ချူတုံချီနဲ့ ဖန်ချင်းကတစ်ယောက်ကိုတစ်ယောက်ကြည့်မိသွားကာ မေးခဲ့သည်။
"သမီးဘယ်သူ့ကိုဖြုတ်စေချင်တာလဲ"
"ပိုင်လင်း" ပိုင်လင်းက ပိုင်ရွယ်ဝေရဲ့အမေပဲ။
"သူမကသမီးတို့အိမ်မှာနှစ်တွေအကြာကြီးအလုပ်လုပ်ခဲ့တာ။ ဒါပေမယ့် သူမအကြာကြီးလုပ်ခဲ့လို့ဘဲ သူမဘယ်သူဆိုတာနဲ့ သူ့အဆင့်ကိုမေ့သွားတာဖြစ်နိုင်ပါတယ်။ သူမကနည်းနည်းကျော်တတ်နေပြီ သူ့ကိုယ်သူချူမိသားစုရဲ့ သခင်တစ်ယောက်လို့ထင်နေမယ်ဆိုတာ သမီးယုံတယ်။သူမကိုအလုပ်ဖြုတ်ပြီး ဥပဒေအတိုင်းလျော်ကြေးပေးလိုက်ပါ။ ဒါပေမယ့်
တစ်ပြားတောင်အပိုမပေးပါနဲ့။"သူမရဲ့တောင်းဆိုချက်ကိုကြားပြီး တစ်ခဏထိုစုံတွဲက ကြက်သေသေသွားတော့သည်။
ဖန်ချင်းက သတိပြန်ဝင်လာကာ..." ပိုင်လင်းကတစ်ခြားအစေခံတွေရှေ့မှာ မာနကြီးတယ်ဆိုပေမယ့်အမေတို့ကိုအလုပ်လုပ်ပေးရင်တော့အမြဲတမ်း လေးလေးစားစားဆက်ဆံပါတယ်။ ရှောင်းရှောင်း၊ ယိချန်နဲ့ဖြစ်တဲ့ကိစ္စက ပိုင်လင်းနဲ့ပတ်သတ်နေလား?"
"အဲဒါ အမှန်ပဲ။ သူ့သမီးက သမီးကိုထိပ်တိုက်ဆန့်ကျင့်ဖို့ကြိုးစားနေတာ။ သမီးကိုချနင်းရုံတင်မဟုတ်ဘူး၊ သမီးရဲ့ခင်ပွန်းလောင်းကိုလည်းလုသွားသေးတယ်"
ဖန်ချင်းရဲ့မျက်နှာကရုတ်တရက်အတွေးနက်သွားပြီး ပြောခဲ့သည်။
"သူမဒီလိုဟာမျိုးကို ဘယ်လိုတောင်လုပ်ရဲတာလဲ။ ယိချန်ကလည်းတစ်ကယ်ကို ဆိုးတာပဲ။ ပြန်ရောက်တာနဲ့သူမကိုအလုပ်ဖြုတ်ပြီး အိမ်ကချက်ချင်းထွက်သွားအောင်လုပ်ရမယ်။"
ချူတုံချီမျက်မှောင်ကြုံ့ကာ ခေါင်းငြိမ့်လိုက်သည်။
"သမီးသာဆန္ဒရှိရင် ဒါကိုသမီးဖြေရှင်းလို့ရတယ်။ အိမ်ပြန်ရောက်တာနဲ့ကျောင်းကနေရက်
နည်းနည်းလောက်ခွင့်ယူလိုက်။ ဒါဆို သက်တောင့်သက်သာနားလို့ရပြီ။ တခြားသူတွေကိုဒေါသထွက်ပြီး သမီးကျန်းမားရေးကို ပိုဆိုးမသွားစေနဲ့၊ မတန်ဘူး။"ရုတ်တရက် ဒီအချိန်အတောအတွင်းသူတို့သမီးဘယ်လောက်တောင်ခံစားနေခဲ့ရလဲဆိုတာကို ဒီစုံတွဲနားလည်သွားတော့သည်။
YOU ARE READING
အငြိမ်းစားဗီလိန်မမှ အမြှောက်စာဇတ်ကောင်လေးအဖြစ်သို့
Adventureအမြှောက်စာဇတ်ကောင်ထဲကို ကူးပြောင်းလာရင်သူမဘာလုပ်သင့်လဲ? သူမပထမဆုံးလုပ်မှာကတော့ မူလကိုယ်ဆီမှာတင်နေတဲ့အကြွေးတွေအကုန်လုံးကို ပျော်ပျော်ကြီး ပြန်ဆပ်မည်။ သူမဘဝရဲ့ဒုတိယအခွင့်အရေးဖြစ်နေမှတော့ အနာဂတ်ကိုစိတ်ပူမှာထက်ပစ္စုပ္ပန်မှာပဲပျော်ပျော်ရွှင်ရွှင်နေမည်။ ...
RVTIACF Chapter-(3)
Start from the beginning