♤ ملاكي الحارس ♤ ( مكتملة )

الفصل التاسع

ملاكي الحارس 💫🎻  part 9
هل عُدتَ يوماً من حقيقةٍ ما .. كما أنت؟ 

-أنا عدتٌ من إحداها أعرج ،  ومرةً بلا قلب ....💙"
♡ بالقرب من سيارة هشام في المنطقه المقطوعه ♡
كانت جانيت تجلس وهي تربع رجليها وتضمها بيدها وتبكي ، لا تعلم لماذا لكنها خافت ان تفقد أبيها للمره الثانيه في حياتها ، كان هشام ملقى على الارض بجانب السياره وغارق في دماؤه حتى وجدت جانيت صوت عجلات سياره قادمه ف قامت سريعآ لتحاول أن تستنجد بالسائق القادم وجدت فؤاد يترجل من سيارته ف اقتربت منه ف قال : حصل ايه مين ضربه بالنار ؟؟
نظرت له جانيت وهي تبكي ف تذكر انها خرساء ف قال : يوووه روحي اركبي العربيه
حمل فؤاد هشام ووضعه في الكرسي الامامي للسياره وقاد
♡ بعد مرور ربع ساعه في سيارة فؤاد ♡
أفاق هشام وكان يتألم كثيرآ ثم قال بصوت متقطع : رايح فين
فؤاد : حمد الله ع السلامه المهم انك بخير ، هنطلع ع المستشفى
هشام بتعب : انت اتجننت اوعى تعمل كدا اطلع ع البيت بسرعه ، فين الزفته
فؤاد : في الكرسي اللي ورا بتعيط
هشام : ولسه لما نروح هخليها تعيط اكتر
فؤاد : اسكت بس دلوقتي متتكلمش عشان انت تعبان
♡ عند المنزل ♡
توقفت سيارة فؤاد ف ركضت بيرلا وهيلين باتجاههم ف عندما وجدت بيرلا الدماء تسيل من هشام صرخت وقالت : ينهاري ايه حصل هشاام انت كويس
فؤاد : كويس بس متلمسيهوش
ابتعد هشام عن فؤاد وهو يسير ببطيء ويقول : مش محتاج مساعده هبقى كويس
فؤاد : بلاش عناد انت تعبان
لم يرد عليه هشام واتجه الى المطبخ واحضر سكين صغير ف  جلس الاربعه هيلين وبيرلا وجانيت وفؤاد على طاولة المطبخ ف قالت هيلين : نوديك مستشفى أضمن يابني
هشام : لااا !
وضع السكين بالقرب من الجرح وكان يغمض عينيه بقوه ويضغط على شفتيه ف كان يخرج طلقة الرصاص من بطنه بطرف السكين ولكن العمليه كانت صعبه جدا حتى تقيأ في حوض المطبخ وانتشر الدماء ، ارتعدت بيرلا وهيلين ف اقتربوا منه وهم يبكون ف قال بصوت غاضب : ارجعوا وراا
حاول مره أخرى بطرف السكين حتى خرجت الرصاصه ف قال : ااااااااه
كانت بيرلا وهيلين وجانيت يبكون
خلع هشام قميصه كاملا وفتح الرف العلوي واخرج القطن والشاش والمطهر
كان يخيط جرحه بنفسه وكان ذلك أقسى مشهد رأته جانيت منذ ولادتها وعندما انتهى ارتدى قميصه مره أخرى وقال : عندي مشوار مهم
هيلين بحزم : مفيش مشاوير انت لسه جرحك مبردش
هشام بغضب : هخرج يعني هخرج وفؤاد لما اقولك اقعد مع الحريم ياريت كلامي يكون واضح
نظر الى جانيت بغضب ثم خرج وركب سيارة فؤاد وانطلق بها
بيرلا وهي تضع يدها على رأسها : عنيد جدا ربنا يستر انا تعبت
فؤاد : مش عنيد هشام قوي
هيلين : استرها معانا يارب
♡ في سيارة فؤاد التي يقودها هشام في الشارع ♡
كان سيتجه الى الملهى الخاص به هو واصدقاؤه ولكنه وجد شخص يركب دراجه ناريه ويلحقه ف امسك بسلاحه بقوه وقال : اظهرلي يا بلاء الله وانا أخلص عليك
ظل هشام ينظر في مرآة السياره حتى توقفت الدراجه الناريه أمام سيارته ف توقف ونزل وفي يده السلاح ولكنه ما ان اقترب من الضوء الساطع حتى تبين وجه سائق الدراجه الناريه ف قال : روز !
الفتاه : مش قادره أقولك من بعدك وحشه ازاي .. وحشتني اوي
تجاهلها هشام كليا ثم ركب سيارته مره أخرى ف ركبت روز بجانبه وقالت : هتتجاهلني !
هشام : لو مش عايزه تاخدي طلقه ف نص راسك انزلي
روز : متقدرش مهونش عليك
هشام بسخريه : معلش ابقي غطيها وانتي نايمه
روز : هي ايه !
هشام : رجليكي شكلك خدتي برد فيها ف اتنقل لدماغك
روز : انا عارفه إني فسخت الخطوبه وبعدت ومدتكش اي فرصه حتى تسمع ليه بس صدقني أنا محبيتش حد غيرك عشان كدا رجعت
هشام : وماله ماهو حمام بيت امك ، هعد لتلاته لو منزلتيش هوريكي الوش اللي عمرك ما شوفتيه وهعرفك الايام غيرتني ازاي
روز وهي تنظر الى الدماء التي بدأت تظهر على بطنه : هااااا هشام انت بتنزف !
هشام : انتي مال امك ! انزللي
روز : مش هسيبك بقولك بتنزف
هشام نظر اليها بغضب ثم نزل من السياره وفتح بابها وقذفها خارجا وقال : احمدي ربنا اني سيبتك عايشه انا اللي يفكر ييجي ع كرامتي أمحيه من على وش الأرض لو شوفتك ف أي حته بعد كدا بقصد أو من غير قصد هنسفك
ثم ركب السياره ولم ينظر اليها وانطلق بها سريعآ
♡ في المنزل ♡

