"သဲ မတို့လက်ထပ်ကြစို့လေ"
"ဘာလဲ သဲကောင်းမှန်းသိသွားလို့ "မ"သဲနဲ့မခွဲနိုင်တော့ဘူးလား"
"ဟာ...ကလေးစုတ်လေး"
"ဟီး စတာ...စတာ"
သဲကိုထုရိုက်လာတဲ့ မရဲ့လက်လေးကိုဖမ်းဆွဲရင်းဆိုမိသည်။
"မ တစ်ကယ်လက်ထပ်ချင်တာလား"
မမျက်နှာလေးကို စေ့စေ့ကြည့်ရင်းမေးမိသည်။
"အင်း တို့အချိန်မဆွဲချင်တော့ဘူး တို့ကအသက်ကြီးနေပြီသဲကငယ်ငယ်လေးရှိသေးတယ် တို့သဲကိုဆုံးရှုံးလိုက်ရမှာ ကြောက်တယ်"
သဲရယ်မိလိုက်သည်။မကအသက်ကြီးနေပြီဆိုတဲ့စကားကို ခဏခဏသုံးတာပဲ။သဲမျက်လုံးထဲမှာတော့ မကအမြဲတမ်းနုပျိုနေတဲ့သူတစ်ယောက်ပါပဲ။
"သဲ ဘာရယ်တာလဲကွာ၊တို့ကိုလှောင်တာလား"
"မဟုတ်တာ၊သဲမလှောင်ရပါဘူးမရယ်...၊မတစ်ကယ်လက်ထပ်ချင်တယ်ဆိုရင်လဲ သဲတို့လက်ထပ်ကြတာပေါ့ သဲလဲမနဲ့ခွဲပြီးမနေနိုင်တော့ဘူး မနဲ့နေ့တိုင်းအတူနေချင်နေပြီ"
သဲဆိုလာတဲ့စကားကြောင့် နန်းရှက်ပြီးမျက်နှာကြီးငုံ့ကျသွားသည်။
"အင်း မတို့လက်ထပ်ကြရအောင်နော် အခုနေလက်ထပ်မှကလေးယူဖို့အဆင်ပြေလောက်မှာလေ ဒီထက်ပိုပြီးအသက်ကြီးသွားရင် မအတွက်ကိုယ်ဝန်ဆောင်ဖို့အဆင်မပြေဖြစ်မှာစိုးတယ်"
ဖေဖေနဲ့မေမေ လဲမြေးချီချင်တာကိုနန်းသိတာကြောင့် ခုလိုဆိုလိုက်မိခြင်းဖြစ်သည်။
"ဟင် မကကလေးပါယူမလို့လား"
"အင်းပေါ့ သဲရဲ့ဘာလဲသဲကမလိုချင်လို့လား"
"မဟုတ်ပါဘူး သဲကမအချစ်တွေတစ်ယောက်တည်းအပိုင်ယူချင်တာ ဘယ်ကလေးကိုမှမမျှပေးနိင်ဘူး"
"ဟား သဲကတစ်ကယ်ပါပဲ"
"ဒါနဲ့မ အဲ့လိုကလေးယူဖို့ကငွေရာနဲ့ချီပြီးကုန်မှာပဲ၊သဲရှာနိုင်ပါ့မလား"
နန်းမျက်နှာပျက်သွားသည်။
"သဲမရှာနိုင်ပေမယ့် "မ"မပူပါနဲ့၊ဘဏ်မှာသဲအတွက်ဖေဖေနဲ့မေမေတို့ထဲ့ထားပေးတာတွေရှိတယ် "မ"လိုချင်ရင်ဆယ်ယောက်လဲမွေးလို့ရတယ် သဲကဖေဖေတို့ငွေကိုမထိချင်လို့ မအတွက်တော့သုံးရမှာပေါ့"
YOU ARE READING
အချစ်ဖြင့်တည်သောကမ္ဘာငယ်လေး အခ်စ္ျဖင့္တည္ေသာကမၻာငယ္ေလး
Romanceသဲ "မ"ကိုလှမ်းကြည့်လိုက်သည့်အခါမှာ " မ"ကသဲကိုပြုံးပြလာသည်။ထိုခဏမှာ သဲရင်ထဲတစ်စုံတစ်ရာလှုပ်ခတ်သွားကာ သဲရဲ့ကမ္ဘာကြီးရပ်တန့်သွားသလားလို့တောင် ထင်မှတ်မိသည်။မရဲ့အပြုံးတွေကလှသည်။ဒီအပြုံးတွေကို တစ်သက်လုံးအပိုင်သိမ်းထားချင်မိသည်။ သဲ "မ"ကိုလွမ္းၾကည့္လိုက္သည့...
