💜
*اللهم صلِّ وسلم وبارك على سيدنا محمد وعلى آله وصحبه وسلم*
•ـــــــــــــــــــــــ•ــ•ـــــــــــــــــــــــ•
«الفصل السابع»
ـ ازيك يا حبيبتي، عاملة ايه.
روجي بفتور: الحمد لله بخير.
ـ مالك يا ريتاج لسة زعلانة مني.
ريتاج وعينيها تتلألأ بالدموع التي ابت النزول وهي تحاول اخراج صوتها طبيعيا ولكن رغما عنها خرج مرتجفا: وانا هزعل ليه هو حضرتك عملتي حاجة يا.... ماما.
نجوى والدة ريتاج بحزن ظهر بوضوح في صوتها: والله يا ريتاج غصب عني اللي هيحصل، انا بس مش عايزاكي تزعلي مني.
ريتاج بغضب ودموعها تنهمر دون ارادة: غصب عنك تروحي تتجوزي واحد تاني غير بابا الله يرحمه، لا وكمان مش عايزاني ازعل! ازااي قوليلي ازاي مزعلش واضايق كمان وانا شايفة امي رايحة بكل سهولة بعد موت ابويا بسنة تتجوز، لا ومن مين؟ من منتصر الاسيوطي اللي كان في يوم من الايام اعز اصدقاء بابا.
بكت نجوى بعنف وهي تقول:انتي مش فاهمة حاجة يا ريتاج والله.. انا معملتش كدا غير عشانك و...
قاطعتها ريتاج بغضب: بجد! هه عشاني انا.. طيب يا ستي انا مش عايزة منك حاجة ولو معندكيش اي حاجة تانية تقوليها فانا هقفل.
ثم اغلقت بدون انتظار الرد وهي تمسح دموعها بغضب بظهر يدها وتتجه للداخل ومنه للاعلى بدون الالتفات الى نداءات الاطفال...
فقال توفيق وهو يوجه حديثة لفؤاد: طب بذمتت شهد بتعمل معانا تدا.
لم يرد عليه فؤاد وخرج فزفر توفيق واتبعه وهو يقول: حتى انت يا فؤاد.
بينما نجوى ما ان اغلقت ريتاج الهاتف حتى زاد انتحابها وهي تمسك بصورة تجمعها معها وزوجها الراحل وتتذكر ايامهم سويا، ثم انتبهت لرنين هاتفها فمسحت دموعها واجابت: ايوة يا منتصر، عايز مني ايه.
منتصر ببرود:اجهزي عشان كتب الكتاب هيبقى بكرة.
نجوى بغضب: ازاي يعني مش كان الشهر اللي جاي.
أنت تقرأ
العشق مقبرة الرجال (حبيبتي الهاربة)
Romanceبالنظر إلى كل تلك البراءة التي تتدفق من نجلاوتيها لا يخيل لأحد أنها بكل تلك القسوة لتتركه وراءها قلبٍ محطم تسوده الفوضى، فبات يحتاج من ينتزع قلبه من بين أضلعه ليطهره من حب ملعون.. فقد تراقصت على أوتار قلبه.. لامست لواعِج روحه.. عبرت حياته كجملة موس...
