♤ ملاكي الحارس ♤ ( مكتملة )

part 17

ملاكي الحارس 🎻🕊 part 17
" يومٌ قديم ، ما زال يمتدّ في كل الأيام .. أحياناً كنظرة شاردة ، و غالبا كغضبٍ عارم على أشياء تافهة ! ☁🌏"
♡ في متجر الحلوى ♡
وقفت جانيت وقد حرك الهواء خصلات شعرها الذهبيه وكان يقف بجانبها جيمي وهو يقول باللكنه الايطاليه : هل يمكنك رفع اللوحه قليلا حتى يظهر إسم المتجر للماره ؟.
رفع العامل لوحة المتجر إلى فوق ف قال جيمي : هكذا تمامآ ، هيا أنزل لتضيء الأنوار
ثم نظر إلى جانيت وهو يقول : مش مصدق اللي بيرلا عملته لحد دلوقتي ، يعني ايه تلم هدومها وتمشي كدا عشان تروح تدور عليهم مع انهم هما اللي سابوكم
أخرجت جانيت مفكرتها من جيب فستانها وكتبت بها ثم أعطتها لجيمي الذي قرأ ( مش حابه أتكلم في الموضوع دا لطفآ )
إبتسم جيمي وقال : ميهمكيش يا صغيرتي إفرحي باللحظه الحاليه ، صاحبة أكبر متجر حلوى في البندقيه خدي  نفس عميق وخدي وضعك ك مديره للمكان
إبتسمت جانيت برقه ثم أخرجت المفتاح الصغير من جيبها وفتحت باب المتجر ثم دخلت ونظرت الى جيمي الذي ظل واقفآ مكانه ف إبتسم وقال : أسف يا صغيرتي لازم أروح لمصفف الشعر الخاص بيا إدخلي إنتي هخلص وأجيلك وعد
إبتسمت له جانيت ودخلت ف إلتفت هو إلى الشارع الجانبي لمحل تصفيف الشعر
♡ داخل محل تصفيف الشعر ♡
كانت تجلس الزبونه على الكرسي ووراؤها تلك الفتاه خمرية البشره ذات الشعر البني الفاتح وهي مغمضه عينيها وتنظر إلى فوق ف قالت الزبونه باللكنه الايطاليه : ما بك ؟
مارال : سيدتي انني أستحضر تصفيفة الشعر التي تليق بفاتنه مثلك
الزبونه : اووه هذا كرم منك وأخجلني
مارال وهي تلمس شعر الزبونه : أظن أن قص الأطراف مع صبغها باللون الثلجي سيناسبك كثيرآ
الزبونه : هل تضمنين ؟
مارال وهي ترفع كتفيها وتبتسم : على عنقي يا سيدتي
ثم أمسكت المقص وبدأت في قص أطراف شعرها وما إن إنتهت قالت : يمكنك الذهاب ألى القسم الثاني وإعطاؤهم تلك الورقه سيصبغون شعرك باللون الثلجي
إلتقطت الزبونه الورقه وإبتسمت وقالت : شكرآ لك
جلست مارال على الكرسي وهي تتنهد : والله من غير ايديا اللي تتلف في حرير تضيع مدينة البندقيه يا ولد
جيمي من وراؤها : يا بنت !
قامت مارال وقالت : والله عيب يا سيد جيمي يعني أنا أروح فيها الخضه الجايه أروح
جيمي وهو يخلع قبعته ويجلس مكانها : أحسن عشان تبطلي ثرثره ، يلا عايز تصفيفة الشعر الخاصه بأكبر مصمم أزياء في البندقيه
مارال وهي تنظر له بنصف عين : إحلف بس ؟ أنا اللي أبطل ثرثره
جيمي وهو يبتسم : بسرعه يا بنت مش فاضي
أخرجت المقص من جيب سترتها وهي تقص وتقول : عشان الشقرا ؟
جيمي : إسمها جانيت يا مارال وبعتبرها زي أختي الصغيره
مارال : ولو هي برضو بقت صاحبة متجر لكن انا مجرد مصففة شعر
جيمي : ممكن متقلليش من نفسك ؟ حقيقي إنتي حاجه كبيره أوي عندي ، هستناكي زي كل يوم نشرب القهوه في الكافيه
مارال بإبتسامه : دا شيء أكيد
ثم أكملت تصفيف شعره
♡ في متجر الحلوى ♡
جائت سيارة نقل الادوات ودخلت هيلين المتجر وقالت : جيت مخصوص عشان أساعدك في ترتيب المتجر يا بنت .. بس توعديني تساعديني في تحضير العشاء
ابتسمت جانيت ثم ركضت لها وهي تحتضنها ورتبوا أدوات الحلوى في المتجر ف قالت هيلين : قلبي قلقان على بيرلا جدآ قالت هتتصل ولحد الأن متصلتش
كانت جانيت تمسك بصحن بيدها وتجففه بمنشفه وشردت ألى أن قالت هيلين : خايفه كمان يكون حصل حاجه لفؤاد وهشام
عند هذه النقطه اوقعت جانيت الصحن من يدها ف قالت هيلين : الله اكبر عليكي مخك فين يا بنت
إرتعشت جانيت ثم نزلت إلى الارض تلملم الزجاج المكسور بيدها ف قالت هيلين : سيبيه عشان متعوريش نفسك أمال فين المكنسه !
