Fragments of the Universe

Episode 9 : The pattern of the universe

"Just," aniya kaya napalingon ako sa kaniya.

"Just?"

"Ayoko lang ipaalam," sabi niya bago humiga. Ginawa niyang unan ang magkabila niyang braso habang nakatingin sa langit. "It's not that I wanted to be in the royal family though. I was just happened to be born as the son of my father, and nephew of the king."

Nakatitig lang ako sa mukha niya habang nagsasalita siya.

Hindi ko alam kung saan nanggagaling 'tong pakiramdam na 'to. Siguro dahil iisa lang kami pero galing sa magkaibang universe? Nakakaramdam ako ng connection, na parang may kung anong hindi ako mapunto na pagkakapareho namin. I feel something strange, and I honestly don't know if it's something weird or special.

"Astra? Astra!"

Napalingon ako sa baba nang marinig ko ang boses ni Elle. "Oh bakit? Nandito ako sa taas," sabi ko kaya napalingon siya at napa-angat ang tingin.

"Nakita mo ba 'yung kaibigan ni David? Ano ulit pangalan no'n? Linn ba?" tanong niya.

"Hindi ba magkasama kayo sa kusina kanina?" tanong ko pabalik sa kaniya. Napatingin ako kay David. Marahil narinig na niya ang usapan namin kaya napa-upo na siya bago lumingon sa baba kung nasaan si Elle.

"Oy, anong ginagawa niyo diyan sa taas? Bakit kayong dalawa lang nanadiyan?" mapang-asar na tanong ni Elle bago tumataas-baba ang magkabilang kilay.

"Where's Linn?" tanong ni DAvid.

"Nge. Kayo nga tinatanong ko kasi baka nakita niyo kung saan siya nagpunta," sabi ni Elle kaya nagkatinginan kami ni David bago kami sabay na bumaba ng bubong.

"Kanina nagbabasa lang siya ng libro habang nagluluto kami ni tita Tessa. Tapos paglingon ko wala na siya sa upuan kung saan siya naka-upo. Bigla na lang nalaglag 'tong libro na binabasa niya," paliwanag ni Elle bago iangat ang isang libro.

"Hindi aalis si Linn hangga't hindi ako nagsasabi na may dapat siyang puntahan," sabi ni David bago pumasok sa loob ng bahay.

Napatingin lang ako kay Elle pagkatapos ay sa hawak niyang libro. Naningkit at kumunot ang noo ko nang mapansin na tila pamilyar 'yon kaya kinuha ko 'yung libro mula sa kamay niya. Napatingin sa akin si Elle.

"English 'yan. Nagbabasa ka ba ng English books?" tanong ni Elle pero hindi ko siya pinansin. Bagkus, tiningnan kong mabuti 'yung cover, title, pagkatapos ay ang author's name.

Nanlaki saglit ang mga mata ko nang maalala ko kung saan ko nakita 'tong libro kaya agad akong sumunod kay David sa loob. Nakasunod naman si Elle sa akin na nagtataka kung bakit tila nagmamadali akong pumasok sa loob. Bumungad sa akin si tita Tessa na halatang nagtataka rin kung bakit tila aligaga si David at kung bakit kakapasok ko lang sa loob ng bahay.

"David, tingnan mo 'to," sabi ko kay David na binubuksan ang bawat pintuan sa loob ng bahay. Tila hinahanap si Linn.

Huminto si David sa ginagawa niya. Agad siyang lumapit sa akin bago tiningnan ang hawak kong libro. "Fragments of the Universe," basa niya rito kaya napatingin siya sa akin. "Hindi ba 'yan 'yung binabasa nating pdf kagabi?" aniya kaya tumango ako.

"Ito mismo 'yung libro na hiniram ko sa public lbrary kung saan niyo ako iniwan ni Linn. Akala ko sa pdf lang siya nag-eexist, pero may hard copy rin pala nito," sabi ko bago ako lumingon kay Elle. "Saan 'to nakuha ni gumiho? I mean ni Linn?" tanong ko sa kaniya.

"Nakita ko 'yan sa national no'ng pumunta tayo sa mall. Nauwi ko nang hindi binabayaran kasi bigla nila tayong hinatak palabas ng mall," sabi niya. "Bakit? Anong meron sa libro na yan?' tanong niya.

Binuksan ko 'yung libro samantalang si David naman bumalik sa paghahanap kay Linn. Ilang beses na niyang naikot ang bahay pero hndi naman niya nahanap si gumiho.