|Unicode|
အပိုင်း ၂
မဖိတ်ခေါ်ဘဲရောက်ရှိလာတဲ့
နွေဦးရဲ့ကမ်မလီယာတွေပါပဲ။
နှုတ်မဆက်ဘဲ ပြန်ထွက်မသွားဖို့တော့
မျှော်လင့်ခဲ့မိတယ်။
>>>>>>>
၂၀၂၀ အေပရယ်လ် ၁၆။
"ဂျောင်ဂု ရောက်တောင်လာပြီလား
ဟျောင်းပြီးခါနီးပြီ ခဏထိုင်စောင့်ဦးနော်"
ပန်းစည်းလေးလုပ်နေတဲ့အချိန် ဂျောင်ဂုကဆိုင်ထဲဝင်လာတာကြောင့် ဂျီမင်လှမ်းပြောလိုက်တယ်။
"ရတယ် ဖြေးဖြေးလုပ်"
နှစ်ပတ်ဆိုတဲ့အချိန်တစ်ခုမှာ သူစိမ်းကောင်လေးလို့သူပြောဖူးတဲ့ဂျောင်ဂုနဲ့ ဂျီမင်ကရင်းနှီးလာတယ်။ ဂျောင်ဂုကဆိုင်ကို မနက်တိုင်း အမေရိကာနိုတစ်ခွက်နဲ့ ရောက်ရောက်လာပြီး ဂျီမင်ပန်းတွေကိုရေလောင်းပေါင်းသင်နေတာကိုလိုက်ကြည့်တယ်။ မရိုးနိုင်အောင် မေးခွန်းတွေထုတ်တယ်။ ပြီးရင်တော့ 'ဒါ ဟျောင်းအတွက်' ဆိုပြီး အမေရိကာနိုတွေအေးစက်သွားတဲ့အချိန်ရောက်မှ ကော်ဖီခွက်ကို ဂျီမင်လက်ထဲထည့်ပေးကာ ပြန်သွားတတ်တယ်။ အေးစက်နေတဲ့အရသာကိုမကြိုက်ပေမဲ့လည်း ဂျောင်ဂုကဝယ်လာပေးတာဆိုတဲ့စိတ်နဲ့ ခွက်ထဲတစ်စက်မှမကျန်တော့အထိ ဂျီမင်ကသောက်ပစ်တယ်။
ညနေပိုင်းဆိုင်ပိတ်ချိန်ရောက်ရင်တော့ အခုလိုမျိုးလာစောင့်နေပြီး ဂျီမင့်ကို စက်ဘီးလေးနဲ့အိမ်ပြန်လိုက်ပို့ပေးတယ်။ ဘာလို့အပင်ပန်းခံပြီး ဒီလိုမျိုးလိုက်ပို့ပေးတာလဲမေးကြည့်တော့ ဂျောင်ဂုအဖြေကရှင်းတယ်။ 'အိမ်မှာပျင်းလို့' တဲ့...။ ဘယ်လိုပဲဖြစ်ဖြစ် ဂျီမင်ကတော့ ပျော်နေတာပါပဲ။
"ဟျောင်း ဘာတွေတွေးနေတာလဲ"
အတွေးထဲနှစ်မြောနေတဲ့ဂျီမင်က မျက်စိရှေ့မှာလက်ဖဝါးဖြူဖြူလေး လှုပ်ယမ်းပြနေတာကိုမြင်မှ သတိဝင်လာတော့တယ်။
"ဘာမှ ဘာမှမဟုတ်ဘူး"
"ဟျောင်းပြီးပြီ သွားရအောင်လေ"
YOU ARE READING
Tears of Camellia
Fanfictionမေ့ဖျောက်ခံ ကမ်မလီယာတွေရဲ့အကြောင်း သိချင်ကြလား။ ဒီပုံပြင်လေးက ပြောပြပါလိမ့်မယ်။
