သူမပိုင်ရွယ်ဝေ့ကို အခုလေးတင်ဖုန်းခေါ်ခဲ့ပေမယ့် ကံမကောင်းစွာပဲသူမသမီးက ဖုန်းကိုမဖြေပေ။ သူမဒီမှာတစ်ယောက်တည်းဖြစ်နေတာကြောင့် ချူမိသားစုကသူမကိုအမှိုက်သဖွယ် ကိုယ်ထိလက်ရောက်ကန်မထုတ်တာသေချာအောင်လုပ်ရမည်။ အဲ့လိုမှမဟုတ်ရင် သူတို့ရဲ့ခမည်းခမက်အဖြစ်လက်ခံဖို့ ယိမိသားစုကသေချာပေါက်ငြင်းမည်ပင်။
အစေခံတွေအိပ်တဲ့တန်းလျားအနီးမှာ အတော်လေးဆူညံနေသည်ကို ဖန်ချင်းသတိထားမိသည်။ သူမခေါင်းယမ်းကာရယ်ရယ်ချင်စိတ်ကြောင့် ပြုံးလိုက်တော့သည်။
"ကြည့်ရတာသမီးက ဒါကိုတွက်ထားပြီးသားပဲ၊ ပိုင်လင်းရဲ့ ကိုယ့်ကိုကိုယ်ယုံကြည်မှုနဲ့မာနက အရမ်းကြီးတယ်။ ဒီတော့သူခိုးတစ်ယောက်လိုသူမရဲ့အထုတ်တွေကို တခြားသူတွေစောင့်ကြည့်ခံရအောင်လုပ်တာက သူမကိုသေချာပေါက်စိတ်မချမ်းမသာနဲ့အဆင်မပြေဖြစ်စေမှာ။"
သူမတည့်တည့်လျောက်လာကာ ချူရှောင်းရဲ့ဆံပင်ကိုရှင်းပေးရင်း ညင်သာစွာပြောလာသည်။
"သမီးအခုလုပ်လိုက်တဲ့အရာကမှန်တယ်။ တခြားသူကိုအနိုင်ကျင့်ဖို့ မေမေတို့ရဲ့အဆင့်အတန်းနဲ့အင်အားကိုမသုံးခဲ့ပေမယ့် အမေတို့အနိုင်ကျင့်ခံရရင်လည်း နောက်ဆုတ်မနေသင့်ဘူး။ သမီးအနာဂတ်မှာဒီလိုမျိူးကြုံရရင်လည်း အမေတို့ကိုမလိမ်နဲ့။ အဲ့အစား အမေတို့
ဆီတည့်တည့်လာ သမီးကိုကူညီပေးမယ်။ နောက်ဆုံးတော့လည်း မိဘတွေဆိုတာသူတို့သ
ကလေးတွေရဲ့အခိုင်မာဆုံးနောက်ခံ ဖြစ်သင့်တာပဲလေ။"ချူရှောင်းခေါင်းငြိမ့်ပြီးပြောလိုက်သည်။
"မေမေထပ်ပြီးစိတ်မပူပါနဲ့တော့၊ အခုဆိုသမီးအကုန်လုံးကို နားလည်နေပါပြီ"
"ကောင်းပြီ။ မေမေနားလည်ပြီ။ အပေါ်တတ်ပြီးအင်္ကျီလဲတော့။ ညစာစားပြီးရင် သမီးကျန်တဲ့နေ့တွေကိုဘယ်လိုဖြတ်သန်းချင်လဲပြော။ ဒီနေ့မေမေအလုပ်မသွားဘူး။ အဲ့ဒါအစားသမီးဆန္ဒရှိတာဘာပဲဖြစ်ဖြစ်လုပ်ပေးဖို့ အတူရှိနေပေးမယ်။"
ချူတုံချီ လမ်းလျောက်လာပြီး တောင်းတောင်းပန်ပန်ပြောလာခဲ့သည်။
YOU ARE READING
အငြိမ်းစားဗီလိန်မမှ အမြှောက်စာဇတ်ကောင်လေးအဖြစ်သို့
Adventureအမြှောက်စာဇတ်ကောင်ထဲကို ကူးပြောင်းလာရင်သူမဘာလုပ်သင့်လဲ? သူမပထမဆုံးလုပ်မှာကတော့ မူလကိုယ်ဆီမှာတင်နေတဲ့အကြွေးတွေအကုန်လုံးကို ပျော်ပျော်ကြီး ပြန်ဆပ်မည်။ သူမဘဝရဲ့ဒုတိယအခွင့်အရေးဖြစ်နေမှတော့ အနာဂတ်ကိုစိတ်ပူမှာထက်ပစ္စုပ္ပန်မှာပဲပျော်ပျော်ရွှင်ရွှင်နေမည်။ ...
RVTIACF Chapter-(5)
Start from the beginning