عاد هشام بسيارة فؤاد ثم نزل وهو يمسك بطنه ف ركضت عليه هيلين وقالت : يا حبيبي يابني تعالى اعالجلك الجرح
ظل هشام ينظر الى هيلين ثم ارتمى في حضنها وقال : انا تعبااان
هيلين وهي تملس على رأسه : عارفه يابني تعالى معايا ياريتني أنا وانت لا
جائت جانيت تركض عليه ف أشار بإصبعه لها أن تتوقف وقال : إوعي تيجي جمبي لسه لما أفوق هربيكي
رجعت جانيت للوراء وهي تبكي ف سندت هيلين هشام حتى صعد غرفتها وتمدد على فراشها ووقفت بيرلا بالقرب منهم تمسك بيدها الأدويه ويعالجون جرحه الغائر
بعد أن أتموا معالجته دثروه بالأغطيه ثم خرجوا وبعد قليل دخلت جانيت غرفة هيلين ببطيء وجلست بجانب هشام على الفراش وهي تبكي ثم أمسكت يده واحتضنتها ونامت بالقرب منه
♡ في الحديقه ♡
كان فؤاد يشعل بعض الأخشاب وبيرلا تجلس على الأرض وهي تبكي بالقرب من النار ف اقترب فؤاد وهو يحمل كوبان أعطى إحداهم إلى بيرلا وقال : جنزبيل بالليمون هيهديكي
بيرلا وهي تلتقط منه الكوب وتبكي : دي أول مره هشام يتصاب أنا خايفه أوي
فؤاد : متقلقيش الجرح في بطنه الحمد لله إنه مش في القلب
ثم إبتلع ريقه وقال بصوت مبحوح وهو ينظر الى بيرلا : أصل جرح القلب صعب أي حاجه تتعالج إلا القلب يا بيرلا
نظرت بيرلا إلى عيناه التي تغطيها النيران وتوقفت عن البكاء وقالت : إنت عمرك إتجرحت في قلبك ؟
فؤاد : مبتجرحش الا فيه صدقيني
بيرلا : كام طلقه ؟
فؤاد : أول طلقه كانت موت أمي ، تاني طلقه كان اللي عمله أبويا في عزاها
بيرلا : والتالته ؟
فؤاد وهو يمسك يد بيرلا ويضعها على قلبه : لما ببص ف عين البنت اللي بحبها وأحس إنها مش هتحبني زي ما حبيتها
احتضنته بيرلا متجاهله كلمته وهي تبكي وتقول : خايفه على هشام أوي يا فؤاد أنا ماليش غيره إنت أخويا بس هشام أخويا يا فؤاااد
سمع فؤاد كلمة " إنت أخويا " ف أدمعت عيناه وقال وهو يملس على رأسها : هيقوم بالسلامه وانا هفضل دايما معاكم حتى بعد .. بعد جوازك هفضل جمبك في أي وقت
ظلوا محتضنين بعضهم وكلآ منهم يتألم ولكن الألم مختلف
♡ في غرفة هيلين صباحآ ♡
فتح هشام عيناه ونظر الى سقف الغرفه الأبيض ف قال : أنا روحت الجنه ازاي بعد كل اللي عملته في حياتي اااه
ثم نظر بالقرب منه وجد شعر أشقر طويل ف قال : اللهم صلي على النبي وكمان حور عين
قام فجأه ودقق النظر ثم أمسك جانيت من شعرها وقال : انتي يا مفعووصه طلعالي في البخت جايه تتلزقي فيا ليه هو انا خلفتك ونسيتك !
كانت جانيت تتألم ف جرها هشام من شعرها وقال : قدامي بقى عشان انا منستش انك إتجرأتي وركبتي العربيه من وراياا عقابك هحبسك في الأوضه الضلمه اللي فوق
سمعته هيلين وبيرلا ف ركضوا وراؤه ف قال بغضب : إرجعوا !
أخرج مفتاح ذهبي صغير من جيبه ثم حذفها داخل الغرفه العلويه وأغلقها بالمفتاح وقال : حاولت أعاملك كويس بس محدش هيأذي البيت دا غيرك وانا اللي ييجي على بيتي أدبحه !
ثم نظر الى هيلين وقال : وجبه واحده بس في اليوم والحمام تبقى تصرف نفسها
ثم نزل على الدرج سريعآ
♡ داخل الغرفه ♡
كان لا يوجد بالغرفه سوى تلك النافذه الزجاجيه التي تدخل الى الغرفه شعاع شمسي بسيط ف ضمت جانيت ركبتيها في رعب ورجعت للوراء حتى التصقت بحائط الغرفه ..
رأيكم في البارت التاسع ؟ وفي رواية ملاكي الحارس ❤🎻🕊