ချူရှောင်းကဖန်ချင်းရဲ့ပုခုံးပေါ် ခေါင်းမှီကာပြောသည်။
" သမီး အခုတလောမိုက်မဲခဲ့မိတယ် ဒါမဲ့ငယ်တုန်းမှာ ဘယ်သူကများအဲ့လိုအနှောင့်အယှက်တွေကို မဖြတ်ကျော်ဘဲနေမှာလဲ? သမီးအခုအဆင်ပြေပါတယ်။ ပြီးတော့ နောက်ထပ်ကိုယ့်ကိုကိုယ် မထိခိုက်စေရဘူးလို့လည်းကတိပေးတယ်။ သမီးကိုစိတ်ပူနေရအောင်လုပ်မိလို့ တောင်းပန်ပါတယ်။"
ဖန်ချင်းက သူမကိုအပြည့်အဝမယုံပေ။ ဒါကြောင့် စိတ်မချစွာမေးလာသည်။
"ပိုကောင်းလာပြီဆိုတာ သေချာလို့လားကွယ်?"
ချူရှောင်း ရိုးရိုးသားသားလေးခေါင်းငြိမ့်ကာပြောလိုက်၏။
"အခုပိုကောင်းသွားပြီဆိုတာ သေချာပါတယ်။ သမီးဆေးရုံမှာနိုးလာတုန်းက တစ်ကယ်ကြောက်သွားတာ။ သမီးအသက်ရှင်ဖို့နှစ်တွေက အကန့်အသတ်ရှိတယ်ဆိုတာ ဒီမတော်တဆမှုကသင်ပေးလိုက်တာပဲ။သမီးမတွေ့ကြုံရသေးတဲ့အရာတွေက အများကြီးရှိသေးတယ်၊ တစ်စုံတစ်ယောက်ကြောင့် ကိုယ့်ဘာသာထိခိုက်အောင်မလုပ်သင့်ဘူးလေ။"
သူမတည့်တည့်ထိုင်ပြီး သူမမိဘတွေကိုပြုံးပြလိုက်သည်။
"ဖေဖေ၊မေမေ သမီးအတွက်စိတ်မပူပါနဲ့၊ အနာဂတ်မှာသမီး သေချာပေါက်ပျော်ရွှင်ရမှာပါ။ တစ်ယောက်ယောက်ကသာသမီးဘဝကို ရှုပ်ထွေးအောင်လုပ်ဖို့ကြိုးစားရင် သူတို့ကိုနောက်ထပ်မပြုံးနိုင်အောင်လုပ်ပေးလိုက်မယ်။"
ချူရှောင်းရဲ့ငေါ့ထေ့ထေ့စကားက ချစ်စရာစုံတွဲကိုရယ်စေသည်။ သို့သော်သူတို့သမီး၏စကားသံအရ ယိချန်သူမကိုဝမ်းနည်းအောင်လုပ်လိုက်သည်ကိုတော့ သူတို့ပြောနိုင်သည်။
ချူတုံချီက အလေးအနက်မေးလိုက်သည်။
"ယိချန်ကသမီးကို မပျော်အောင်ဘာလုပ်လိုက်လဲ၊ အဖေ့ကိုပြော။ သူ့အပေါ်ကိုဒေါ်သတွေဖွင့်ထုတ်နိုင်အောင် ကူညီပေးမယ်။"
ချူရှောင်း မျက်ခုံးပင့်ကာရယ်ခဲ့မိသည်။
"ဖေဖေသမီးကိုအထင်မသေးပါနဲ့။ သမီးကအသက်နှစ်ဆယ်ရှိပြီ။ ဒီတော့ သမီးမိဘတွေကိုလက်စားချေပေးဖို့ဘယ်လိုများတောင်းဆိုနိုင်ပါ့မလဲ။ ယိချန်ကိုသမီးဘာသာ ကိုင်တွယ်နိုင်ပါတယ်။ နောက်ဆုံးတော့သူလိုလူမျိုးကို ဖြေရှင်းရတာကလေးကစားသလောက်ပါပဲ။
ဒါပေမဲ့ ဖေဖေတို့နဲ့ဆွေးနွေးချင်တဲ့ ကိစ္စတစ်ခုရှိတယ်။ သမီးအိမ်ကလူတစ်ယောက်ကို
အလုပ်ဖြုတ်ပစ်ချင်တယ်။"
YOU ARE READING
အငြိမ်းစားဗီလိန်မမှ အမြှောက်စာဇတ်ကောင်လေးအဖြစ်သို့
Adventureအမြှောက်စာဇတ်ကောင်ထဲကို ကူးပြောင်းလာရင်သူမဘာလုပ်သင့်လဲ? သူမပထမဆုံးလုပ်မှာကတော့ မူလကိုယ်ဆီမှာတင်နေတဲ့အကြွေးတွေအကုန်လုံးကို ပျော်ပျော်ကြီး ပြန်ဆပ်မည်။ သူမဘဝရဲ့ဒုတိယအခွင့်အရေးဖြစ်နေမှတော့ အနာဂတ်ကိုစိတ်ပူမှာထက်ပစ္စုပ္ပန်မှာပဲပျော်ပျော်ရွှင်ရွှင်နေမည်။ ...
RVTIACF Chapter-(3)
Start from the beginning