أحضرت هيلين المكنسه وكنست الزجاج بعيدآ فيما قامت جانيت وأكملت الترتيب وما إن إنتهت جلست على مكتبها وجلست أمامها هيلين وهي تقول : أنا كنت فاكره إن تعلقك بهشام عشان ساعدك كتير معرفش إنه هيستمر يا بنتي
أخرجت جانيت مفكرتها وكتبت ( منسيتهوش أبدآ )
هيلين بابتسامه وهي تقرأ : عشان إنتي أصيله يا بنتي ربنا يحفظك
أصيله !
دار في ذهن جانيت تلك الكلمه كثيرآ ، ما علاقة أنها أصيله ب أنها عندما تسمع إسمه فقط يقيم قلبها الحروب في جسدها وينبض بطريقه بشعه ، ألا يشعر أحد بها ؟
قاطع شرودها دخول جيمي وهو مبتسم : كنت عارف إن أمي هتيجي تساعدك
هيلين وهي تقبله : أهلا يا حبيبي كدا تسيب البنت لوحدها أفرض حد ضايقها
جيمي : محدش يقدر دا أولا ثانيآ كنت بصفف شعري
هيلين : ربنا يحفظك يا ابني ، يلا هروح البيت أحضر العشا وإنت أقعد معاها عشان إنت اللي هتصمم لبس المتجر للعاملين
جيمي وهو يخلع قبعته ويجلس : دي لعبتي ، يلا يا دوموازيل
إبتسمت له جانيت وهي تنظر إليه
♡ في مطعم واشنطن الشهير ♡
جلس هشام وفؤاد وبيرلا ونجلاء
هشام : شكرآ يا بيرلا إنك قبلتي تقعدي أوضحلك سبب سفرنا
بيرلا : لا إنت فهمت غلط ! سبب قعادي إني عايزه أسمع ردك هترجع معايا ولا لا
نجلاء : بالراحه عليه شويه يا أنسه بيرلا كدا بتوتريه
بيرلا بسخريه : إنتي مالك أساسآ ؟ واحده بتكلم أخوها ياريت تخليكي في حالك مش هتعلميني أعامل أخويا إزاي
هشام : بيرلا متكلميهاش كدا تاني !
بيرلا : لا أكلمها كدا ونص طالما حشريه وقليلة ذوق
هشام : مينفعش تكلمي خطيبة أخوكي كدا !
بيرلا بصدمه : لا دا إنت ظبطت حياتك هنا  بقى ! خطوبه وجواز وشركه وفلوس ! والبندقيه وأيامها ؟ واللي مستنيينك هناك ؟
هشام : مبقيتوش صغيرين عشان تستنوني أعتقد كل واحد يقدر يدير حياته بطريقته
بيرلا بصدمه : مش مصدقاك !
نجلاء : كان نفسي نتعرف في ظروف أحسن من كدا
بيرلا بغضب : كان نفسي منتعرفش أصلا
هشام : بيرلا !
بيرلا : أه يعني مفهمتش ردك ، راجع معايا البندقيه ولا لا ؟
هشام : مش هينفع يا بيرلا
بيرلا : كنت متأكده من ردك ، بس واضح إنك نسيت وصية بابا لو أفترقنا يا هشام هبيع البيت واخد حقي واظن الوصيه كانت واضحه
هشام : انتي اتهبلتي صح ! عايزه تبيعي البيت  ؟
فؤاد : مينفعش يا بيرلا
بيرلا : انت مالك انت كمان ؟ زي ما خطيبة البيه مش من عيلتنا ف انت كمان ميخصكش !
فؤاد : مش هرد عليكي عشان مقدر موقفك
جاذ النادل ووضع أمامهم أكواب الشمبانيا ف شربته بيرلا مره واحده ف قال هشام : وأشغالي وفلوسي اللي هنا ؟
بيرلا : صفيهم يا هشام
نجلاء : لا يا بيبي إوعى تسمع كلامها
نظرت لها بيرلا بغضب وقالت : شكلك عايزه تلبسي االاكواب في وشك صح ؟
هشام وهو يخبط بيده على الطاوله قال : بسسس ! مش عايز صوت تاني ، فؤاد تعالى معايا ثانيه
قام فؤاد معه ف قال هشام : أتصرف إزاي !!
فؤاد : مفيش حل غير إننا نرجع
هشام : نرجع فين شغلي وحياتي كلها هنا
نظر فؤاد الى هشام ف اتسعت عينا هشام ف قال فؤاد : في ايه
هشام : اتصلي على مدير الفرع بتاع شركتنا قوله هناخد إسبوعين أجازه
فؤاد : تقصد إننا هننزل البندقيه أسبوعين و ..
هشام وهو يقاطعه : بالظبط نرجع بعدها نكمل عادي ، إنت مش سامع الهانم هتبيع البيت وتنفذ الوصيه
فؤاد : حاضر
إتصل فؤاد وأتم المكالمه وقال : خلاص تم
عادوا إلى الطاوله ف قال هشام : هنرجع معاكي يا بيرلا
إبتسمت بيرلا بإنتصار وهي تنظر إلى نجلاء التي كانت تنظر إلى هشام بصدمه
بيرلا وهي تمسك كأسها : تشييرررز
ثم شربت وشربت نجلاء بصمت وهي مصدومه
جاء النادل وأعطى الجيتار لهشام الذي نظر لفؤاد وقال : نبدأ ؟
فؤاد بإبتسامه : يلا
عزف هشام وغنى هو وفؤاد : يا ناسي وعدك وعدك ليا بعدك والله صعب عليا
كانت نجلاء تغلي من داخلها وبيرلا تنظر لها بشماته حقيقيه ..
رأيكم يا حلوين في البارت ١٧ ؟ وفي رواية ملاكي الحارس ؟ ❤🎻🕊