عُدي بإنفعال :
ـ حرق دمي ع الصبح ربنا يحرق دمهفريدة بهدوء :
ـ معلش يا عُدي أي اتنين متجوزين بيكون بينهم مشاكلعدي بإنفعال :
ـ مش اختي اللي يعلي صوته عليها يا فريدةابتسمت بخفة فجلس عُدي على الاريكة فقالت :
ـ أول مرة اشوفك محموق علشان حد فيهم كدهعدي بملامح مُنزعجة وهو ينحني ويخلع حذائه :
ـ ومتحمقش ليه! .. هي مش اختي!جلست وهي تبتسم وقالت :
ـ اه اختك طبعاً بس.. بتحبهم انت يا عُدي بردهنظر بعيداً وهو يتنهد بملل فقالت فريدة :
ـ طب بص.. انا هخلصلك بقى حوار الشغل ده وهبعتهولك بالليل .. وياريت تحاول تنزل المكتب بكرا أو بعده كدهعُدي بضيق :
ـ يا فريدة انا هقسم نفسي نصين بقى!! .. هلاقيها منك ولا من ياسين اللي بقى بيتعامل معايا كأني 3 موظفين في بعض ده! .. ده مش راحمني شغلفريدة بهدوء :
ـ يا عُدي معلش انا لو أقدر أخلص كل ده لوحدي هخلصه والله .. الشغل مش مستعجل قدامك يوم اتنين تلاتة.. وقت ما تلاقي نفسك فاضياومأ بخفة فسألته :
ـ أقوم امشي ولا عايز مني حاجة!!نظر إليها ثم قال بهدوء وبنظرة بريئة :
ـ فيفي..نظرت إليه بقلق فاقترب منها فقالت بعدم ارتياح :
ـ اه طلاما قولت فيفي وبصتلي كده يبقى فيها مصيبةابتسم بخفة وسألها :
ـ مش انا عدوش حبيبك!!فريدة بنفي :
ـ محصلش .. انت عدوش اللي ممرمطني.. عدوش اللي مغلبني.. مش عدوش حبيبي لأضحك بخفة وقال :
ـ طب بجملة المرمطة.. انا عايز منك خدمةنظرت إليه بصمت لثوانِ ثم هتفت فجأة :
ـ مخدرات تاني!! .. مخدرات تاني مش كده ؟!حمحم وهو يبتسم بخفة فقالت :
ـ يا عُدي انا محامية ليا سمعتي بقى.. مش كل واحد من صحابك يتقفش بمخدرات تدبسني فيه حرام عليكعدي برجاء :
ـ والنبي يا فيفي.. الواد هيضيعتنهدت وسألته :
ـ كان معاه إيه!! .. فرش حشيش برده!!عدي بنفي :
ـ لأ كوكهتفت بصدمة وبصوت مرتفع :
ـ نعم!!!!! .. يخرب بيتك على بيت صحابك على بيت معرفتك! .. كوكايين!!!عدي بهدوء :
ـ يا فيفي ده مش بتاعه ده كان رايح يبيعهفريدة بسخرية :
ـ هيهيييي.. يعني تجارة مش تعاطي كمان.. ما دي انقح.. دي انقح يا عُديضحك قائلاً :
ـ يا ولية اصبري هفهمك.. ده هو كان مندوب مش أكتر .. مش بيتاجر .. هو دليفري.. بيوصل الحاجة ويجيب الفلوس.. هو ولا بيتاجر ولا بيتعاطى .. عايزك بقى تقفي جنبه وتطلعيه منها علشان خاطر عدوش
أنت تقرأ
قلب تائه
Romanceأهو القاسي ذو القلب المتحجر أم العاشق المُحب المُضحي! أهو البارد غير المُبالي أم الذي يكترث لأمر الجميع! لم يعلم يوماً ماذا يريد .. أيبقى وينعم بالسعادة التي وجدها أخيراً بعد أن عاش في ظلال ماضي بقسوة ماضيه.. أم يرحل ويحكم على نفسه بألام الفراق خش...